Luke 24:44 - Sumi Naga CL (Re-edited) Bible (BSI)

⁴⁴ Tishino Pa no panongu vilo pi, “Moses Yezah lono Tungkupmi eno Leshele kutolo I vehu yepüa keu kümtsü shikupuve masae pi I no nongu gholo acheke lono atsa hipaqo nongu vilo pikhavae.”

BAIBEL (BSI)

⁴⁴ Tishino pano panongu vilo pi, “Ino nongu gholo aphi lono hipaqo kumtsu nongu vilo pivae!Muse yezahlo,Tungkupmino yehpe puakeulo,eno Leshele lo Ighili yehpe puakeu kumtsu shikupu masae.”

Sümi Tiqhelimi Bible

⁴⁴ Pa no panoqo vilo pi, “I no nongu gholo aphi lono hipau nongu vilo pivae: Moses Yeza, Tungkupumi eno Lesheleqo lo I ghili yèpüa keu kümtsü shikupu moayesae.”

Luke 24:44 Referans Kwoze

ZEKHARIA 12:10

“I no David laghami eno Jerusalem lo küami shou kimiyekini ghungu eno küpükini kighini lepuku tsü nani, tishianguno kughou panongu no I shou jupukuni, pano no qhuqhive keu shou jupukuni keno, panongu no anu lakhi likhi akeu ghenguno mloqa akeshi pa ghenguno mloqa nani, eno anu anoghiu ghenguno kukhukimji shi qa keshi nani.

ZEKHARIA 9:9

Shishe alovilo, O Zion limi! Ighamku lo, O Jerusalem limi! Julo, o kükau ye o lau chenie; Pa ye achipiu eno xakuluu, aqhokigheu shi khurha sacheni, khurhati shou ikuno chenie.

Apostolmi 13:33

Pa no Jisü xüputhu keu vecheo ningu anuliqo lau shikupu tsüe, ti ye Leshele akiniu lo ghi yepüani, “‘No ye I nu, ishi no I no o pu shiluvae.’

Luke 9:22

“Timi Nu ye aghime kutomo sholu masa nani, eno kichimi, achinetomi ngo Ayezah shikükami no kileqhive no pithive nani, eno atsala aküthüni no xüputhuve nani.”

ISAIAH 7:14

Tighenguno Ampeu ampi no amchipu lakhi o tsü nani. Julo, ili thathe lakhi no mishipuve no anu punu nani, eno pa je pesü Immanuel kutsü nani.

Piyeküsü 19:10

Ikehu I no pa mllani ke pa pukhu philo itsaqi, ikemu pa no pi, “Tishi kevilo! Kughengu no eno o thiküzümi khunoqo Jisü no kuchou shepe shikeu pecheni keno, nongu gholo nighi aqemi lakhike. Alhou mllalo!” Kughengu Jisü no kuchou shepe shikeu pelu kemi no tungkuptsa pikulupu ghungu achenie.

IBRIMI 10:1

Ayezah ye thime kuchou akeqo kumono thime kivi ighi niye akeu julho keke, ti ampe atsütsü ishokibe aghakishi atho tsüche keu ye mlla niye kupunu ighi akemi pesü khilemu kupukülai tsümla nani.

John 5:46

Nongu no Moses pülüke aye nongu ye I pülüni cheke, kughengu pa no I ghili yeke.

ZEKHARIA 6:12

Eno pa vilo pilo, ‘Aqokitikhi Mpeu no ishi piani, “Khuu je no Aloka keno, julo: pa ye pa-a lono aloka qüpuwu nani, eno pa no Ampeu chineki shiqhe nani.

ISAIAH 9:6

Kughengu ni lau anu punutsü ani, anu lakhi ningu tsü anie; Yepeka kükagha ye Pa u lo anani, Pa je ye Akümzapu Mijekütsüu, Akughushu Lhou, Alholo Apu, Külakishi Yepeu kutsü nani.

ISAIAH 28:16

ikehu Ampeu Alhou no hitoi piani: “Julo, Zion lo aboqha shi ghi atuyitu sho püakeu huye I no ke, ti ye akughupu tsükucho, thebeike boqha: ‘Khukhumu pülü keu ye lhelheivemo nani.’

LESHELE 118:22

Aki kishimi no atu kileve keu huno kümtsü nguno atsükupuu shive.

ZEKHARIA 13:7

“O azütakikihi, ithu Iw ambekhemi mjochile lo, Timi khuu I shelo puthugho ani keno mjochile lo,” ipi aqokitikhiMPEU no asheshu. “Ambekheu ghiqhilo eno ambeqo ye apanaghave nani; I no itimiqo shou I u süqheni.

HOSIYA 3:5

Tithiuno Israel tianuliqo no ideighi no Ampeu pano Lhou eno pano kükau David phu nani, eno ashekha ghuloki lo panongu no Ampeu sükümsa eno Pa kivi küdau ighi nani.

EZEKEL 34:23

I no panoqo shou ambekheu lakhi, I qeu David, qhinani eno panoqo mbekheu shive nani.

ISAIAH 52:13

Julo, I qeu ye alokütsü lono mlaitha nani; pa ye akiqheu lono pa süqhe nani, eno pa sheqhe nani.

BOTHUBO 22:18

o tikughuko vecheo ayeghi lo shiye kümtsü no müghalu nani, kughengu nono I gholuke.”

IBRIMI 9:8

Hipau vecheo Aghungu Kimthe no ningu piye akeu ye khalau bocho no ake thaqhülo Shishe Akimthe-a lo iloni keu pephemla aphie

John 5:39

Nongu no Kuchoyesü phuju cheni, kughengu nongu no tipau lono lhokta küxü ani kepi kümsü cheni. Kuchoyesü tino Iw thopi shicheni,

ZEKHARIA 14:4

Tipa tsalani Pa pukhu no Jerusalem kipelau akeu Olive Toghi lo nepe puthugho nani, eno Olive Toghi ye akhila kije lakhino kikije kini shi kipelau kulolau shivetsü nani, tishikeu lono Atoghi tüxa no ahuu iqe iqho eno tüxa no apeu iqe iqive nani.

DANIEL 7:13

“Putho lono I no kungunhetsü ithulue, eno julo, timi nu toike lakhi, atsütsü lo khüngküsü lono ighi, Pa no Alholo Achekeu lau ighi eno Pa zülo ngoluve.

DANIEL 2:44

Eno kükami tipaqo ghuloki lono kungugha Lhou no kükaqha lakhi shiqhe nani, ti ye khilemu kütsave monani momu timi kütami lau phesüve monani. Tino kükaqha hipaqo kümtsü kubopinyive nani eno kishekhave tsü nani, eno ti ye alholo puthugho nani,

EZEKEL 17:22

Ampeu no ishi piani: “Ni ampi no qhemghai keu cedarbo kütsüqa lono akhuni pughotha pesü wunani. I no tipau akemtsü lo akhuni kümtsha pigheve nani, Ni ampi no tipau pesü qhemghaike-a eno chuqumghai keu naghuto lo shosü nani.

JEREMIYA 23:5

“Jualo, Ampeu no asheshu, I no David ghenguno amikucho Loka lakhi süqheni keu tsala cheni, pa no akükau shino alokütsü lono ayepe nani, eno ayeghi lo kuchou xakütha ngo achipiu mikucho anani.

AKIKIHI 35:25

Tishino aqoaho no amkhükuluu launo timi heqhive keu xapheni eno timi tipau sasü itshükulupu phughi khile pa no pove keno, tilau kighide puwuveni. Eno tipa ghuloki lo tilau achinetou khuu shou akimthe thazü no nukishe püa keno, pa no thimphi kutolo timi huye tile xüaghini.

AKIKIHI 21:8

Eno Ampeu no Moses vilo pi, “Apighi julho mlape aqhedu shou qhilo, eno khukhumu apighi no mighi püakeu ye ti jukelo viluve nani.”

BOTHUBO 3:15

Atotiu ngo nokujo dolo eno o nuli ngo li nuli dolo I no kimthikile keu sütsüni; pa no o kütsü chisheda nani, eno nono pa phitsü mighi nani.”

John 3:14

Moses no asayeqha lo alazayi pighi ikhiqhe keshi Timi Nu ghi ikhiqhe masae,

Luke 24:46

eno pi, “Ishi yepüani, Khristo ye aghime shino aküthüni no akithi lono xüthughi masae,

JEREMIYA 33:14

“Julo, Ampeu no asheshu, I no Israel ngo Judah kibo lau tushoqhi püakeu shikupuni keu tsala cheni.

BOTHUBO 49:10

Sükusho süqha Judah lau süghi moke kutolo kükaküsü ye Judah phevemo, momu yepeu küsü ye pa pukhu dolono kühave monani; eno ashiayeqo no pa lau aghokulu shi nani.

BOTHUBO 14:18

Eno Salem kükau Melchizedek no asho eno atsaizü peighi. (Pa ye Shishe Akiqheu Lhou chineu ke.)

IBRIMI 7:1

Kughengu Salem kükau, Akiqheu Lhou chineu Melchizedek hipau no Abraham no aghüla wuno kükami ghiqhi püzü woche kelo pa sasü kusholu no kümghatsü,

IBRIMI 3:5

Moses ye aqemi lakhi shi hithiu piniye akeu tsalo thopi shi penike Alhou kibo lo pükhükulupu shike,

Apostolmi 7:37

Moses hipau no Israelmi vilo pike, ‘Alhou no nongu ghenguno no thiküzümi dolo tungkupu I toikeu ipeghipe nani.’

Luke 22:37

Kughengu I no nongu vilo pi anike Kuchoyesü ye I lau no shikupu masae: ‘Pa ye axinemi gholo kihisüve.’ Kughengu I ghili kiu yepüani keno, ti ye shikupu niye ani.”

Luke 21:22

kughengu yepüa keu kümtsü shikupu keu shi hi ye amkhükulu ghuloki ake.

Luke 9:44

“Nongu kini lo atsa hipaqo ilolu pelo: Timi Nu ye küghape timiqo u lo süve tsüniye shivae.”

MATTHEW 26:56

Ikemu tungkupmi no Kuchoyesü lo yepüa keu shikupu niye hi kümtsü shi ani.” Tileno akhopemi kümtsü no pa qhive no pove.

MATTHEW 26:54

Ikemu tishive aye Kuchoyesü lo hitoi shimasae pi püakeu ye kishino shikupuni kea?”

MATTHEW 16:21

Tipa ghuloki lono Jisü ye pa khopemi vilo tucheche pa ye Jerusalem lo wuno kichimi eno achinetomi ngo Ayezah shikükami u lono ime masa keu, eno pithive no aküthüni no xüthughini keu vehu pithuve.

AMUS 9:11

“Tipani David pushonha khikhi ikiqive keno I no ikhiqhe nani, tipau kighipeqo pukho kithe eno ixapinyive keu shiqhe kithepe khaghi lo toi atho shive tsüni,

1 Peter 1:11

panongu lolo Khristo Ghungu akeu no Khristo ghime ghili eno tipau shelo ajuküvüpu chekeu pichho tsü kelo ti ye kiu toi kemi eno kiu ghuloki lo kichetsü akeno panongu no phujuke.

Apostolmi 3:18

Ikemu Alhou no kiu Paw tungkupmi kümtsü vecheo azünatha Paw Khristo ye aghime shinani, ipi keno, Pa no ti shikupuve tsüe.

Mark 9:31

kughengu pa no ishi akhopemi kütsüshika che, “Timi Nu ye küghape timiqo u lo phesüve tsü nani. Panongu no pa pithive nani, eno atsala küthü thiu pa ye ithughive nani.”

MATTHEW 1:22

Hi kümtsü shikeu ye Ampeu no tungkupu vecheo kiu pipüa keno shikupu niyeke:

Apostolmi 2:27

Kughengu No ye I ngulho pesü Kithigha lo qhivemo nani, momu Ow Akimtheu pelo tsümave keu ithulu pemo nani.

Apostolmi 13:40

Tighenguno tsükhüi lo, tikumo aye tungkupmi kaku lo pi püakeu no nongu shou ikughi nosae: