Luke 24:32 - Sumi Naga CL (Re-edited) Bible (BSI)

³² Pama no ishi pikile, “Ala lo pa no Kuchoyesü lo akeu tsa piche kelo ni mlo alou no ami iqü ketoi ke kumo?”

BAIBEL (BSI)

³² Pamano lakhino lakhi vilo pi, “Kughou pano alalo ni putsa eno Kuchoyesu chixechilei nivilo pikelo ni-mlolo ami iqukeshi ighike kumokesha?”

Sümi Tiqhelimi Bible

³² Pama no lakhi no lakhi vilo pi, “Kughou pa no alà lo nikujo pütsa eno Kuchoyesü lhepe nikujo pìye keno nikujo mlo lo lüvüi ighike kumo keshea?”

Luke 24:32 Referans Kwoze

Luke 24:45

Tileno Kuchoyesü ithikuthulu penike pa no panoqo kükümsü xükhotsü,

IBRIMI 4:12

Kughengu Alhou tsa ye aküxüküa eno aküka ani, putoputo zütakikihi nguno akütsüghau, angulho eno anguagha, aqüki anhüki kikije-a kutolo ghitha ilo chekeu, eno amlo akükümsü lo akeu kutolo jupililu chekeu ke.

JEREMIYA 23:29

I tsa ye ami toike, eno ayihesü no atuqu amuno shi hephove keu toike kumo? ipi Ampeu no sheshu.

JEREMIYA 20:9

I no, “Ni ye Pa je pimoae, eno Pa je kumoae,” ipi aye, Pa tsa no I mlo lo eno I saghilo ami toi pitiqhi cheni, ni ye tipau mtupe ngokeu no qeive no tokümlapu shivae.

LESHELE 39:3

I mlo alouno shukuthui ipeghive; I no kümsüju, ikelo ami iqü ipeghive; tithiu I kichi lono ishi pi:

JEREMIYA 15:16

O tsa phulu kelo I no chuve, eno O tsa no I lopivi tsüno I mlo züküvüpu shitsüe, kughengu O je lono I kulue, O Ampeu, aqokitikhi Lhou.

AHOLE 27:17

Ayi no ayi chighiphe cheni eno timi no timi chighiphe cheni.

John 6:63

Aküxü tsü chekeu ye Aghungu noke; ashi ye kiumu shimlae. I no nongu vilo pivekeu tsa no aghungu eno aküxüpu ke.

Apostolmi 28:23

Kughou pa sasü kushoni ke kihikütha tsala tove keno, panongu kutomo shesü pa kungo-a lo ighi. Inaqhe no avelau kutolo, pa no apasü shi Alhou yekipe shepe shitsü eno Moses Yezah ngo Tungkupmi kaku lono Jisü ghili pesü panongu züiza nike pükapütsa.

ISAIAH 50:4

Ampeu Alhou no tsaqüi khuno qoputhuve akeno tipano mili pesü I tsüvae, tishianguno I pelo akulho shive kemi shikumtolu peniye ke. Inaqhe atsütsü Pa no I pelo tsaqüi qoputhuve kemi toi chilu peniye I küda cheni.

LESHELE 104:34

Iw kümsükutho Pa lau ikhikulupu shipelo, kughengu ni ye Ampeu lau alovi cheni.

AHOLE 27:9

Axokütsüngü ngo thazü kivi no amlo lokiqipu ikemu aküsamiw pulopinyi keu mijekütsü no ngonyi ke.

Mark 4:34

Pa ye kimghikipiye peithamo kelo timiqo vilo kiumu pimoe, ikemu pa khopemi lau ye lomoshi ake lono pa no thokha hepho piyeche.