Luke 22:61 - Sumi Naga CL (Re-edited) Bible (BSI)

⁶¹ Eno Ampeu no tsüghüwo Peter ju kelo, pa no Ampeu kipitsa kishi pa vilo pipüa keno kümsüchilelu, “Awudu no itiji ighamphi lono no ye ghuthu küthü I milive nani.”

BAIBEL (BSI)

⁶¹ Jisu no homxa ideghi eno vejoi Pitor ju, tile Pitor ye Ampeu tsa kumsuchileluve, khikhi pano pi puakeu, “Awuduno ishi ighamphi zulo nono imthae pi ghuthu kuthu pi nani.”

Sümi Tiqhelimi Bible

⁶¹ Ampeu no athiu jupuwo püzü vejoi Peter ju. Tile Peter ye Ampeu no pa vilo ishi pipüa keu tsa kümsüchilelu: “No ye ishí awudu no igha mphi züu ghuthu küthü I milive nani.”

Luke 22:61 Referans Kwoze

Luke 22:34

Jisü no pi, “I no o vilo pi ani, Peter, itiji nono ghuthu küthü I milive moke kutolo awudu ighamo nani.”

EZEKEL 16:63

tishikeu lono no ye kümsülu eno kujove nani, eno kughou nono mlave keqo kümtsü ghenguno I no o qhukimtheni keno o kukujo vecheo no ye itaghi khilemu o kichi xükho move nani.”

JOB 33:27

Pa no timiqo zülo alokivishi alephe pi nani: ‘I no axine shive no achipiu pesü tuchighive kemu tipau lame I tsüchile moke.

Piyeküsü 2:5

Tighenguno no ye khileno ikiqive akeno kümsü lulo; xaidelo, eno atüghü lo nono kiu mlache keno tipau shilo. Nono xaidemo keloye, I no o lau ighi no o kulukibepu hu tipa-a lono ikhivetsü nani.

Ephesiami 2:11

Tighenguno nongu aji lono Jewkumomiqo, ghuthu lakhi loye au pesü aphimpi lo amchipu mla no aphighüyiko ghave kemi ipiche keqo no nongu vilo “aphighüyiko ghamo kemi” ipi kuche keu kümsülu lo,

Apostolmi 5:31

Alhou no pa pesü Sakipheu eno Xakuluu shi Pa u ajeu süqhepe qhino Israelmi pelo xaidelu no axine qhikütsü ithulu peniye ke.

John 13:38

Jisü no khochile, “No ye kuchou no I ghenguno o küxü tsülu nani keshea? Kuchou no I no o vilo piani, awudu igha mphi lono no ye ghuthu küthü I milive nani.”

Luke 10:41

Ikemu Ampeu no khochile, “Martha, Martha, no ye thime kutomo ghenguno nughüza ani,

Luke 7:13

Ampeu no ti ithulupe li gholo amlo saqhiyive no li vilo pi, “Mloqa tavelo.”

Mark 5:30

Tipa mtsa Jisü ye pa launo aküka ipeve keu amichi shive no aqokitikhi lau tsüghü puwo no pi, “Khuu no I phi bu kea?”

MATTHEW 26:75

Eno Jisü no pikeu tsa Peter no kümsüchilelu, “Awudu no igha mphilo no ye ni mthae pi ghuthu küthü milive nani.” Peter no khalau ipeve no amloiju qae.

MATTHEW 26:34

Jisü no pa vilo pi, “Kuchou no I no piani, itiji awudu no igha mphilo, no ye ni mthae pi ghuthu küthü milive nani.”

HOSIYA 11:8

Ni ye kishino o pheveni kea, O Ephraim? Ni ye kishino o qhiveni kea, O Israel? Ni ye kishino o pesü Admah toi shitsüni kea? Ni ye kishino Zeboiim toi o peithani kea? I mlo no kilive ani; Iw kikimiye ye lüvüi eno mtshaminhei ke.

Luke 7:19

pa khopemi kini kuno Jisü lau atsa hipau ighiju wupe, “Milakhi khuu ighini keu shi akeno, tihu no keshea, ikeo ningu ye kütami juwulo pi kea?”

Luke 22:60

Ikemu Peter no pi, “O timio, nono kiu pi ani keno ni ye ithi amoe.” Pa no tishi pi kithishi awudu no ighave.

Luke 22:62

Peter no khalau ipeve no kukhukimji shi qae.