Luke 6:48 - Sumi Naga CL (Re-edited) Bible (BSI)

⁴⁸ pa ye timi lakhi no aki shikelo ayeghi thonhei chhusü no atu shou aboqha shike toike. Kughou atshünazü ighi keno, züqozü ghoki no aki tipau lo chhepuku kemu ti ye akivishi mlapüa kehu süküghütha mlae.

BAIBEL (BSI)

⁴⁸ Paye timi lakhi no aki lakhi shiake toi: pano thonhei chhusu eno atuqu shou aboqha qhae; kughou atshunazu ighi keno zuqo zuno aki tipau chhele ighie ikemu tiye aki kughutha mlae, kughengu aki tiye akivishi shipua kehu.

Sümi Tiqhelimi Bible

⁴⁸ Panongu ye timi lakhi no aki shi ake toi ke: pa no thonhei chhusü eno atuqu shou aboqha qhae; kughou atshünazü ighi keno aki tipau chhele ighi ikemu tiye süküghütha mülae, kughengu tiye akivishi shipüa ke.

Luke 6:48 Referans Kwoze

LESHELE 62:2

Pa likhi no I tuqu eno I xakuluu, I liwo; ni ye ithave monani.

ISAIAH 28:16

ikehu Ampeu Alhou no hitoi piani: “Julo, Zion lo aboqha shi ghi atuyitu sho püakeu huye I no ke, ti ye akughupu tsükucho, thebeike boqha: ‘Khukhumu pülü keu ye lhelheivemo nani.’

Jude 1:24

Itehi ye khuu no nongu pelo küpxa pemo eno tukutiye küha no Pa juküvü zülo shishe alokivishi nongu ikhiphepe tsülu nani keno,

ISAIAH 26:4

Alhokuthu Ampeu lau pükhülo; kughengu Ampeu Alhou ye lhokta tuquke.

Ephesiami 2:20

Nongu ye apostolmi ngo tungkupmi no aboqha ghotsü keu lono shiqhe puku keu kiae, Khristo Jisü ampi no atsükupu tuqu shino

1 John 2:28

Tishiaye atianuliqo, Pa lau kimepe achelo, tishianguno kughou Pa no ipeghini keno ningu ye akukujo lono itshü ilomo nani, ikemu Pa ikighi lo amlo kumto shilu nani

2 Tim. 2:19

Ikemu Alhouw akumto boqha ye puthugho ani. Eno ti ye amchipu ishi ani: “Khunono Ampeuw keno, Pa no ithi ani,” eno “khunono Ampeu je pini keno, panongu kümtsü alhoksa lono putosüve lo.”

LESHELE 32:6

Tighenguno O phulu kepu do-ghuloki lono Alhou ithi kemi kümtsü no akighini lono O lau ighilu pelo; mtsüqheino lakhamla keu zü kije qoighi kelo tino pa tomo nani.

SAMUEL AKINIU 22:32

“Ampeu no kumo aye Khuu no Alhou kea? Eno ni Lhou likhino kumo aye Khuu no atuqu kea?

AHOLE 10:25

Kixikilami ye pasapagha ighi kelo fupe wuve aghi nani, ikemu amikuchomi ye alholo iqhikumtope qhinani.

SAMUEL AKINIU 22:47

“Ampeu ye xüani, I tuqu sheqhelo, I xakulu tuqu, I Lhou je süqhelo.

ISAIAH 59:19

Tishikeu lono kulolaumi no Ampeu je sümsa nani; eno khetsünhe kipelaumi no Pa juküvü sümsa nani; kughengu Ampeu mülhü no fukucho kelo, aghoki no iqhaighu qoiqi aketoi Pa ye ighi nani.

2 Peter 1:10

Tighenguno aküsamiqo, nongu kukulu eno kishekulu hu mtsüqhei lupe kepushi alau aghüthi küxü shilo, kughengu nongu no ameküapu hipaqo pepimhe aye nongu ye khilemu ikiqivemo nani.

Apostolmi 14:22

Hi kümtsü lo akhopemi mlo shikumto tsüno aküpülü lo cheche penike pama no pi, “Aghime kitikhi kutomo vechesü ningu ye Alhou yekipe lo ilo masae.”

John 16:33

I no nongu vilo hipau pikeu ye I lau kimepe akeu lono nongu ye aloino apeniye ke. Ayeghi lo nongu ye aghime kitikhi sholu nani, ikemu amlo mtolo; ni ye ayeghiqha theqhi luvae.”

NAHUM 1:8

Ikemu Pa no züqozü kije pesü aghümi qhoi kishekhave tsü nani, Pa ghümi hasü aküzü lo ilo nani.

LESHELE 95:1

O ighilo, ningu Ampeu lau ale pheni; ni xakulu tuqu lau alokivi ghügha ighani nolo!

SAMUEL AKINIU 22:5

“Kughengu akithi zükukucho no I süho luve, kütsakungo keu zükuqo no I shou ikughie;

ZAKINIU 32:15

“Ikemu Jeshurun no chhikhoive kelo hebideuve; nongu no atha pubeyi, chhikhoi, eno athinibeive; tileno pa no pa lhokeu Lhou pheve, eno xakulupu Tuqu thogha ke.

SAMUEL AKINIU 23:3

Israel Lhou no piqhivae; Israel Tuqu no I vilo pivae: Kughou milakhi no achipiu lono, Alhou sümsa ghi ayepeni keno,

SAMUEL AKINIU 22:2

Pa no pi, “Ampeu ye I tuqu, I liwo eno I xaphekuluu,

SAMUEL ATUGHIU 2:2

“Khumu Ampeu toi akimthe kühae: kughengu O nguno alau kütami kühae; ningu Lhou toi atuqu khumu kühae.

ZAKINIU 32:31

Ni ghümiu ghi pano tuqu ye ni Tuqu toimo kepi ithi anie.

ZAKINIU 32:18

Panongu ye pano tuchophe keu Tuqu lau amlo tsümoe, eno pano punu keu Lhou kümsümave.

Luke 6:47

I lau ighi no I tsa chilu püzü papeche kemi ye kiu toi kemi keno, I no nongu piyeni:

Luke 6:49

Ikemu khuu no I tsa chilu no tipaqo pape moni keno, pa ye milakhi no aboqha kühano aki shi keshie. Kughou züqozü ghoki no tipau lo chhepuku keno, ti ye paikhavi no ikiqive, eno kulupu kumoshi kütsaleve.”