Luke 6:12 - Sumi Naga CL (Re-edited) Bible (BSI)

¹² Ghulo lakhi Jisü no atoghi lo inikhu nike iqho, eno puthotsü pa ye Alhou lau inikhu ae.

BAIBEL (BSI)

¹² Hipa ghulokilo Jisu no ghulo lakhi inikhuniye ato lo iqho, eno pano puthopuzu Alhou vilo inikhua.

Sümi Tiqhelimi Bible

¹² Ghulo lakhi Jisü ye akighini shi niye naghuto küdau iqhoe, eno pa ye puthotsü Alhou vilo inikhua.

Luke 6:12 Referans Kwoze

IBRIMI 5:7

Jisü no ayeghi lo ache kelo aghügha kuloghi eno anhezü kipiji pesü Alhou khuu no akithi lono pa xalu nani keno, Pa vilo khuche, eno pa lolo sükümsa akeu ghenguno ikhilu tsüche.

Mark 6:46

Tithiu pa ye akighini shiniye naghuto lo iqhove.

Mark 1:35

Thanau tsükutho lau Jisü no itheno ithuve no züghüi aphi lono yenguyi ke-a lo wuve, eno tilauno inikhue.

Kolosiami 4:2

Tamono mtotoi akighini shi alo, shikimthikütsü gholono tsükhüi khekuto alo.

MATTHEW 6:6

Ikemu kughou nono inikhuni keno, o chebo lo ilolo eno aki khaveno tuqhoushi achekeu o Pu lau inikhu lo. Eno tuqhou no ithulu chekeu o Pu no ajume o tsü nani.

DANIEL 6:10

Kughou Daniel no kiyepa lo jemchi süvae pi ithive keno, pa ye pa ki kunguu chebo lo alasheqo Jerusalem küdau khaqhipe qhi chekeu lo ikuve. Pa no azüu shiche ketoi, atsala lo ghuthu küthü qhoqhünhe no akighini shi eno pa Lhou zülo shikimthi tsüe.

LESHELE 22:2

O I Lhou, I no puchou no ighamku kemu Nono I khochile moe, I no putho lono ighamku kemu ni ye akulhoqhi mlae.

SAMUEL ATUGHIU 15:11

“I no Saul pesü akükau shiveke I mlo kili ani, kughengu pa ye I papemo no tsüghüvae eno I zakütsüqo shimovae.” Samuel ye amloideve no puthotsü Ampeu qhüiniju.

ISAIAH 26:9

Putho lo I ngulho no O laju cheni; I lolo no müamzü O phu cheni. Kughou ayeghi lo Ow küghakütha ighini keno, tile akemi no achipiu mikucho shikalu nani.

MATTHEW 5:1

Aqokitikhi ithulu no Jisü no naghuto lakhi lo iqhove, eno iqa akelo pa khopemi no pa lau ighi.

Mark 3:13

Jisü no atoghi lakhi lo iqho püzü timi khunoqo pa no avehupu shi akeno kusü, eno panoqo no ighi.

Luke 5:16

Ikemu pa ye ado-ado lo panoqo launo wuve no yenguyi ke-a lono akighini shiche.

Luke 6:11

Ikemu Jisü kipimi phu akeqo ye axuideve eno pa lau kiu shimasa keno pano dolono küptsauve.

Luke 6:17

Jisü no panongu sasü iqi aqa lo ngove, eno pa khopemi kutomo no aqokitikhi kije Judea ngo Jerusalem eno azüghi mkülo Tyre ngo Sidon kümtsü lono ighi akemi gholo kumqo.

Luke 9:18

Ghulo lakhi Jisü no lomoshi inikhu akelo, akhopemi no pa lau ighi. Pa no panoqo vilo ighiju, “Aqokitikhi ye ni ye khuue picheni kea?”

Luke 9:28

Jisü kipitsa hipaqo piwo atsala tache thiu pa no Peter eno John ngo James ishi pa gholo sasü atoghi lo inikhuni ke iqho.

Luke 9:29

Pa no inikhu akelo, pa gi ye thosü ju kumove no pekilive, eno pa phimini no phuphushi metsüghoi ilhouve.

John 6:3

Jisü no naghuto lo iqho no pa khopemi sasü iqa.