Luke 11:13 - Sumi Naga CL (Re-edited) Bible (BSI)

¹³ Tishiaye, nongu alhoksami thotsü kishi agho kivi pesü no tianuli tsü kepu keno ithi aghi aye, kungugha lo Apu ye tinguno alau khije ta Aghungu Kimthe pesü khu kemi tsü nani kelae!”

BAIBEL (BSI)

¹³ Nongu lhoksa kughami thotsu thime kivi pesu anuli tsuke yeh ithi ani aye, kungughalo Apuh akeuye pa vilo khukemi shishe alau shi Aghungu Kimthe tsu nani!”

Sümi Tiqhelimi Bible

¹³ Tishiaye, nongu küsaküghami thotsü thime kivi pesü nongu tianuli tsüke ye ithi aghí aye, nongu Papù kungugha lo akeu ye kíshi tinguno alau Aghungu Kimthe pesü pa vilo khukemiqo tsü nani kea?”

Luke 11:13 Referans Kwoze

MATTHEW 7:11

Nongu alhoksami thotsü kishi thime kivi pesü nongu tianuli tsükepu keno ithi aghi aye, khuu kungugha lo ani keno, nongu Papu huye Pa vilo khukeqo lau tinguno alau tsü nani.

John 4:10

Jisü no li khochile, “Alhou no agho tsükeu nono ithi aghi, eno o vilo, ‘Azü I piyelo’ ipi akeu ithi aghike aye, no ye pa vilo aküxüpu zü khuniche eno pa no o tsüniche.”

Rommi 8:32

Pa likhi Pa Nu ghi süchile mono ningu kümtsü ghenguno pephetsü püaghi aye, tipau gholono Pa ye itaghi thime kümtsü pesü kümsa lono ningu tsümoni keshea?

AHOLE 1:23

I no sakiyi kelo nongu no tsüghü ighilu aye, julo, I no nongu shou I ghungu lepuku tsünani; nongu pelo I tsa ithilupe nani.

Apostolmi 2:38

Peter no panongu vilo pi, “Nongu xine qhivetsü kepushi xaideghi no Jisü Khristo je lono baptiz shilulo, eno nongu no Aghungu Kimthe gho ithulu nani.

JOYIL 2:28

“Ado hami thiu I no timi kümtsü shou I Ghungu lepuku tsü nani; no tianuli kiptimi totimiqo no tungkupu tsa pi nani, now muchomiqo no asamo pumo eno lhothemiqo no kungunhetsü ithulu nani.

EZEKEL 36:27

Eno I no I Ghungu nongu lolo sütsü no nongu pelo I yezah pape eno Iw pimheye gholuni ke kutokupui penani.

ISAIAH 49:15

“Aza lakhi ye li nga kughunu kümsümalu nani keshea? Li ye li no punu keu nga kimiye move nani keshea? Li no kümsümave namu, Ni ye khilemu o kümsüma monani.

MATTHEW 6:14

Kughengu kütami no nongu shou axine shive kelo nongu no pano kipimi pevetsü aye, nongu Papu kungugha lo akeu ghi nongu kipimi pevetsü nani,

MATTHEW 6:32

Kughengu thime hipaqo ye Alhou kümthami no akhotoshi phu acheni, eno kungugha lo nongu Papu no nongu ye hi kümtsü avehupu shiani kepi ithi ani.

Luke 11:2

Pa no panoqo vilo pi, “Kughou nongu no inikhuni keno ishi pilo: “Apuo, O je akimthe shilo, O yekipe ighilo.

MATTHEW 6:30

Tsala alupi ishi ye xüa no thoghiu ye nhüpe ami lo vesüveni keu thotsü Alhou no jukivi shi tucho cheghi aye, Pa ye tinguno alau nongu tucho nani, O nongu aküpülü mikhelo keqo.

MATTHEW 5:45

tishikeu lono nongu ye khuu kungugha lo ani keno nongu Papu tianuli kepi piyelu nani. Kughengu khetsünhe ghi Paw ke Pa no tsütsüni pesü alhoksami ngo akivimi lau tsücheni, eno tsütsüghu pesü müzüchoi kemi ngo ihoghülai kemi lau puwu tsücheni.

MATTHEW 5:16

Tipaphi lono, kütami zülo nongu kulu vüqailu pelo, tishikeu lono panoqo no nongu kümla kivi ithulu no ajuküvü pesü nongu Papu kungugha lo akeu tsü nani.

LESHELE 51:5

Julo, ni ye axine lono punue, eno I za no axine lono I mishike.

Rommi 7:18

I no ithi anike ashi lhoaye lo ni ye I lolo akivi kiumu kühae. Kughengu, kiu no achipi keno I no shinipi kümsü anamu ni ye shikulupu küka kühave cheni.

Rommi 5:17

Kughengu timi lakhi kipimi ghenguno akithi no qhasüpe ache aye, tinguno alaushi khunono Timi lakhiu, ti ye Jisü Khristo, vecheo Alhouw küpükini eno achipikalu kepu kümsagho kupukuno shi ithulu keno, pano no aküxüpu lo ayepe nani.

Titus 3:3

Kughengu ghuthu lakhi lo ningu ampi ghi mbomzü, aghelumo kemi, pishikiqhimi, eno ashiaji lo kimne jeli qemi shiche, eno timi kiphikumo, anhekushu lono kütami kimthipu eno lakhi no lakhi mithi keu lono ningu do puwovae.

BOTHUBO 8:21

Kughou Ampeu no tsüngqüi keu xo münalu keno, Ampeu no Pa mlo lono ishi pi, “Ni ye itaghi khilemu timi xine ghenguno ayeghi müsüini moae, kughengu alhothe lonomu timi kükümsü kupulo ye küsaküghae. Ti kumono Ni ye I no shike toi itaghi khilemu lhoxüqo pügha kithemae.

Luke 11:12

momu, awukhu khu aye, achuwopaza tsü nani kea?

Luke 18:7

Imaye Alhou ye Paw kishekiphemi khunono putho pucho Pa lau ighamku cheni keno, tipaqo lau kuchou xakütha tsümoni keshea? Pa ye panoqo kuphuni ke süpushu nani keshea?