Luke 4:18 - Sumi Naga CL (Re-edited) Bible (BSI)

¹⁸ “Ampeu Ghungu no I shou ani, kumlhomi lau asütsa kivi sheshu penike Pa no I nukishe. Pa no I puwu keu ye akughumi lau khakiqhi sheshu; anhechemi lau ithukulu tsü; nedaqodape akemi kuqhophe;

BAIBEL (BSI)

¹⁸ “Ampeu Ghungu ishou ani, Asutsa kiviu kumlhomi lau asheshu penike pano teli pe ni nukishetsue, Akughumi lau khakiqhi kutughu penike, eno anhethi ichekemi lau ithukulupu sughi penike ipuwue. Nedaqoda puakeqo phepuwu penike ipuwue.

Sümi Tiqhelimi Bible

¹⁸ “Ampeu Ghungu I shou ani, kughengu atsakiviu pe kumlhomi lau asheshu peniye pa no ni nukishelu ke. Akughumi lau khakiqhi kütüghü peniye eno anhethi kighichemi pelo ithulu kithe peniye, neda-qoda püa kemi phepuwu peniye

Luke 4:18 Referans Kwoze

ISAIAH 61:1

Ampeu Alhou Ghungu no I shou ani, kughengu Ampeu no I nukishevae, I pelo kumlhomi lau sütsa kivi süghi peniye, Pa no amlo ghimeshi akemi shipivi peniye I puwue, akughumi lau kuqhokiphe sütsa sheshu peniye, eno akughumi ghenguno akughuki khaqhitsü peniye ke.

MATTHEW 11:5

anhechemi no ithulu ani eno apukhu kighichemi no ala chelu ani, apüghami shikimthelu ani, akini kughupomi no chilu ani, kithimi xüputhu ani, eno atsakiviu pesü sheshu kelo kumlhomi no ikhilu ani.

Apostolmi 10:38

Alhou no Aghungu Kimthe eno aküka pesü Nazarethmi Jisü nukishe. Alhou no pa gholo ake ghenguno pa no aqha kümtsü lo wuno akivi kümla shi eno tüghami no qhasüpe akeqo kümtsü shipivi tsüe.

Luke 7:22

Pa no pama khochile, “Wuno John vilo nokujo no kiu ithulu eno chiluve akeno pilo: anhechemi no anhetsü ithulu ani; kinitave kemi no ala chelu ani, apüghami no mithelu ani, akini kughupomi no chilu ani, kithimi xüputhuve ani, eno kumlhomi lau atsakiviu sheshu ani.

Apostolmi 26:18

panongu nhethi xükho tsüno no aküzü lono aküvü lo ipeghilu, eno Satan küka lono Alhou lau tsüghü ighilu, tishino panongu pelo axine qhikütsü ithulu no I lau aküpülü akeu vecheo shikimtheve kemi gholo a-a ithulu peni.’

ISAIAH 42:7

anhethi kighichemi nhethi khaqhitsü nani, aküzü kughuki lo akughu shi akemi saipeghi nani; aküzü lo iqa akemi khaqhiphe nani.

John 12:46

Ni ye aküvü shi ayeghi lo ighi, tishianguno khunono I pülüni keno aküzü lo ngomo nani.

1 Peter 2:9

Ikemu nongu ye kishekiphe lagha, Akükau chine kümlami, akimthe shiye, Alhou no Pa kütsashi pükhalu keu timiqo ke, tishikeu lono Khuu no aküzü lono nongu kuphepe Paw akichiqhipu küvü lo sailo keno, nongu pelo Pa kighiche kümla sheshu peniye ke.

Kolosiami 1:13

Pa no aküzü yekipeqha lono ningu xaphelu no petsüghü sawo Pa qhuu Nu yekipe lo ighike.

MATTHEW 4:16

aküzü lo ache keqo no aküvü kije ithuluvae, eno akithi yekükhü qholo ache keqo ye aküvü no ipeghi no panoqo shou yepüvü luvae.

ISAIAH 32:3

Tileno ti ithulu eno chilu kemi no ithikuthulu no amlotsü qhiyi nani.

LESHELE 147:3

Pa no amlo ipopinyi kemi shipivi eno pano zaku khatsü cheni.

ISAIAH 35:5

Tileno anhethi kighichemi nhethi xükhove tsü nani, eno akini kughupomi kini khaqhive tsü nani;

MATTHEW 5:3

“Aghungu lo kumlhomi shikemi kümghapue, kughengu kungugha yekipe ye panow ke.

Luke 6:20

Tishino pa no akhopemi lau jupuwo no pi: “Nongu khunono kumlhomi keno akümghapue, kughengu Alhou yekipe ye nonguw ke.

MALAKI 4:2

Ikemu nongu I je sümsa chekemi ghengu ye, achipiu mikucho no khetsünhe küvü toi shikipivi süghi nani. Amshitiqo no kakashi ilhe ketoi nongu no alovi nani.

James 2:5

I qhuu athiküzümiqo, inilo, Alhou no ayeghi lo kumlhomi kishelu no aküpülü lo kinimi shilupe eno Pa kimiyekemi tsüni keu shi piqhi püakeu kükaqha mheghi kiyighimi shilupe kekumo keshea?

John 3:34

Alhou no khuu puwu keno pa no Alhou tsa pesü pike, kughengu Alhou no Pa Ghungu kupukuno shi pa tsüe.

ISAIAH 59:21

Ampeu no highi piani, “I ghengu ye, panongu sasü Iw puloshoqhi ye hike: I Ghungu khikhi nongu lolo ani keno, eno I kükütsütsa khikhi I no nongu kichi lo süvetsü akeno, tipaqo ye khilemu nongu eno no tianuli ngo atilimi launo wuvemo nani; eno ti ye ishi tsala lono alhokupuju kutolo ke.”

ISAIAH 50:4

Ampeu Alhou no tsaqüi khuno qoputhuve akeno tipano mili pesü I tsüvae, tishianguno I pelo akulho shive kemi shikumtolu peniye ke. Inaqhe atsütsü Pa no I pelo tsaqüi qoputhuve kemi toi chilu peniye I küda cheni.

LESHELE 102:20

akughu shi akemi mloküqa chilu tsüniye, pithive niye küghathave kemi kuqhophe tsüniye,

DANIEL 9:24

“Ow timi eno ow akimthe mishighüna ghenguno hekibide tave, axine kishekhave, küsakügha ghenguno aghashilu, pülhapuju achipiu mikucho süghilu, kungunhetsü ngo tungkuptsa mekhave, eno shishe akimthe-a nukishelu peniye apinedo lhotsüni za tsüvae.

ISAIAH 57:15

Kughengu akiqheu eno süqhepe püakeu, khuu shekhaha acheni eno Pa je Akimtheu keno, Pa no ishi piani: “Ni ye akiqheu eno akimthe-a lo acheni, ikemu Ni ye mloqa kemi ngo aqhokighemi gholo ghi ani, Ni ye aqhokighemi ghüthi püxü kithetsü, eno mloqa akemi mlo püxü kithe tsüniye ke.

ISAIAH 49:9

I no akughumi vilo pinani, ‘Ipeghilo,’ aküzü lo akeqo vilo pinani, ‘Ipeghive lo.’ Panongu no ambeqo alaghila lo achu kümza nani; eno qhemghaike-a kümtsü no pano chu kümza-a shinani;

ISAIAH 45:13

I no achipiu-mikucho lono pa xukuthovae; pa laghi kümtsü I no shikümzüve tsü nani; Pa no Iw mishighüna shiqhe nani eno Iw timi haphe sawuve kemi khaqhiphe nani, ame momu asaxü ghenguno pa ye hi shimo nani,” ipi aqokitikhi Mpeu no piani.

LESHELE 34:18

Ampeu ye amlo itamjui akemi kupunu ani eno aghungu lo chishedape akemi xalu cheni.

LESHELE 2:6

“I kimthe toghi Zion lo I no I ghenguno Akükau süsüvae.”

ZEFANIA 3:12

Ikemu I no nongu gholo akümtshami eno aqhokighemi qhitsü nani. Panongu no Ampeu jelono aküghütshü-a phu nani,

LESHELE 2:2

Ayeghi lo kükami no pano ampi süqhe, eno yepemi no mije küqhano Ampeu eno Paw Nukikishe lachile pi,

John 1:41

Atüghüshi pa no pamu Simon phuwu no pa vilo pi, “Ningu ye Messiah (tipa kiqi ye Khristo) phuluvae.”

MATTHEW 12:20

kuchou xakütha no tolu moke kutolo pa ye akuaye akeu yeghü mu süchhemo nani, momu inhemimi keu kulu namu fupinheve tsümo nani;

LESHELE 51:17

Alhou lau aghakishi ye aghungu lo mlominyi keu ke, O Alhou, No ye küghüta kughuju mlo jukünathave chemoe.

ZEKHARIA 11:11

Ikehu puloshoqhi ye tipa tsala lono hexave, eno ambe küqhümi, khunoqo I ju akeno, tipaqo no hi ye Ampeu tsa kepi ithive.

EZEKEL 9:4

Ampeu no Pa vilo pi, “Jerusalem mishighüna qha kuchopu wulo, eno khunoqo no tile aphikümqhüpu shikeu ghenguno akümza eno amloghuju shi ani keno panoqo kishe lo amchipu lakhi shipuku lo.”

ISAIAH 66:2

Hi kümtsü I u no mlake, tishino thokha kuchopu aghive, ipi Ampeu no sheshu. Ikemu Ni ye timi hitoi keu lau I mloqi nani: aqhokighemi eno aghungu lono xaide kemi eno I tsa sümsa chekemi.

BOTHUBO 3:15

Atotiu ngo nokujo dolo eno o nuli ngo li nuli dolo I no kimthikile keu sütsüni; pa no o kütsü chisheda nani, eno nono pa phitsü mighi nani.”

Apostolmi 4:27

kughengu kuchou no aphughi hipau lono Herod ngo Pontius Pilate pama, eno Jewkumomi ngo Israelmi no hekütsüpe Nono nukishe keu O qeu akimtheu Jisü mjochile ke.

LESHELE 45:7

No ye achipiu mikucho kimiye eno küsakügha mithi ke. Tighenguno Alhou, o Lhou no o küsami nguno alau alokivi thazü pesü o nukishe ke.

YEKIKITHI AKINIU 34:27

aphughi hipau eno hile xüküami shou Ampeu no pikeu tsaqo nono chilu kelo, nono kuchunipe o phimini süxü no I zülo mloqa keu Ni ghi chiluvae, ipi Ampeu no sheshu ani.

MATTHEW 12:18

“I qeu khuu I no kishephe keno I ngulho no jupe amloqi chekeu, I qhuu julo. I no I ghungu pa shou lepukutsü nani, pa no Iw kuchou xakütha pesü shiyeqo lau sheshu nani.

Luke 4:17

Isaiah tungkupuw liküküzü kaku pa tsü kehu pa no xakhope khile ishi yepüa keno amqo tipau ithulu,

Apostolmi 4:26

Ayeghi lo kükami eno yepemi hekütsü kumqope Ampeu no Nukishe keu mjochile ke’