Luke 12:39 - Sumi Naga CL (Re-edited) Bible (BSI)

³⁹ Ikemu hi ithilo, aki mpeu no küpkami ye kiu tüqhüdo lono ighi nani keno ithike aye, pa ye pa ki hepho ilo xüvetsü pemoni cheke.

BAIBEL (BSI)

³⁹ Eno hi kumsulu lone! Aki mpiuno kupukami kughono ighini keno ithi ake aye akupukau pelo pa ki hepho ilo pemo nani.

Sümi Tiqhelimi Bible

³⁹ Ikemu hi vethalulo: Tsalá aki mpeu no kiu tüqhüdo lono küpkami ighi nani keno ithi aghí ke aye pa ye pa ki hephosü iloghi pemo nani ke.

Luke 12:39 Referans Kwoze

2 Peter 3:10

Ikemu Ampeu Tsala ye küpkami toi ighi nani, atsütsü ye asütsa kuloghi shi igha no hauve nani, aqhi ayepu ye piti pühave nani, ayeghi eno tipau lo kümla jeli kümtsü aqha zülo pephe nani.

Piyeküsü 3:3

Tishi aye, nono kiu ithulu eno chilu püani keno kümsü lulo. Tipau pepimhe no xaidelo. Nono ithughimo aye, Ni ye küpkami lakhi toi ighi nani, eno kiu tüqhüdo lono I no o mjochile ighi nani keno no ye ithimo nani.

Piyeküsü 16:15

(“Julo! Ni ye küpkami lakhi toi ighi nanie! Khuu no tsükhüi shi ithu aphimini pepusü aghini keno pa kümghapue, tishianguno pa ye aphikümsa wumo nani momu aqha zülo tishi ithulumo nani!”)

MATTHEW 6:19

“Nongu ghenguno khile apila ngo ayisa no shipüsave cheni eno küpkami no hepho ilo xüleve cheni keno, ayeghi lo nongu kini pekütsü kevilo,

MATTHEW 24:42

Tighenguno kutope khelo, kughengu kiu tsala lono nongu Mpeu ighi nani keno nongu ye mthae.