Luke 15:28 - Sumi Naga CL (Re-edited) Bible (BSI)

²⁸ Ikemu pa ye amloideve no aki aloumu ilo move. Apu no ipeghi no pa ghozü,

BAIBEL (BSI)

²⁸ Akichiuye aloghu ideno akilo ghi ilomo piauve; tishikehu apuhno khalau ipeghi eno pa vilo alou iloghilo pi qhuiniju.

Sümi Tiqhelimi Bible

²⁸ “Anu akichiú ye ighono amloideve no aki alou iloghi tsümove. Ikehu papù no khalau ipeghi eno pa vilo alou iloghi lo pi qhüiniju.

Luke 15:28 Referans Kwoze

JONAH 4:9

Ikemu Alhou no Jonah vilo pi, “No ye atsünibo ghenguno amloide akepu keshea?” Pa no pi, “Iyei, ni ye amloide akeu pavie, thiveni keu mlokighide pavie.”

SAMUEL ATUGHIU 18:8

Hipa tsa no Saul loshipüsüve no pa ye ighono amloideve, eno pi, “David jelo 10,000 piqi piani, ikemu I je loye 1,000 piani, itehi pa no ithuluni keu ye kükaqha kepi ani keo?”

Luke 15:2

Phariseemi ngo Ayezah shikükami no nhenheshi pi thuve, “Timi hipau ye küsaküghami ikhilu no pano sasü chusho chenie.”

Luke 7:39

Pharisee khuu Jisü kusü keno pa no ithulupe pa mlo lono kümsüve, “Timi hipau no tungkupu shi aghi aye, totimi hi pa bu akeu ye khuu eno kiu toi kemi keno ithini chekena, kughengu li ye axinemi ke.”

ISAIAH 66:5

Ampeu tsa inilo, nongu Pa tsa sümsa chekemi, “Nongu thiküzümi nongu mithi eno I je ghenguno nongu hapheve kemi no ishi pike, ‘Ampeu juküvü shilo, tishianguno ningu no nongu lokivi jutsüni’; ikemu panoqou no kujove nani.”

ISAIAH 65:5

panongu no picheni, “I launo putosülo; ni ye akimthe ke.” Hipaqo ye I nigi lo amchhi ke, puchopuju iqü chekeu mi ke.

Apostolmi 14:2

Ikemu aküpülü kumomi Jewmi no Jewkumomi xukutho no athiküzümi mlo lo tüghü süvetsü.

Apostolmi 13:45

Ikemu kughou Jewmi no aqokitikhi ithulu keno, panongu lolo anhekushu iloghive no Paul thaigha ghi pa no pikeu küla thuve.

Luke 24:47

eno Jerusalem lono huthusü pa je lono shiye kümtsü lau xaidekulu eno axine qhikütsü pesü sheshu masae.

Luke 13:34

Jerusalem, O Jerusalem, tungkupmi pithive tsü chekeu eno khunoqo tile puwuni keno atu pesü veqhive tsü chekeu phughi! Ni ye khijeta awuqu no achishibo qholo ati vakütsü keshi o nuliqo hekütsüni shiche kela, ikeghi nono pulomoe!

Luke 5:30

Phariseemi ngo Ayezah shikükami no Jisü khopemi lau nhenheshi pi, “Kushiye nongu ye zame küqhami ngo axinemi gholo chusho cheni kea?”

MATTHEW 20:11

Ti ikhipe panoqo no alu mpeu shou muchho

SAMUEL ATUGHIU 17:28

David no timiqo pütsa akeu pa mu anoghiu Eliab no chilu kelo, pa ye David ju amlo ideve no pi, “No ye kushiye hilau ighi ani kea? Eno yenguyi ke-a lo ambe aghulo akeu ye khuu gholo qhive akea? Ow kümsükuju eno o mlo lo alhoksa akeu I no ithi ani, kughengu no ye aghüshi juniye ighi ani.”

1 Thes. 2:16

ningu pelo Jewkumomi xalu pemo nike atsakiviu pinikeu lakha, tishikeu lono alhokuthu pano xine qhepuku ke. Ikemu ashekha lo Alhou loghu pano shou ikughive.

2 Kor. 5:20

Ikehu ningu ye Khristo ghenguno lashikami, Alhou no ningu vecheo ghutu ake kumlhoke. Ningu no Khristo züqhushi nongu hakite anike Alhou sasü alupekili luvelo.

Rommi 10:19

Ikemu I no itaghi ighiju ani, Israelmi ye vethamlave keshea? Moses no atüghüshi pi, “I no nongu pelo ameküküha shiye jupe anheshu peni; mbomzü shiye lakhi pesü nongu gha shikighide tsüni.”

Apostolmi 14:19

Ikemu Antioch ngo Iconium lono Jewmi ighi, eno aqokitikhi xukutho pe atu pesü Paul veqhive no thiva küghashi aphughi khalau sünhe pheve.

Apostolmi 13:50

Ikemu Jewmi no Alhou sükümsami totimi aqoaho lo chuqumghai kemi ngo mishighüna lo timi akhotomi chuxu, eno Paul ngo Barnabas ghimeni ke xukutho thuve no tipa cheaxü lono pama hapupove.

Mark 1:40

Ado hami thiu apüghami lakhi no Jisü lau ighi no qhoqhünhe pe tsüikhomo pa qhüiniju, “Nono pulo aye no ye I shikimthelu nani.”

Luke 15:27

Aqeu no pa vilo pi, ‘O thiküzüu ye ighivae, eno pa no kütüsü mono ighilu kehu o pu no amshiti athakupuu heqhivae.’

Luke 15:29

ikemu pa no papu vilo pi, ‘Julepi, ni ye ampe hijejehi o huthu ighiva, eno ni ye khilemu o zakütsü hebide mphi, ikeghi I küsami sasü alokivi shi aghulhu shilu penike no ye aneti mu khilemu I tsüju mphie.

JEREMIYA 35:16

Rekhab nu Jonadab kughuko ye pano pasü no azah tsükeu pelu ikemu timi hipaqo ye I gholumoe.