Luke 1:15 - Sumi Naga CL (Re-edited) Bible (BSI)

¹⁵ kughengu pa ye Ampeu zülo kije shi nani. Pa ye khilemu aji momu shomzü kepu aji kümka yemo nani, eno pa ye aza polo aphi lono Aghungu Kimthe no chhitoi nani.

BAIBEL (BSI)

¹⁵ Kughengu paye Ampeu zulo akughushumi lakhi shinani. Pa ye kiu ji kumkamu shomo nani. Paye punuke mtsano Aghungu kimthe no chhitoi nani.

Sümi Tiqhelimi Bible

¹⁵ kughengu pa ye Ampeu zülo kijè shi nani. Pa ye khilemu atsaizü jeli momu atsaizü kümkaqo peithamo nani, eno pa ye punú mphi züu no Aghungu Kimthe no chhitoive nani.

Luke 1:15 Referans Kwoze

JEREMIYA 1:5

“Atita lo azü ghomphi züuno Ni ye no ithi ae, o punu mphi züuno I no o kishekimtheve; I no o pesü shiyeqo lau tungkupu lakhi shi süsüe.”

Ephesiami 5:18

Aji shomzü kevilo, kughengu ti ye ghasükümlapu ke; ikemu Aghungu pesü nongu shepichhi lo,

Galatiami 1:15

Ikemu I punu mphi lono khuu no ni kishe kütüta shino paw küpükini lono I kulu keno,

Apostolmi 2:4

Aghungu Kimthe no panongu kümtsü shepichhive no Aghungu no panongu pelo pilupe kehu amili kütau no pithuve.

Luke 7:33

Baptiz kishiu John no kuchu-kusho shimo no kükhümzü ighi kelo nongu no, ‘Pa ye aphi lo tüghami ani’ ipike.

JOSHUA 4:14

Tipa tsalani no Ampeu no Israelmi kümtsü zülono Joshua süqhe eno Moses qhoqhü cheke toi panongu no Joshua küxü kupuju pa qhoqhüe.

Luke 7:28

I no nongu vilo piani, totimi no punu keqo gholo khunomu John nguno akijeu kühae. Tishimu Alhou yekipe loye khuu no aghulou keno pa no John nguno akijeue.”

YEKIKITHI ATUGHIU 17:8

eno nono khilekhile wumu I no o gholo wuno o zülono o ghümi kümtsü heqhive tsüke. I no aje kije pesü o tsüno o pelo ayeghiqha lo aju-aje küami toi shipeni.

JOSHUA 3:7

Ampeu no Joshua vilo pi, “Ishi no huthu no I no Israelmi zülo o süqhe niae tishikeu lono panongu pelo I no Moses gholo acheke toi o gholo anipi ithi peni.

ZEKHARIA 9:15

Aqokitikhi Mpeu no panoqo süsho nani, panongu no kütsale eno akighi lono atu kihi chekemi theqhive nani, panongu no atsaiji sho nani eno shomzü akeshi igha nani, akiptia chekuqo pütsüni ye akhu chhitoi akeshi nani.

LESHELE 22:9

Ikemu atita lo akelono ni ikhiphelu keu huye No ke; I za mla lo khape ake lono Nono I pelo O pükhübe lupe.

YEKIKITHI ATUGHIU 29:12

Küakini eno agigihu kinikujo O launo ighi cheni, eno Nono kümtsü shou ayepe ani. Aküka eno akumto ye O u lo ani, eno O küka lono khukhumu kije eno akumto shivetsü cheni.

BOTHUBO 48:19

Ikemu papu no milive no pi, “I no ithi anie, I nu, I no ithi ani. Pa ghi ashiaye kije shi ikowo nani. Tishinamu, pa thiküzüu ayitiu no pa nguno akijeu shi nani, eno pa tikughuko no aqokitikhi shiye shinani.”

BOTHUBO 12:2

I no o pesü shiye kije shitsüni, I no o kümgha tsüni, eno o je kije shitsüni, tishianguno no ye kükümghau shipeni.

John 5:35

John ye iqü akeu eno vüqai akeu kulu eno nongu no pa küvü lo ado hami alovini ke puloe.

ACHINE 10:9

“Kughou nongu no kuposhukulu phiki lo iloni keno, no shiaghi na o nuli namu atsaiji momu akümka ji sho kevilo, tikumo aye nongu ye thive nosae. Hi ye tiqheli kümtsü lo acheni keu pimheye shini.

JEREMIYA 35:6

Ikemu panongu no khochile, “Ningu ye shomoe, kughengu ningu pasü Rekhab nu Jonadab no azah ningu tsüe, ‘Nongu na nongu nuli namu alholo atsaiji shomoni.

Luke 1:14

No ye amlokiqi eno alokivi anani, eno kutomo no pa punu lo alovi nani,