Luke 14:21 - Sumi Naga CL (Re-edited) Bible (BSI)

²¹ Ikehu aqeu no ighi no qhoi pa mpeu vilo pive. Tile ampeu no amloideve no pa qeu vilo pi, ‘Mtazü wuno aphughi lo alaghila eno alapa lo kumlhomi, aphiau kinitave kemi, anhethi eno apukhu kighichemi sasü ighilo.’

BAIBEL (BSI)

²¹ Aqeuno idewo puzu hi kumtsu pesu pa mpiu vilo pive. Aki mpiu huye axu ideve eno pa qeu vilo pi, ‘Aphughi lapalo eno alaghila kumtsu mtazu wulo, kumlhomi, aphi a-u kighichemi, anhethi kighichemi eno apukhu kighichemi saghilo!’

Sümi Tiqhelimi Bible

²¹ “Aqeu hu no ideighi püzü pa mpeu vilo hipaqo vehu pesü kütüghüve. Aki mpeu hu ye amloideve eno pa qeu vilo ishi azah tsü, ‘Mtazü mishiphu alaghilaqo lo eno bidola kümtsü lo wu no kumlhomi, apukhu kighichemi, anhethi kighichemi eno apukhu kinitave kemi saighi lo.’

Luke 14:21 Referans Kwoze

Luke 14:13

Ikemu kughou nono aghulhu tsüni keno, kumlhomi, alho vimo kemi, anhechemi kusülo,

James 2:5

I qhuu athiküzümiqo, inilo, Alhou no ayeghi lo kumlhomi kishelu no aküpülü lo kinimi shilupe eno Pa kimiyekemi tsüni keu shi piqhi püakeu kükaqha mheghi kiyighimi shilupe kekumo keshea?

MATTHEW 11:5

anhechemi no ithulu ani eno apukhu kighichemi no ala chelu ani, apüghami shikimthelu ani, akini kughupomi no chilu ani, kithimi xüputhu ani, eno atsakiviu pesü sheshu kelo kumlhomi no ikhilu ani.

John 9:39

Jisü no pi, “Küghakütha ghenguno ni ye hipa yeghi lo ighi, tishianguno ithumla no akemi pelo ithulupe eno ithulu akemi pelo anhethi icheve peniye ke.”

Luke 14:24

Kughengu I no nongu vilo piani, azüu timi khunoqo kusü püa keno, lakhi nomu I ghulhu miche pemo nani.’”

ISAIAH 35:6

apukhu kinitave kemi no ashe toi kakashi ilhe eno atsa pikümlami no alovi ale phe nani. Kughengu qhaike yeghi, asayeqha lono azü puipeghi no qowulu ke;

IBRIMI 2:3

xakulupu kije hikithipu kughuchove aye, kishino ningu ye poluni kea? Ampeu no atüghüshi hi sheshue, eno tithiu khunoqo no chilu keno panongu no ni vilo mtsüqhei shitsüe.

SAMUEL ATUGHIU 2:8

Pa no ayeghimkhu lono kumlhomi xaqhe; ayevu lono athokhami sünheqhe panoqo pe sakiphemi gholo iqape no agigihu lakhü ighilupe. Kughengu ayeghi tsükuchoqo ye Ampeuw ke, eno tipaqo shou no Pa no ayeghiqha shiqhe pukue.

Piyeküsü 22:17

Aghungu eno külaliu no pi, “Ighilo.” Eno khuu no hipau chiluni keno pa ghi ishi pilo, “Ighilo.” Khukhumu tüghüthi keu no ighilo; khuu no pulo ani keno aküxüpu zü ame sümono lulo.

Piyeküsü 19:15

Azütakikihi kütsügha khipa pesü pa no shiyeqo ghiqhi nani keno ti ye pa kichi lono ipeghi nani, eno pa no ayiküsü pesü panoqo shou ayepe nani. Pa no Akughushu Lhou loghu pepheni ke atsaithi kütsüghü-a lono qole nani.

IBRIMI 13:17

Now sakiphemi gholulo eno panongu qhoqhülo, kughengu pano ye Alhou lau kihikülai tsü nani kehu nongu küxü jukuto khe acheni. Pano pelo amlo samono aloviqhiyi mla pelo, tishimo aye nongu vehupu kiumu shimla nani.

Luke 24:47

eno Jerusalem lono huthusü pa je lono shiye kümtsü lau xaidekulu eno axine qhikütsü pesü sheshu masae.

MATTHEW 11:28

Khunono akho kimshi xapu akulho shive akeno kümtsü I lau ighilo, eno I no akulhokiqhi nongu tsüni.

ISAIAH 33:23

Nongu kighi ye ichonhei ani; tino ashuka tsükucho mtotoi mlano fusawu kepu phi xakholu amoe. Tishino hakhokulu thimeqo pofushi kije no kulhokughomi ghi pano saje ithulu nani.

Luke 9:10

Apostolmi no ideighi no mlalu keu qhoi pesü Jisü vilo pi. Pa no pano mqo likhi sasü mishiphu lakhi Bethsaida lo wuve.

MATTHEW 18:31

Kughou pa küsami aqemi kütami no hi ithive keno, panongu ye shishe amlo kütakihive eno ampeu vilo kiu shive keno qhoi pivetsü.

MATTHEW 15:12

Tileno pa khopemi no pa lau ighi no pi, “Nono pikeu tsa no Phariseemi mlo pünave tsüapi no ye ithi anima?”

ZEKHARIA 11:11

Ikehu puloshoqhi ye tipa tsala lono hexave, eno ambe küqhümi, khunoqo I ju akeno, tipaqo no hi ye Ampeu tsa kepi ithive.

ZEKHARIA 11:7

Tighenguno ambe küqhümi no ambeloji ghiqhini ye akeqo lau I no akheu shiluve. Eno I no aküsü kini ikhiluve, lakhi je no Qhuivülai keu kuvetsü eno lakhiu je no Küqhakulu kuvetsü. Eno I no ambe jukuto luve.

JEREMIYA 5:1

Jerusalem laghila lo poipe poilo tsaqüi jukuto julo! Achipiu shi eno kuchou phuche kemi lakhimu phuluni mala liw kobidi-a lo phujulo, tishi aye I no li kipimi qhive tsüni.

SAMUEL ATUGHIU 25:12

Ikehu Davidw timiqo no idewo pa vilo hi kümtsü pive.

LESHELE 38:7

I philo aloinokeu kiumu kühae kughengu I phiashi kümtsü piti ani.

LESHELE 2:12

Anu müma lo, tikumo aye pa no amloide kelo nongu ye pühave nani, kughengu pa loghu ye paikhavi iqü ipeghive cheni. Khunono pa launo sükusho lucheni keno akümghapue.

Luke 14:20

Itaghi lakhiu no pi, ‘Ni ye akibo shive no anipu auva keke ighilu moae.’

Luke 14:22

Aqeu huno pi, ‘Akijeu, nono kiu za tsü keno tishive tsüae pi ithilo, ikemu itaghi a-a ye aphie.’

MATTHEW 20:7

Panoqo no pa khochile, ‘Khunomu ajume ningu piqe nike ghaighi moe.’ Ikehu pa no pi, ‘Tishiaye nongu ghi atsailu lo hulo.’