LESHELE 99:1 - Sumi Naga CL (Re-edited) Bible (BSI)

¹ Ampeu no ayepe ani; timi kümtsü no khokhoshilo! Pa ye cherubim shou iqa ani; ayeghi pelo itha pelo!

BAIBEL (BSI)

¹ AMPEU ye akukau; timiqoye msa khokhoshilo. Pano kerubim chishibo shou pa kuka lakhulo iqa eno ayeghi no ithae.

LESHELE 99:1 Referans Kwoze

LESHELE 97:1

Ampeu no ayepe ani, ayeghiqha pelo alovi pelo; züdoyeghi kutomo akeqo pelo alokivishi pelo.

IPEKULU 25:22

Akünha sholo ashepe bohu shou cherubim kini akeu mta lono I no o sasü kushoni, Israelmi ghenguno I no azakütsü o tsüniye akeu vehu I no tileno o vilo pini.

LESHELE 97:4

Paw tsütsü kukulo no ayeghiqha yepüvü; ayeghiqha no ti ithulue eno khokho shive.

LESHELE 93:1

Ampeu no ayepe ani; Pa ye kükanguagha phi pepu ani; Ampeu ye chijeboike phi pepu ani; Pa ye akumto pesü Pa pokha shiluvae. Iyei, ayeghiqha ye iqhikumto püani; ti ye khilemu ithamoe.

Piyeküsü 20:11

Itaghi I no kükalakhü metsüghoike kije lakhi eno tipau lo Khuu iqa akeno ithulu. Atsütsü eno ayeghi ye Pa küa lono hauve no ithumlave.

LESHELE 80:1

Akini kugho puwo tsülo, O Israel kheu, Nono ambe loji saphe keshi Joseph shiaye saphe lo! No, Cherubim chishibo shou iqa ngo achekeu, aküvü yepüvü lo.

Piyeküsü 11:17

pi, “Ampeu Alhou akughushuu, Khuu acheni eno acheghi keno, Nino O shikimthi ani, kughengu Nono O küka kije ikhiluve no ayepe thuvae.

Piyeküsü 6:14

Atsütsü no kaku liküzü akeshi hauve, naghuto ngo züdoyeghi kümtsü pütüta-a lono kiqeve tsü.

FILIPIAMI 2:12

Ikehu I no qhuivü chekeqo, nongu no alhokuthu agholu cheke toi, itehi ye I küalo likhino kumono I küküha lou no alau msaqhiyi eno khokhoshi pütüta xakulupu mlaphe lo,

Luke 19:27

Eno I ghümi ghengu ye, khunono I pelo pano yepeu shipenishi mono akeno, hile saghi no I zülono ghiqhivelo.’”

Luke 19:14

Ikemu pa ghakhumi no pa mithi chekehu aghinimi khami pa thiu no puwu no atsape ishi tsü, ‘Ningu ye timi hipau pelo ni shou ayepe penishi amoe.’

Luke 19:12

Ikehu pa no pi, “Ghenimi lakhi no aghacheu aghakhu lakhi lo wuno pa sala kükaqha ighilu no ideighini keu shi.

JEREMIYA 50:46

Babylon ikiqi keu sütsa chilu kemtsa, ayeghi kümtsü itha nani eno pano küqa no shiye kümtsü no chilu nani.”

JEREMIYA 49:21

Edom ikiqi keu sütsa chilu kemtsa, ayeghi kümtsü itha nani eno pano küqa no Akuhu Züghi kutolo chilu nani.

JEREMIYA 5:22

Nongu ye Ni msamo keshea? Ampeu no asheshu. Nongu ye I zülo khokhoshi chemo keshea? I no asaye pesü azüghi lughi shi, ti vechemla kepushi alhokuthu ghuthu shi; azü fukucho ighimu ti veche mla; mqhumza igha namu veche mlae.

JEREMIYA 4:24

I no naghutoqo jukelo tipaqo ye itha ae, eno atoghiqo no sükujokiji ae.

ISAIAH 19:14

Ampeu no pano dolo kübangü keu kükümsü süve tsüae, shokümzümi no pa kumghu nekiphe keshi panoqo no Egypt pelo ala kümtsü lo nekiphepe nani.

LESHELE 96:10

Shiyeqo vilo pilo, “Ampeu no ayepe ani! Iyei, ayeghiqha ye mtotoi ani eno khilemu ithavemo nani; Pa no achipiu xakütha pesü timiqo shou küghatha nani.”

LESHELE 18:10

Pa no cherub shou ikuno yewu; Pa no amülhü chishibo lono yeighi.

LESHELE 2:6

“I kimthe toghi Zion lo I no I ghenguno Akükau süsüvae.”

LESHELE 82:5

Panongu ye akighithi mu vethakulu mu kühae, panongu ye aküzü lo checheni; ayeghi boqha kümtsü süküghüthavae.

SAMUEL AKINIU 6:2

Eno pa no pa gholo akeqo kümtsü sasü Baale-judah lono Alhouw puloshoqhi bohu, ti ye cherubim shou kükalakhü akeu lo iqa chekeu aqokitikhi Mpeu je lono kukeu, süghini ye wuve.

YEKIKITHI ATUGHIU 16:30

ayeghi kümtsü no Pa zülo khokhoshi lo; iyei, ayeghi ye iqhisüvae, ti ye khilemu itha moae.

LESHELE 80:2

Ephraim, Benjamin, ngo Manasseh zülo O kumto pephe, eno ighi no ningu xaphe lulo!

LESHELE 96:9

Akimthe juküvü lono Ampeu mllalo; ayeghiqha kümtsü no Pa zülo khokhoshi lo!

EZEKEL 43:7

Pa no pi, “Timi nu, hi ye I kükalakhü-a eno I pukhu kinepu-a, hileno I no Israelmi gholo alhokupuju ache nani. Eno Israel kibolomi ye panongu na pano kükami namu panow kütüqha keu ngo qhemghaike-a lo panow kükami sükumo vecheo I je kimthe shikitiqe kithe moae.