LESHELE 98:2 - Sumi Naga CL (Re-edited) Bible (BSI)

² Ampeu no Paw xakulu ithiluve peke; Pa no shiyeqo zülono Pa chipiu mikucho pepheke.

BAIBEL (BSI)

² AMPEU no pano toluvekeu pithiwoke; Ashiayeh qo lau pawu xakulupu kuka pithiwoke.

LESHELE 98:2 Referans Kwoze

ISAIAH 52:10

Ampeu no shiyeqo zülono Pa u kimthe xachhovae, eno ayeghi shekha kümtsü lono Alhouw xakulupu ithulu nani.

ISAIAH 62:2

Zion, shiyeqo no ow achipiu-mikucho ithulu nani, eno kükami kümtsü no o juküvü ithulu nani, no ye aje kithe pesü o ku nani, eno aje ti ye Ampeu no tsü nani.

LESHELE 22:31

Panongu no ighi no Pa chipiu mikucho pesü timi punu niye akeqo vilo sheshu nani, kughengu Pa no hipau shive tsüae.

Rommi 1:17

Kughengu ishi yepüake toi, “Amikuchomi ye aküpülü lono xülu nani,” atsakiviu lo ghi Alhou mikucho ye aküpülü lono huthu eno aküpülü lono kishekha keu pephe piye ani.

JEREMIYA 23:6

Pa ghuloki lono Judah xaluve nani, eno Israel ye sükusho lono xünani. Pa je hipau ku nani: ‘Ampeu ye niw achipiu mikucho.’

ISAIAH 49:6

Pa no pi: “I no O pelo Jacob shiaye xaqhe eno Israelmi püxü püakeqo sachile saghi peniye I qeu shipekeu ye mthülo ke; ikehu I no o pelo shiyeqo lau aküvü ghi shipeni, tishikeu lono Iw xakulupu no ayeghi shekha tolu peni.”

2 Peter 1:1

Jisü Khristo qeu eno apostol, Simeon Peter no, Ni Lhou eno ni Xakuluu Jisü Khristo mikucho lono khunono ni sasü kümghülu ghi aküpülü ye ithuluve akeno panoqo lau ye ani:

FILIPIAMI 3:9

püzü pa laumi shilu niye ke, ti ye I mikucho, Ayezah pelu keu lono ighikeu kumono aküpülü vecheo Khristo launo ighikeu, khikhi aküpülü shou bepe acheni keno achipiu-mikucho ti Alhou launo ighikeu huke.

Rommi 10:18

Ikemu I no hi ighiju ani, panongu ye chilu mphi kea? Itsa, chiluva thono, kughengu “Panongu sütsa ye ayeghiqha kümtsü lo külhavae, pano tsa ye ayeghi shekha tovae.”

Rommi 9:30

Imaye ningu ye kiu pini kea? Jewkumomi khunono Alhou lau achipikalu kepu phumono ache keno, tipaqo no ithuluvae, ti ye aküpülü vecheo achipikalu keu tsa piani;

Luke 3:6

eno timi kümtsü no Alhouw xakulu ithulu nani.’”

Mark 16:15

Pa no panongu vilo pi, “Ayeghiqha kümtsü lo wulo eno atsakiviu pesü pulhoküsü kümtsü lau sheshu lo.

MATTHEW 28:19

Tighenguno wulo eno shiye kümtsü pesü I khopemi shitsülo, Apu jeku, Anu jeku, eno Aghungu Kimthe jeku panongu baptiz shitsülo,

ISAIAH 46:13

I no I chipiu tsala punukhoi süghi ani, ti ye kushuo lo amoe, eno Iw xakulupu ye süpushu monani; I no Zion xakulupu shitsü nani; Israel ghenguno I juküvü tsü nani.

LESHELE 24:5

Pa ye Ampeu launo kükümgha eno Alhou pa xakuluu launo achipiu mikucho ithulu nani.

Titus 2:13

tino ni Lhou akijeu eno Xakuluu Jisü Khristo ajuküvü lono ipeghini keu khekuto akelo niw kükümgha lajupu ke.

2 Kor. 5:21

Khristo ye axine kühae, ikemu ni ghenguno Pa pesü axine kughulhove tsü, tishianguno Pa küdau no ningu pelo Alhou chipiu mikuchomi shilu peniye ke.

ISAIAH 52:7

Naghutoqo kathasü asütsa kivi pesü ighikeu pukhu ye kiutoi juvi kelae, pa no alakishi peighi ke, eno alokivi sütsa peighi ke, pa no Zion vilo ishi pi, “O Lhou no ayepe ani.”