Luke 18:11 - Sumi Naga CL (Re-edited) Bible (BSI)

¹¹ Pharisee huno puthughope pa sala likhi hitoi inikhu: ‘Alhou, I no O shikimthi akeu no ni ye timi kütami toi süxa kuchumi, amikucho kumomi, salha-shupumi kumoe, momu hi zame küqhau toikeu mu kumoe.

BAIBEL (BSI)

¹¹ Farisimi huno pa kutashi puthughono ishi inikhu: ‘Alhou, ino oshikimthi akeuye kutami hutoi niye suxakulumi, kusakughami, salhashupumi kumoe. Momu zahme kuqhami hupau toi moe.

Sümi Tiqhelimi Bible

¹¹ Phariseemi hu ye pakütashi puthugho no ishi inikhu: ‘Alhou, I no O shikimthi akeu ye kütami toi I pelo süxakulumi, küsaküghami, shupumi momu zame küqhami hipau toi pemo ke.

Luke 18:11 Referans Kwoze

MATTHEW 6:5

“Eno kughou nongu no inikhuni keno, khilemu keghilishi kemi toi kevilo. Kughengu panongu ye timi pelo ithulu peniye sinagog lo eno alaphe lo puthugho no inikhuni keu no pano lokütü cheni. Kuchou no I no nongu vilo piani, panongu ye pano jume qhoi ithulu khavae.

Piyeküsü 3:17

Kughengu no ye anguküsapu, itamjui, akukujopu, aqüaghapu, anhethi iche eno aphikümsa shi animu mtha püzü ishi picheni, Ni ye küakini kütsasa kughuko luvae, eno kiumu avehupu shiamoe.

ISAIAH 65:5

panongu no picheni, “I launo putosülo; ni ye akimthe ke.” Hipaqo ye I nigi lo amchhi ke, puchopuju iqü chekeu mi ke.

JEREMIYA 2:35

nono pi, ‘Ni ye akipimi kühae, mtsüqheino Pa mlokighide ye I launo tsüghü wuvae.’ Julo nono, ‘Ni ye axine shipüamoe’ ipike ghenguno I no o pesü küghaküthapu lo saghini.

Mark 11:25

Kughou nongu no akighini shiniye puthugho keno, khuana shou amlokiqi kumo aghi aye peve tsülo, tishikeu lono nongu Papu kungugha lo küau ghi nongu kipimi qhive tsü nani.”

Galatiami 3:10

Khunono Ayezah pelu keu shou pükhü cheni keno pano ye müsüinivae; kughengu ishi yepüani, “Khunono Ayezah Kaku lo yepüakeu kümtsü pape moni eno tipaqo mla moni keno müsüinivae.”

Luke 20:47

Panongu no chimemi kiqo lo ilo pishiqhi luve tsüno kuchou toi akighini kushuo shi cheni. Panongu ye aghimepu alau ithulu nani.”

MICAH 3:11

Tile sakiphemi no külügho vecheo xakütha tsü; achinemi no ame lono shika; tungkupmi no pisa ghenguno pichho tsü; ikeghi panoqo no Ampeu mungu bepe no pi, “Ampeu ye ni gholo anike kumo? Amhekiqi kiumu ningu shou ikughimo nani.”

EZEKEL 33:31

Panongu no lakhi shi o lau ighi no o zülo iqa eno nono kiu pi keno chilu ikemu panongu ye ti papemo nani; kughengu pano kichi lo ghaghughale tsa pike toi mlaitha ke; pano mlo ye pano no ala shinikeu lo ghope ani.

JEREMIYA 2:28

Ikemu nongu no mlakeu lhouqo khile ani kea? O Judah, no veküsa lo nongu xalu kepushi aye pano pelo ithughi pelo; kughengu now mishighünaqo khije ani keno no lhouqo ghi tijehi ani.

ISAIAH 58:2

Panongu ye achipiu-mikucho papeche keu shiye shi aghi kepu toi, momu Alhouw küghakütha milivemo kemi toi, Ghulo atsütsü I mlla acheni, eno I laghi ithini keu lo azüvü acheni, panongu no I vilo achipiu xakütha iniju ke; eno azüküvü shi Alhou lau kupunu wuke.

LESHELE 135:2

khunono Ampeu kilo puthugho acheni eno ni Lhou chineki lo acheni keno Ampeu sheqhelo!

LESHELE 134:1

Ighilo, nongu Ampeu qemi, puthotsü Ampeu kilo ache kemi kümtsü, Pa sheqhelo!

FILIPIAMI 3:6

achineye lo amlotsü keu tsa loye, akukuhou kijiküpsau; eno Ayezah qholono amikucho shikeu loye tukutiye kühae.

ISAIAH 1:15

Kughou nongu no au sükhope I kuni keno, I no nongu launo I nhethi kughove nani; nongu no akighini kutomo shimu I no inimo nani; nongu u lo aji no chhitoi anie.

AHOLE 20:6

Timi kutomo no iqemokeu kikimiye anie picheni, ikemu khuu no pükhükulupu timi phulu nani kea?

AHOLE 30:12

Khami ye pano xine no kuchhube kütsüla shi akeghi mithemighei aketoi kümsü cheni.

MATTHEW 5:20

Kughengu I no nongu vilo piani, nongu no Ayezah kükütsümi ngo Phariseemi nguno alau Alhou lopushi amikucho shilumo kelo nongu ye khilemu kungugha yekipe lo ilolumo nani.

MATTHEW 10:3

Philip eno Bartholomew; Thomas eno asüqha küqhau Matthew; Alphaeus nu James eno Thaddaeus;

Luke 22:41

Tishino pa ye atu vepuwo tokulupu qhemi lo wuno qhoqhünhe pe ishi inikhu,