Luke 10:2 - Sumi Naga CL (Re-edited) Bible (BSI)

² Pa no panoqo vilo pi, “Ghile ye apolu kepushi ani, ikemu ajumi no aghulo likhi ani. Tighenguno ghile Mpeu lau Paw ghile lo ajumi puhutsü penike amlo tsüqhiyi khulo.

BAIBEL (BSI)

² Pano panongu vilo pi, “Ghile hukepu kumzapu ani, ikemu ajumi aghuloshi, tighenguno ghile mipeu pelo ajumi pawu ghilelo puhutsu penike inikhulo.

Sümi Tiqhelimi Bible

² Pa no panongu vilo pi, “Ghile hu kepu ye kupukuno shi ani ikemu ajumi ye aghulo likhi anie. Tighenguno ghile Mpeu vilo pa lu lo ajumiqo puhu tsü penike inikhulo.

Luke 10:2 Referans Kwoze

1 Thes. 5:12

Nino nongu qhüiniju ani, athiküzümiqo, khunono nongu gholo ime mlaitha, eno Ampeu je lono nongu kütsüshika cheni keno panongu gihulo,

Mark 16:15

Pa no panongu vilo pi, “Ayeghiqha kümtsü lo wulo eno atsakiviu pesü pulhoküsü kümtsü lau sheshu lo.

2 Tim. 4:5

Ikemu nou ye alhokuthu lo tsaqütsalei lo, aghime puqhelo, tsavipemi kümla shilo, eno Alhou qemi kümlapu shikupu lo.

2 Thes. 3:1

Ashekhashi athiküzümiqo, ni ghenguno inikhu tsülo, tishianguno nongu gholo shike toi Ampeu tsa pesü azüu veküpha wolu eno gihulu peni,

Mark 13:34

Ti ye timi lakhi no kicheghüzü lo wuniye aki kuchoqhipe pa qemi tsüve ketoie: pa no pütüta kümla kughuve tsü, eno ahukikha kheu vilo tsükhüi lopi azah tsü.

1 Tim. 4:10

Kughengu hi kutolo ningu ye ichheime mla acheni, ti ye ningu no aküxüpu Lhou, khuu timi kümtsüw eno akhoto no pülüluve kemiw Xakuluu keno, Pa shou niw lajupu bepe qhive akehu ke.

Apostolmi 22:21

Ikelo Ampeu no I vilo pi, ‘Wulo, kughengu Jewkumomi lau aghacheu I no o puwuni.’”

Apostolmi 20:28

Nongu ampi jukütsükiyi lo eno Aghungu Kimthe no nongu pesü khunoqo shou jukükütsümi shive akeno, aloji kümtsü jukuto lo. Alhou kukuhou kheu shilo, ti ye Pa no Pa ji pesü qhüluvae.

Apostolmi 13:4

Aghungu Kimthe no puwu ketoi pama no Seleucia lo iqive eno tilauno ashuka lono Cyprus lo wuve.

Apostolmi 13:2

Panongu no Ampeu mlla eno kümvü ake lono Aghungu Kimthe no pi, “Barnabas ngo Saul pama pelo I no kulu keu kümla shipenike kishekimthe lo.”

Apostolmi 11:19

Stephen pithive kelono kijipüsa thuve kehu Phoenicia, Cyprus, eno Antioch kutolo apanagha pove keqo no atsa pesü kütami vilo pimono Jewmi vilo likhi pie.

Apostolmi 8:4

Apanagha wuve keqo no atsa pesü kütsü thuve.

Luke 9:1

Jisü no chighikini kukumqo no tüghami qhasü luni keu kükagha eno küsükini shipivi luni keu küka pesü panoqo tsü,

Mark 16:20

Tithiu akhopemi no ashou akuaqha kümtsü lo sheshu wu, eno Ampeu no panoqo gholo mla eno amchipuqo vecheo atsape ye kuchoue pi alau iqhikumto tsüe.]]

MATTHEW 20:1

“Kughengu Kungugha yekipe ye aki-alu pighimi lakhi no pa tsailu lo hupenike ajumi piqe niye inaqhe itheno kapewu ketoie.

ZEKHARIA 11:17

“Iw ameküküha mbekheu khuu ambeloji qhive keno ahasapue! Azütakikihi no pa u ajeu eno pa nhethi ajeu ghive peniu! Pa umlo qhoi thizümüive, pa nhethi ajeu icheve peniu!”

JEREMIYA 3:15

“‘I no I mlokuchuu ambekhemi nongu tsüni, panongu no akighithi eno vethakulu pesü nongu loji nani.

FILIPIAMI 2:25

Ni ye I thiküzüu eno I gholo mlakicheu, aghükishiu, nongu tsapeu eno I vehupu lo aghini kishiu, Epaphroditus nongu lau puwu masa kepi kümsü luvae,

FILIPIAMI 2:21

Kughengu kümtsü no Jisü Khristo lopu kumono pütüta pulou phucheni.

1 Kor. 12:28

Alhou no akukuhou lo hitoi süsü püani: atüghüu no apostolmi, akiniu tungkupmi, aküthüu akükütsümi; tishino akümzapu kümlami, tishino shikipivi gho akemi, akukuphumi, saphekulumi, eno amili jeli lono pikemi.

AKIKIHI 11:17

I no iqighi no tileno o sasü küptsani, eno o tsüpüakeu nguagha hami pesü panoqo shou puku tsüni, tishianguno o likhino kumono panongu ghi o gholono timiqo makho pupeni.

Kolosiami 1:29

Hi ghenguno ni ye Khristo no I lolo sütsü keu kumto kümtsü pesü aghime shi mla cheni.

FILIPIAMI 2:30

kughengu nongu no I kuphu khawo tomlano akeu kümla kupuve tsüniye pa ye kümsapu kutolo sholu ghi Khristo kümla ghenguno thiveni cheghi ke.

IBRIMI 3:6

ikemu Khristo ye Anu lakhi shi Alhou kibo shou pükhükulupu shike. Eno tsala ningu no mtotoi niw lajupu lo amlo kuloghi shi aye ningu ye Alhou kike.

1 Thes. 2:9

Athiküzümiqo, nongu no ni ghime eno akümla kümsülu aghi nani: Alhou tsakiviu pesü nongu lau asheshu kelo, nongu khuu shoumu amakho shipe moniye nino putho pucho mla cheke.

Kolosiami 4:12

Ampeu Jisü Khristo qeu Epaphras, nongu gholo lakhi huno petha nongu tsü ani, pa kighini lo alhokuthu nongu ghenguno kükhakulu acheni, tishianguno nongu pelo Alhou pulou kümtsü lo tekhoi eno thebeilu peniye ke.

2 Kor. 6:1

Pa gholo mlaküqha kemi shi nino nongu qhüiniju anike adou lono Alhouw küpükini ithulu kemi shi kevilo.

1 Kor. 15:10

Ikemu I no kiu keno, ti ye Alhouw küpükini vecheo ke, eno Paw küpükini I tsükeu ye adou shivemoe. Tishike kumono apostolmi kütami nguno alau I no mlache, kuchou no I no shiluke kumono I gholo akeu Alhouw küpükini noke.

ZEKHARIA 11:5

Panongu qhüluve keqo no pano ghiqhive kemu aghime tsümono wuvepe, eno khunono panongu jeve keno tipaqo no pi, ‘Ampeu sheqhelo, ni ye kinimi shivae,’ pano mbekhemi no pano küpümoe.

KUKAMI ATUGHIU 18:22

Tileno Elijah no pi, “Ampeuw tungkupmi I likhivae, eno Baal tungkupmi ye 450 ani.

AKIKIHI 11:29

Ikemu Moses no pa khochile, “I ghenguno nono alomsü ani keshea? Ampeu no Paw timi kümtsü shou Pa ghungu puku tsüno panongu pelo tungkupmi shi aghi penishi nolae!”

Philemon 1:1

Paul, Jisü Khristo ghenguno akughushi akeu eno ni thiküzüu Timothy no, Ningu kümtsa mla achekeu eno qhuivü chekeu Philemon,

LESHELE 68:11

Ampeu no azah tsü; asütsa pesü sheshu kemi totimiqo ye aqokitikhi kije ke:

Piyeküsü 2:1

“Ephesus kukuhou lo kungumi lau yelo: ‘Khuu no Pa u ajeu ayepu tsüni pesü ameshoyi kulukibepu tsüni gholo checheni keno, Pa tsape.