Luke 7:12 - Sumi Naga CL (Re-edited) Bible (BSI)

¹² Pa no khagho kupunu ighi kelo timi aqo lakhi no akumo pecheghi, akithiu huye aza achimeu nu lakhi likhi akeu, eno mishiphu lo akemi khami no aza sasü cheghi.

BAIBEL (BSI)

¹² Pano aliwo khagholo ighi kemtsa kithimi lakhi khapesu ipe cheghi. Akithiu huye topumi nu lakhi likhi akeuke, liye chimemi eno aphulomi aqokitikhino li sasu ae.

Sümi Tiqhelimi Bible

¹² Pa no mishiphu khagho kupunú ighi kelo chimemi lakhi, li nu lakhi likhi akeu hu thive no khapesü ipeche. Eno mishiphu lo timi kutomo no achimeu gholo che.

Luke 7:12 Referans Kwoze

Luke 8:42

Kughengu pa nga lakhi likhi achekeu, ampe chighikini qhalo shi akeu, ye thiveni keshi ae. Jisü no wuche kelo timiqo no tsatsai pa lau kuko iloghi.

James 1:27

Apu Alhou zülo tsüghükhüi eno shipuqo mokeu chineye ye hike: mighimi eno chimemi no aghimeshi akelo xujuni keu, eno ayeghi pelo shikitiqe pemoni keu ke.

Apostolmi 9:41

Pa no pa u lono li sünhe puthuve. Tishino pa no li püxüpe küpülümi ngo chimemi tsüve.

Apostolmi 9:39

Peter no ithu pama gholono wuve. Pa no ighi kelo pa sasü kunguu chebo lo iku. Chimemi kümtsü pa phivilo ngono mloqa eno Dorcas no panoqo gholo ache kelo mlakeu phimini pa piye.

John 11:19

eno Jewmi kutomo no Martha ngo Mary pama peu ghenguno pama lokughuno tsüniye ighi ae.

Luke 8:52

Kümtsü no li ghenguno mloqa akemu pa no pi, “Mloqa kevilo, kughengu li ye züani thono thive mphie.”

ZEKHARIA 12:10

“I no David laghami eno Jerusalem lo küami shou kimiyekini ghungu eno küpükini kighini lepuku tsü nani, tishianguno kughou panongu no I shou jupukuni, pano no qhuqhive keu shou jupukuni keno, panongu no anu lakhi likhi akeu ghenguno mloqa akeshi pa ghenguno mloqa nani, eno anu anoghiu ghenguno kukhukimji shi qa keshi nani.

JOB 29:13

Thiuve chekemi no I shikimthi eno I no chimemi lopivilu cheke.

KUKAMI AKINIU 4:20

Kughou aqemi no anu khape paza lau ighi keno, anu ye li lukobo lo puchomta kutolo züve, tishino pa ye thive.

KUKAMI AKINIU 4:16

Pa no pi, “Toku hipa ghuloki lo no ye anu lakhi khape nani.” Li no pi, “Moe, I mpeu, O Alhou timi; o qeliu pishiqhi kevilo.”

KUKAMI ATUGHIU 17:23

Elijah no anu sasü iqighi no pa za vilo pi, “Julo, o nu ye xüluvae.”

KUKAMI ATUGHIU 17:18

Li no Elijah vilo pi, “O Alhou timi, no ye I shou kiu shi ani kea? No ye I pelo I xine kümsüchile luno I nu pithive niye I lau ighi anino lae!”

KUKAMI ATUGHIU 17:12

Li no khochile, “Ampeu o Lhou je lono pi anike ni ye asho kunuve keu kühae, ikemu ashomkhu au kichhi lakhi ani eno thazü kitila abohu lo ani. Itehi ni ye asü kichepe ilo no I nu nikujo ghenguno kutope chuve no tithiu ye thiniae.”

KUKAMI ATUGHIU 17:9

“Ithu no Sidon lo Zarephath lo wulo eno tilau ngo aghilo. I no achimeu lakhi vilo o loji lopi azah tsüvae.”

SAMUEL AKINIU 14:7

Eno itehi ye alagha kümtsü no o qeliu hebide ithughivae, panongu no pi, ‘Khuu no pa thiküzüu heqhive keno ikhiphe tsülo, nino pa thiküzüu küxü ghenguno pa pithivenie.’ Panongu no amheghi kiyighiu ghi kütsave niye ani. Hitoi panongu no I mibalu iqü akeu ghi ghapinheve tsüniye ani eno ayeghi lo I kimi shelo aje momu ghükulumi qhitsü move niye ani.”

BOTHUBO 22:12

Pa no pi, “O nu shou o u be kevilo momu pa lau kiumu shi kevilo, kughengu nono I launo o nu lakhi likhi akeu süchile move keu ithulu kelo no ye Alhou sümsa chenie pi itehi ye I no ithivae.”

BOTHUBO 22:2

Alhou no pi, “O nu lakhi likhi akeu Isaac, khuu nono kimiye cheni keno, pa sasü Moriah yeghi lo wulo, eno tilau naghuto lakhi khikhi I no o piyeni keno tileno pa pesü akipti kümllagho shi tsülo.”

Luke 7:11

Tithiu Jisü no mishiphu lakhi Nain ipikeu lo wu, eno akhopemi ngo aqokitikhi kije no pa gholo wuche.

Luke 7:13

Ampeu no ti ithulupe li gholo amlo saqhiyive no li vilo pi, “Mloqa tavelo.”