Luke 12:5 - Sumi Naga CL (Re-edited) Bible (BSI)

⁵ Ikemu khuu msa kepu keno I no nongu ghutu ani: khuu no pithive no alhomi lo vesüve kulupu kükagha ani keno, pa msa lo. Iyei, I no nongu vilo piani, pa msa lo!

BAIBEL (BSI)

⁵ Ikemu khuu musakepu kela ino nongu pithipe puani. Alhou no pithive kethiu ghi aghakumhami toi kelo vesuvekepu kuka anike pa musalo. Kuchouno ino nongu vilo piani, pa musalo!

Sümi Tiqhelimi Bible

⁵ Ikemu khuu msà kepu keno I no nongu pìyeni: Khuu nongu phimpi pìthíve kethiu ghí amiyizü lo vesüve kulupu kükagha ani keno pa msà lo. Iyei, I no nongu vilo piani, pa msà lo.

Luke 12:5 Referans Kwoze

2 Peter 2:4

Kughengu kungumi thotsü axine shive kelo Alhou no süchile mono panoqo pesü küghakütha tsala tomoke kutolo ayikha no tshüpe aküzü qokutho lo qhive aye;

MATTHEW 10:28

Khunoqo no aphimpi pithivetsü cheni mu angulho ye pithilu chemo keno, nongu ye panoqo msa kevilo. Tishini kepu ye Alhou khuu no alhomi lono aphimpi ngo angulho kütsalu nani keno, Pa msalo.

Piyeküsü 14:7

Pa no asütsa kuloghi lono pi. “Alhou msalo eno ajuküvü pe Pa tsülo, kughengu Paw küghakütha tüqhüdo ye ighivae, eno Khuu kungugha eno ayeghi, azüghi eno azüpukiqo lhosü keno, Pa mllalo.”

IBRIMI 10:31

Aküxüpu Lhou u lo ikiqi ilolu keu ye kümsa kimshipue!

LESHELE 9:17

Kixikilami eno Alhou kümsümave kemi shiyeqo ye kümtsü Kithigha lo wuve nani.

AHOLE 14:26

Ampeu sükümsa lono amlo kumto shilu cheni, eno pa tianuli ye sükusho anani.

Piyeküsü 20:14

Tishino Akithi ngo Kithigha küma ye amiyizü lo vesüve. Amiyizü hipau no akithi akiniu ke.

1 Thes. 4:6

tishianguno hipa vehulo khunomu akumou lono pa thiküzümi pimimo nani, kughengu nino azüu no tsaqüi nongu kütüve ketoi hi kümtsü lo Ampeu no amkhülu nani.

MATTHEW 25:41

“Tileno pa no pa u piyiu akeqo vilo pi nani, ‘I launo chevelo, nongu müsüinive keqo! Tüghami ngo paw kungumi ghenguno alhomi kuto püakeu lo ilovelo.

Piyeküsü 15:4

Khuu no O msa moni eno O jepipi moni kea O Ampeu? Kughengu O likhi no akimthe ke. Shiye kümtsü ighi no O mlla nani, kughengu O chipiu mikucho kümla ye pephe piyevae.”

MATTHEW 5:22

Ikemu I no nongu vilo piakeu ye khukhumu pa thiküzümi shou amloide keu ye küghaküthapu lo ilo nani; eno pa thiküzümi thaigha keu ye hoho lau khochile masa nani; eno itaghi khukhumu kütami vilo ‘No aghüzüu’ ipikeu ye aghimepu mi pesü küghatha nani.

JEREMIYA 5:22

Nongu ye Ni msamo keshea? Ampeu no asheshu. Nongu ye I zülo khokhoshi chemo keshea? I no asaye pesü azüghi lughi shi, ti vechemla kepushi alhokuthu ghuthu shi; azü fukucho ighimu ti veche mla; mqhumza igha namu veche mlae.

MATTHEW 25:46

Panongu ye alho ghimepu lo ilove nani, ikemu achipikaluve keqo ye lhokta küxü lo wu nani.”

JEREMIYA 10:7

O shiyeqo Kükau, khuu no O msa moni kea? agigihu ye O tsüküzüe; shiyeqo gholo alokütsümi dolo eno pano kükaqha kümtsü lo O toike khumu kühae.

Mark 13:23

Ikemu ni ye hi kümtsü azünatha pive akehu nongu ye khekuto luvelo.

JEREMIYA 41:18

kughengu panongu ye Chaldeami msave, ti ye Babylon kükau no angh shi penike süsü keu Ahikam nu Gedaliah, Ishmael no ghiqhive kehue.