Luke 15:7 - Sumi Naga CL (Re-edited) Bible (BSI)

⁷ Tihutoi I no nongu vilo piani, kungugha lo amikuchomi lhotoku-toku khuno müzülo xaidekulu avehupu shimoa keno, tipaqo ghenguno alovi keu nguno axinemi lakhi xaidelu keu lokiviu paje nani.

BAIBEL (BSI)

⁷ Titoi, ino nongu vilo piani, kungughalo amikuchomi lhotoku toku khunoqo xukikithe avehupu shimokemi shou alokivi akeu nguno alauno axinemi lakhi xukithe ighilukeulo alokivi alau anie.”

Sümi Tiqhelimi Bible

⁷ I no nongu vilo pìní, tihutoi kughou axinemi lakhi no amlo pebideve püzü ighini keno tiye amlo pebide moayesa kepu avehupu shimo kemi amikuchomi lhotoku tokú akeu nguno alau kungugha lo alovishe nani.

Luke 15:7 Referans Kwoze

Luke 5:32

Ni ye amikuchomi kuniye ighike kumono axinemi pelo xaide peniye ke.”

Luke 15:10

Tihutoi I no nongu vilo piani, axinemi lakhi no xaidelu keu lo Alhouw kungumi gholo ghi alokivi kije acheni.”

Luke 15:32

O thiküzüu hipau ye thive kemu xüluvae; pa ye pühave no phuluvae, tighenguno aghulhu shi alovi akeu ye achipie.’”

MATTHEW 18:13

Eno pa no ti phulu aye, kuchou no I no nongu vilo piani, pa ye ambe lhotoku toku pühamo no akeqo nguno alau hi ambe lakhi shou alovi nani.

AHOLE 30:12

Khami ye pano xine no kuchhube kütsüla shi akeghi mithemighei aketoi kümsü cheni.

Rommi 7:9

Ghuthu lakhi lo ni ye Ayezah sümono xüche, ikemu kughou azakütsü ighi keno axine no xüuve eno niu no thive.

Luke 16:15

Jisü no panongu vilo pi, “Timi zülo achipiue pi pükha chekeqo ye nongu kene, ikemu Alhou no nongu mlo ithi ani. Kughengu timi müzülo kiu no ajuaje ipi cheni keno Alhou nhethe loye aphikümqhüpue.

Luke 15:29

ikemu pa no papu vilo pi, ‘Julepi, ni ye ampe hijejehi o huthu ighiva, eno ni ye khilemu o zakütsü hebide mphi, ikeghi I küsami sasü alokivi shi aghulhu shilu penike no ye aneti mu khilemu I tsüju mphie.

MATTHEW 3:8

Aküxü xaidelu keu michipu shi axathi pithilo.

Luke 15:6

aki lo ighi no pa küsami ngo akisüghümi kukütsü püzü panoqo vilo pi cheni, ‘I gholo alovi küqha lo, kughengu ni ye I mbe pühave keu hu phuluvae.’

Luke 15:8

“Momu totimi khuu no pisa muno chighi akelo lakhi pühave aye, ti ithulu moke kutolo akulu küqüpe aki khu no chixechilei phujumo nani kea?