Luke 18:7 - Sumi Naga CL (Re-edited) Bible (BSI)

⁷ Imaye Alhou ye Paw kishekiphemi khunono putho pucho Pa lau ighamku cheni keno, tipaqo lau kuchou xakütha tsümoni keshea? Pa ye panoqo kuphuni ke süpushu nani keshea?

BAIBEL (BSI)

⁷ Tishiaye Alhou ye paw timi kishekiphemi khunoqono putho pucho pa lau ighamuku akeu saphumoni kesha? Paye panongu kuphunikeu munu auve nani kesha?

Sümi Tiqhelimi Bible

⁷ Eno Alhou ye pa no kisheluve kemi khunoqo no putho-pucho pa lau ighamuku acheni keno saphumoni keshea? Pa ye panongu kuphuni keu munu auve nani keshea?

Luke 18:7 Referans Kwoze

2 Peter 3:9

Timi khami no Ampeu ye Paw pikiqhitsa shikupuni keu lo asheshi kepi kihi cheni, ikemu Pa ye asheshi mono nongu lau kheakulu shi ani, Pa ye khuu pelomu pühave penishimo kemu kümtsü pelo xaideghilu penishi kehue.

Luke 11:13

Tishiaye, nongu alhoksami thotsü kishi agho kivi pesü no tianuli tsü kepu keno ithi aghi aye, kungugha lo Apu ye tinguno alau khije ta Aghungu Kimthe pesü khu kemi tsü nani kelae!”

1 Tim. 5:5

Khuu no kuchou no chimemi shive akeno, li ye liw lajupu Alhou shou bepe auvae eno putho pucho tamono qhüiniju inikhu acheni.

Piyeküsü 6:10

Panongu no asütsa kuloghi lono igha, “O Akughushu Mpeu, akimthe eno kuchou, ayeghilomi no ni pithive keu lo Nono küghatha eno ni mkhü lutsü moke kutolo ningu ye khitohi khea lopi kea?”

2 Thes. 1:6

Alhou ye achipi; khunono nongu ghime ani keno Pa no aghime pesü lochile nani,

Luke 2:37

eno tithiu chimemi shive no apunu mpe lhotache bidi shia. Li ye achineki qhive mono putho pucho kümvü eno akighini shi Alhou mllache.

MATTHEW 7:11

Nongu alhoksami thotsü kishi thime kivi pesü nongu tianuli tsükepu keno ithi aghi aye, khuu kungugha lo ani keno, nongu Papu huye Pa vilo khukeqo lau tinguno alau tsü nani.

LESHELE 88:1

O Ampeu, I xakulu Lhou; I no putho pucho kupuju O zülo qae.

HABAKUK 2:3

Kughengu ti ye kimshilu kepu do khe ani; ti kishekhani keu ye pai ighive nani, ti ye mikimo nani. Tsala tino asheshive namu khelo; ti ye süpushuve mono mtsüqheino ighi nani.

Piyeküsü 18:20

O kungugha eno nongu küpülümi, apostolmi ngo tungkupmiqo, li jupe alovilo, kughengu Alhou no nongu saphu no li shou küghakütha bevae!”

1 Thes. 3:10

Ningu ye tamo mithe putho pucho inikhu ani, tishianguno ningu no agi no agi kinheqhe ghi nongu ithulu no nongu küpülü lo kiu no tomono ani keno tsükileni.

Kolosiami 3:12

Tighenguno Alhouw kishekiphe, akimthe eno kimiyeqhiyi kemi akehu, kimiyekini mlo, amlo ighiqhiyi keu, akümtsha, aküghüvü, eno kutuukulu pepulo.

Rommi 8:33

Khuu no Alhouw kishekiphemi shou akipimi tsüluni kea? Khumu kühae, achipikalupe chekeu ye Alhou noe.

Piyeküsü 7:15

“Ikehu panongu ye Alhou kükalakhü zülo ngono putho pucho Pa chineki lono Pa huthu acheni; eno Khuu kükalakhü lo iqa ani keno Pa ampi no panoqo süsho nani.

Titus 1:1

Paul, Alhou qüaxeu eno Jisü Khristow apostol no Alhouw kishekiphemi küpülü eno panow kuchou kighithi akimthe küxü lo sawu chekeu shiqhe tsünike yelu ani.

2 Tim. 1:3

I no putho-pucho lo akighini shike kümtsü, I mlo mtsümishei shino, ni eno I puasüqo no qe chekeu Alhou shikimthi ghi o kümsülu acheni.

LESHELE 9:8

Pa no achipiu mikucho pesü ayeghiqha küghatha cheni; Pa no müzüchoi timiqo shou küghatha cheni.

IPEKULU 22:23

Nongu no panongu sapüsa, eno panoqo no I lau ighamku aye, Ni ye mtsüqheino panoqo küqa chiluve tsü nani,

ISAIAH 40:27

O Jacob, O Israel, kushiye ishi muchho ghi pike likhi kea, “Ampeu ye ni launo itshüvae eno I Lhou no I chipiu ithitsü movae.”

MATTHEW 24:22

Alhou no tipa tsalaqo ghitha kughukhove tsümoke aye timi khumu xümla nani. Ikemu kishekiphemi ghenguno tipa tsalaqo ghitha kughukhove tsü nani.

MATTHEW 24:24

Kughengu kichile Messiah ngo kichile tungkupmi ipeghi no kishekiphemiu ghi saküghüzüve nike amchipu ngo akümzapu kümla kije shi nani.

Luke 21:28

Kughou no hipaqo shithuni keno, nongu ye puthugho no akütsü peqhelo, kughengu nongu qhüchile luni keu ye cheae.”

2 Tim. 2:10

Tighenguno ni ye Alhouw kishekiphemi ghenguno thokha puqhe luvetsü ani, tishianguno panongu ghi Khristo Jisü launo lhokta juküvü gholo xakulu ithulu peniye ke.

1 Peter 1:1

Jisü Khristow apostol Peter no Alhouw kishekiphemi khunoqo Pontus, Galatia, Cappadocia, Asia eno Bithynia lo haküghütsüpe ani keno panoqo lau ye ani.