Luke 6:28 - Sumi Naga CL (Re-edited) Bible (BSI)

²⁸ nongu müsüini eno peitha püsa kemi kümghatsü penike inikhu lo.

BAIBEL (BSI)

²⁸ nongu ghushokemiqo kumghatsulo, nongu peithapusakeqo ghenguno inikhulo.

Sümi Tiqhelimi Bible

²⁸ nongu ghusho kemi kümgha tsülo, nongu peithapüsa kemi ghenguno inikhu tsülo.

Luke 6:28 Referans Kwoze

1 Peter 3:9

Alhoksa pesü alhoksa lochile kevi, momu pipütha keu pesü pipütha kevilo, tipa züqhulo, kümghatsü kilelo, kughengu nongu ye hipau lo kuluvae, tishikeu lono nongu pelo kükümgha ithulu peniye ke.

1 Kor. 4:12

ningu ye ichheime ni u no mla cheni. Ningu ghusho aye, nino kümghave tsü cheni; ningu shikighime aye nino kutuu cheni;

Rommi 12:14

Khunono nongu pishipujuni keno pano kümgha tsüni thono ghusho kevilo.

James 3:10

Akichi lakhi lono kükümgha ngo ghukusho ipeghi cheni. I thiküzümiqo, hitoi keu ye shikepu kumoe.

Luke 23:34

Jisü no pi, “Apu, panongu ye kiu shi ani keno ithiamo ke akipimi qhive tsülo.” Panongu no pa phimini kije luveni ye asaqhi.

Luke 6:27

“Khunoqo hi chilu ani keno, I no nongu vilo piani, No ghümi kimiye lo, nongu mithi kemi lau akivi mla lo,

MATTHEW 5:44

Ikemu I no nongu vilo piani, No ghümi kimiyelo eno khunono nongu ghimeqhi cheni keno, panongu ghenguno inikhu tsülo,

Apostolmi 7:60

Pa no qhoqhünhe pesü asütsa kuloghi lono ighamku, “Ampeu, hipau xine panongu shou betsü kevilo.” Hi pive no pa ye zühuve.

Luke 6:35

Ikemu no ghümi kimiye lo, akivi mla lo, ithulu chileni keu kiumu lajumo no püna lo, eno nongu jume ye kije shi nani, nongu ye Shishe Akiqheu tianuli shi nani, kughengu Pa ye amlo lo shikimthikütsü küha kemi eno alhoksami lau ghi kimiyeqhiyi cheni.

Apostolmi 14:5

Kughou Jewmi ngo Jewkumomi no yepemi gholo süno pama ghime eno atu pesü veqhi nike kughu keno,

EZEKEL 36:5

tighenguno Ampeu Alhou no ishi piani: Mtsüqheino shiye kütami eno Edommi kümtsü, khunono alokivishi eno shishe küthaküghapu shi I yeghi pesü pano ampi tsüve, tishikeu lono ayeghi tipau pesü atsüni kümtsha-a shiniye shikeno, panoqo lau I no I loghu külü lono pivae.

EZEKEL 25:15

“Ampeu Alhou no ishi piani: Philistiami no alolo timi mithi keu xapu aküxü tivilo ghümi kütsaveni ye amkhü luke ghenguno,

KUKAMI ATUGHIU 13:6

Akükau Jeroboam no Alhou timi vilo pi, “I ghenguno Ampeu o Lhou vilo inikhu tsülo eno I u hipau shipivi tsülo.” Alhou timi no Ampeu vilo inikhu tsü, eno akükau u ye athoputho luve.