Luke 1:79 - Sumi Naga CL (Re-edited) Bible (BSI)

⁷⁹ aküzü eno akithi yekükhü lo akeqo lau aküvü tsü nani, eno aloino keu laghi lo ni pukhu kichetsü ghi wu nani.”

BAIBEL (BSI)

⁷⁹ Pano xakulu kuvu ni shou ipeghipe, Akithi yekukhu kuzulo akemi shou atsutsu lono yepuvutsu, Hi aloinokeu laghilo ni la mijetsu penike.”

Sümi Tiqhelimi Bible

⁷⁹ tiye àküzǘ yeghi lo xü akemi eno akithí yekükhü lo akemi, ni pukhu nepa kichesü aloino keu là lo sawu nikeu ghenguno ke.”

Luke 1:79 Referans Kwoze

ISAIAH 9:2

Khunono aküzü lo cheche keno aküvü kije ithuluvae; khunono aküzü kutho lo ache keno, aküvü no pano yepüvü luvae.

MATTHEW 4:16

aküzü lo ache keqo no aküvü kije ithuluvae, eno akithi yekükhü qholo ache keqo ye aküvü no ipeghi no panoqo shou yepüvü luvae.

Apostolmi 26:18

panongu nhethi xükho tsüno no aküzü lono aküvü lo ipeghilu, eno Satan küka lono Alhou lau tsüghü ighilu, tishino panongu pelo axine qhikütsü ithulu no I lau aküpülü akeu vecheo shikimtheve kemi gholo a-a ithulu peni.’

Ephesiami 5:8

kughengu ghuthu lakhi lo nongu ghi aküzü lo ache, ikemu itehi ye Ampeu lau aküvü lo auve akehu aküvü nuliqo toi chechelo.

ISAIAH 42:7

anhethi kighichemi nhethi khaqhitsü nani, aküzü kughuki lo akughu shi akemi saipeghi nani; aküzü lo iqa akemi khaqhiphe nani.

John 12:46

Ni ye aküvü shi ayeghi lo ighi, tishianguno khunono I pülüni keno aküzü lo ngomo nani.

John 8:12

Jisü no itaghi timiqo vilo pi, “Ni ye ayeghiqha küvüe. Khunono I papeni keno aküzü lo chemo nani ikemu aküxüpu küvü anani.”

John 9:5

I no ayeghi lo ake tivilo ni ye ayeghilomi küvüe.”

LESHELE 107:14

Pa no aküzü eno akithi yekükhü lono panoqo saipeghi, eno akütsüghaqo sütha kütüta shive tsüe.

LESHELE 107:10

Khami ye aküzü eno akithi yekükhü lo iqae, aghime eno ayikichhe lo akughumi shi ache,

ISAIAH 49:9

I no akughumi vilo pinani, ‘Ipeghilo,’ aküzü lo akeqo vilo pinani, ‘Ipeghive lo.’ Panongu no ambeqo alaghila lo achu kümza nani; eno qhemghaike-a kümtsü no pano chu kümza-a shinani;

John 1:9

Aküvü kuchou khikhi timi kümtsü yepüvü cheni keno tipau ayeghi lo ighi niye shiae.

LESHELE 23:4

I no akithi yekükhü khila hechewu namu ni ye alhoksa kiumu msamoe, kughengu Nono I gholo ani; O küsü eno O qheküsü no I lokughuno tsü cheni.

Luke 2:32

Jewkumomi lau pephe piye kepu küvü lakhi, eno Ow timi Israelmi ghenguno ajuküvü ke.”

JEREMIYA 2:6

Panongu ye ishi pimoe, ‘Egypt yeghi lono ningu saipeghi no yenguyi ke-a, asayeqha eno anhepho yeghi lo, züha yeghi eno aküzü kutho khunomu kathamo eno küghüna mokeu yeghi lo ni sawu keu Ampeu khile ani kea?’

ISAIAH 49:6

Pa no pi: “I no O pelo Jacob shiaye xaqhe eno Israelmi püxü püakeqo sachile saghi peniye I qeu shipekeu ye mthülo ke; ikehu I no o pelo shiyeqo lau aküvü ghi shipeni, tishikeu lono Iw xakulupu no ayeghi shekha tolu peni.”

ISAIAH 42:16

eno I no anhechemi sasü panongu no khilemu püla chemo keu laghi lo sawu nani. panongu no ithimo keu laghi lo I no panongu la kichetsü nani; I no panoqo zülo aküzü pesü aküvü shivetsü nani; eno kipekuloi keu yeghiqo külaqavetsü nani. I no thime hipaqo shini cheni, eno Ni ye panongu phevemoe.

Rommi 3:17

eno pano ye külakishi laghi ithi amphie.”

JEREMIYA 6:16

Ampeu no ishi piani; “Alaghila lo puthugho no julo, khaghi laghiqo ighiju lo eno akivi la khila keno tila chewulo, eno nongu ngulho no akulho qhilu nani. Ikemu panongu no pi, ‘Ningu ye tipa la lo chewu moe.’

ISAIAH 59:8

Panongu ye külakishi laghi mtha, eno achipiu xakütha ye pano laghi lo kühae; panongu laghi ye küsakügha; eno tipa laghi zü kemi khunomu külakishi mthae.

ISAIAH 48:22

“Kixikilami ghenguno aloino keu kühae,” Ampeu no pi.

LESHELE 44:19

ikeghi Nono atineqo-a lo ningu heqhipe qhive eno akithi yekükhü pesü ningu khonhape qhive.

LESHELE 25:12

Khuu no Ampeu sümsa cheni kea? Pa no wukepu laghi ye Ampeu no kishetsü nani.

AHOLE 3:17

Li laghi ye alokiqipu laghi eno li laghi kümtsü iqüghai ke likhie.

JOB 10:22

Tipau yeghi ye züchiyi aküzü no nhape kübangü keu-a ake, tile ye aküvü ghi aküzü paphie.”

ISAIAH 48:17

Israel Lhou akimtheu, nongu Xachilekuluu, Ampeu no ishi piani: “Ni ye nongu Mpeu Alhou, I no nongu pelo ala shipenike shika cheni, nongu laghi kichepiye cheni.

AHOLE 8:20

Ni ye amikucho eno achipiu xakütha laghi püla cheni,

JOB 3:5

Züchiyi eno aküzü kutho no ti khonha luve peniu, khüngküsü no ti küzüpe zümoi keu tsala no shikichi peniu.

Apostolmi 10:36

Atsa khikhi Pa no Israelmi lau puwu keno, ti ye Jisü Khristo vecheo aloino keu tsakiviu pesü sheshu keu nongu no ithi ani (Pa ye kümtsü Mpeu ke).