Luke 4:25 - Sumi Naga CL (Re-edited) Bible (BSI)

²⁵ Ikemu kuchou loye, I no pi anino Elijah ghuloki lo, kughou atsütsü no ampe küthü no aqhi tsügho khave püzü püqümiye kije ighi keno, chimemi kutomo Israel lo ache kelo,

BAIBEL (BSI)

²⁵ “Ikemu kuchouno ino nongu vilo pinikeuye, Elija ghulokilo Israil lo topuchimemi kutomo ache kelo ampe kuthu aqhi tsugho ghumove kehu eno ayeghi kumtsulo puqumiye kije ave;

Sümi Tiqhelimi Bible

²⁵ I no mütsüqhei nongu vilo piakeu ye Elijah ghuloki lo kughou Israel lo ampe küthü tüxa ghumove no ayeghiqha kümtsü lo püqümiye ighi keno tilehi chimemi kutomo ache.

Luke 4:25 Referans Kwoze

James 5:17

Elijah ye ningu lhoaye toi kemi, ikemu pa no tsüghu pemo nike amlo tsüqhiyi inikhu kelo ampe küthü no aqhi tsügho ayeghi lo ghuqhi move.

KUKAMI ATUGHIU 17:1

Gilead lo Tishbemi Elijah no Ahab vilo pi, “Ampeu Israel Lhou xüküau, I no huthu chekeu je lono pi ani, I tsa lono kumo aye, hithiu ampe hami dolo atsüzü na tsütsüghu namu ighimoae.”

MATTHEW 20:15

I no akeu pesü kiu shinishi keno ni ye shimlani keshea? Ikeo, Iw tsüjekini ghenguno o nheshuve kea?’

ISAIAH 55:8

Kughengu I kükümsü ye nongu kükümsü toimoe, eno nongu laghi ye I laghi kumoe ipi Ampeu no pi.

Luke 10:21

Tipa süchedo lo Jisü no Aghungu Kimthe lono alovilu no pi, “Atsütsü ayeghi Mpeu, Apuo, I no O sheqhe akeu ye Nono alokütsümi ngo kighithimi launo thime hipaqo küsüve no itimi kititiqo lau pephetsü ke; iyei Apuo, kughengu hitoi shikeu no O mlokiqipu ke.

Ephesiami 1:11

Alhou khuu no thokha Pa pulou kimji lono mlaitha cheni keno, Pa kukughu lono azünatha ningu kishelu kehu ningu ye Khristo laumi shilu keu lono Alhouw akütsa mheghi shiluvae,

Ephesiami 1:9

Paw tuqhou kukughu khikhi Khristo vecheo kimshitsü keno Pa no ningu lau kilethi tsüke.

Rommi 9:20

Ikemu o timio, no ye khuue pi Alhou ghechile luni kea? Ayeghi li lakhi ye tipa kiyiqiu vilo, “No ye kushiye hitoi I kughuphe kea?” ipilu nanio?

Rommi 9:15

Kughengu Pa no Moses vilo pi, “I no khunoqo shou küpükini ani keno panoqo shou küpükini anani, eno I no khunoqo shou amloighi qhiyi cheni keno panoqo shou amloighi qhiyi nani.”

Piyeküsü 11:6

Pama ye atsütsü khaluve kepu küka ani, tishikeu lono pama no tungkuptsa piake tivilo tsüghu move nani, pama ye azüghizü pesü aji kughulhove kepu küka ghi ani, eno pama pulou lono püsa jeli pesü ayeghi shou vepukulu kepu küka ghi ani.