Luke 17:3 - Sumi Naga CL (Re-edited) Bible (BSI)

³ Tsükhüi shi nongu ampi jukuto lulo! O thiküzüu no axine shi aye, pa lomipi lo, eno pa no xaide aye pa kipimi qhivetsü lo.

BAIBEL (BSI)

³ Olikhi ojukutolo! Othikuzuuno axine shive aye pa lomi pilo, pano xakideluve aye pa kipimi pevetsulo.

Sümi Tiqhelimi Bible

³ Tighenguno O likhi O jukuto lo! “Tsalá nongu thiküzümi momu nongu chelimiqo no nongu lau akipimí shive aye panongu lomipi lo; eno tsalá panongu no amlo pebide aye panongu kipimí qhitsülo.

Luke 17:3 Referans Kwoze

ACHINE 19:17

“O mlo lo o thiküzümi mithi moni, ikemu pa sasü kiqikuto lulo, tikumo aye pa ghenguno nou no axine shilu nosae.

MATTHEW 18:21

Tile Peter no Jisü lau ighi no iniju, “Ampeu, I thiküzümi lakhi ye ghuthu khije I shou axine shilu nani, eno ni ye ghuthu khije pa kipimi qhitsülu nani kea? Ghuthu tsüni keo?”

AHOLE 9:8

Alikhi apülüpivi kemi shikümzü kevilo, pa ye o mithi nani; alokütsümi shikümzü tsülo eno pa no o kimiye nani.

James 5:19

I thiküzümiqo, nongu gholo milakhi no kuchou launo wuve kelo milakhiu no pa sachile ighi aye,

AHOLE 27:5

Pekipheshi sakiyi keu no küsüu no kimiye akeu nguno akiviue.

ZAKINIU 4:23

Ikehu kutokupui lo, tikumo aye nongu ye Ampeu nongu Lhou no nongu sasü puloshoqhi shikeu pheve no Ampeu nongu Lhou no shi kevilo pikeu julho mlano mllauve nosae.

ZAKINIU 4:9

“Kutokughoi lo, eno müamzü nongu küxü jukuto lo, tikumo aye nongu nhethi no ithuluve keqo kümsümave nosa, eno no küxü tivilo nongu mlo lono hauve nosake. Tipaqo ye no tianuli eno atilimi pelo ithi pelo.

IPEKULU 34:12

Jukuto lo, tikumo aye nongu no khilehi wuniye shi ani keno tipau yeghi lo küxümi sasü puloshoqhi shilu nosake, tishive aye tipau no nongu dolo kitime kepu lichhe shive nani.

2 John 1:8

Nongu jukutolo, tishianguno nino nongu ghenguno kiu mla püani keno pühave mono nongu no asaxü qhoi ithulu nani.

IBRIMI 12:15

Alhouw küpükini lono tsüghüve monike kutokupuilo. Kukhukimji sütsünibo toi ipeghi no tipau tüghü no kütami shipüsalu nosake kutokupuilo.

Ephesiami 5:15

Tishiaye nongu no kishi checheni keno jukuto lo, mbomzümi toimo no alokütsümi shi püzü

Luke 21:34

“Ikemu nongu ampi jukuto lo, tikumo aye ashi ghakiqipu, chumzü shomzü, eno ayeghi xülo kütakihi keu no nongu mlo qaqhipe ake lono tipa tsala hu züleno alichhe toi nongu lau ighi nosake.

AHOLE 17:10

Anikhami philo ghuthu aqhe piqi hepuku akeu nguno alau vethakulumi ye ghuthu khavi sakiyi kelono ithive cheni.

LESHELE 141:5

Amikuchomi pelo I ghaqhi pelo—ti ye kimiyekini ke; pa pelo I sakiyi pelo—ti ye I kütsü lo thazü ke; I kütsü pelo ti milivepe kevilo. Ikemu I kighini ye alhokuthu pano kixikila kümla ghochile acheni.

ZAKINIU 4:15

“Horeb lo Ampeu no ami lono nongu pütsa kelo, nongu ye kiu koghemu ithumla kehu nongu ampi jukuto lulo,