Luke 20:22 - Sumi Naga CL (Re-edited) Bible (BSI)

²² Ike Ayezah kiqilo ningu ye Caesar lau zame tsü kelau keo mokea?”

BAIBEL (BSI)

²² Ningu ghenguno zahme pesu Kukami Atou Kaisar tsukeu ni-yehzatsalo achipi keo mokya?”

Sümi Tiqhelimi Bible

²² Imaye ningu no zame Caesar tsü keu ye achipi keo mokea?”

Luke 20:22 Referans Kwoze

NEHEMIA 9:37

Eno ni xine ghenguno ayeghi lono kupukuno shi ipeghi keqo ye Nono ni shou qhi püatsü kemi kükami lau wuve anie. Panongu no ni phimpi eno niw lhoxü shou pano pulou lono ka auvae eno ningu ye shishe aghime kutho lo anie.

Apostolmi 5:37

Pa thiu timi kikihi ghuloki lo Galileemi Judas ipeghi no timi khami sawuve. Ikemu pa ghi pithive eno pa papemi kümtsü apanaghave.

MATTHEW 17:25

Peter no pi, “Tsüchenie.” Kughou Peter no aki alou iloghi keno, Jisü paghino pa pütsa no pi, “Simon, no ye kishi kümsü ania? Ayeghi lo kükamiqo ye khunoqo launo zame momu asüqha lucheni kea? Pano ghakhumi launo keo inami launo kea?”

NEHEMIA 5:4

Kütami ishi pi kemi ghi ae, “Ningu ye ni ki-alu ngo atsailu zame akükau tsünike pisa na püani.

EZRA 9:7

Ni puasüqo ghuloki lono ishi tsala kutolo ningu ye akipimi kije shi ighivae. Ni xine ghenguno ningu, niw kükami eno ni chinemi ye aghakhu lo kükamiqo u lo ilovae, azütakikihi lono ikiqivae, akughu lo wuvae, pükaqhivae, eno ishi tsala lo toi akukujo kitikhi lo ilovae.

EZRA 4:13

Akükau pelo ithi penishi akeu ye tsala mishighüna hipau shiqhe kitheve eno aliwo mlaqhive aye, panongu ye zame momu asüqha tsümove nani eno akükau küakini laghi ye mikheve nani.

ZAKINIU 17:15

nongu ye Ampeu nongu Lhou no kishe tsükeu timi pesü nongu kükau shini. No thiküzümi dolo lakhi no akükau shipelo, ikemu inaghami ye pesü akükau shimoni.

Luke 20:21

Ikehu tipaqo no pa vilo pi, “Shikükau, no ye achipi lono pi eno shika cheni püzü agijumo no mtsüqhei Alhou laghi pesü shika cheni kepi nino ithi ani.

Luke 20:23

Ikemu Jisü no panongu mqükini kiqikuto luve no pi,

Luke 23:2

Panongu no pa nguku thuve, “Timi hipau no ni shiye saküghüzü no Caesar lau zame ghi tsüpe moniye lakha ani, eno pa ampi no Messiah, akükau kepi piani.”

Rommi 13:7

Panoqo lau kiu tsü kepushi ani keno kümtsü tsülo: khuno lau zame, momu süqhasüli tsü kepushi ani keno tsülo, sükümsa eno agigihu pesü khuno tsüküzü keno tsü ishilo.