LESHELE 97:11 - Sumi Naga CL (Re-edited) Bible (BSI)

¹¹ Aküvü no amikuchomi shou yepuku ke, eno amlo kümzümi shou alovi ke.

BAIBEL (BSI)

¹¹ Akuvuno amikuchomi shou yepuku ke, eno akivimi shou alovipukuke.

LESHELE 97:11 Referans Kwoze

John 12:46

Ni ye aküvü shi ayeghi lo ighi, tishianguno khunono I pülüni keno aküzü lo ngomo nani.

AHOLE 4:18

Ikemu amikuchomi laghi ye tsükutho küvü ipeche ketoi, puchomghü shimoke kutolo vüqai eno vüqai kithe acheni.

JOB 22:28

Nono xatha keu kümtsü o ghenguno shikuputsü nani, o la lo aküvü no yepüvütsü nani.

LESHELE 112:4

Timi kivimi ghenguno aküvü no aküzü lo yepüvü tsü nani, pa ye küpüqhiyi, kimiyeqhiyi eno amikucho ke.

Piyeküsü 21:23

Aphughi ye tipau shou yepüvü kepu khetsünhe momu aqhi mu avehupu shimoe, kughengu Alhou juküvü no yepüvü ae, eno Ambeti no tipau kulubo ke.

Galatiami 6:8

Khuu no ashi gholau no xusüni keno, ashi lono shiküpsapu xolu nani, ikemu khuu no Aghungu lono xusüni keno Aghungu launo lhokta küxü xolu nani.

LESHELE 18:28

Kughengu I kulu küiqü tsükeu ye No ke; Ampeu I Lhou no I küzü yepüvü tsücheni.

ESTHER 8:16

Jewmi ghenguno ti ye amlokiqi eno kunuvüqai keu, aloino eno agigihu tüqhüdo shive.

Piyeküsü 22:5

Tile ye putho kühave nani. Panongu ye akulu momu khetsünhe küvü avehupu shimoae, kughengu Ampeu Alhou no pano küvü shi nani eno panongu no pülhapuju eno alholo ayepe cheuve nani.

MICAH 7:9

I no Ampeu zülo axine shive kehu Pa no I she petsü eno I ghenguno xathatsü moke dolo ni ye Pa xukighide xapu niae. Pa no aküvü lo I saipeghi nani; Pa no saphutsü keu shou I no jupuku anani.

ISAIAH 62:1

Zion ghenguno Ni ye inaqhoi mo nani, eno Jerusalem ghenguno Ni ye qümüive mo nani, Liw achipiu-mikucho no vüqai yepüvü moke kutolo, eno liw xakulupu no akuluqhe iqü aketoi moke kutolo, Ni ye inaqhoive mo nani.

JOB 11:17

O küxü ye puchou nguno vü nani; eno aküzü tsala no inaqhe toi nani.

LESHELE 68:4

Alhou lau ale phelo, Pa je shipili ale phelo; khuu asayeqha lo checheni keno Pa lau ale phelo; Pa je ye Ampeu ke; Pa zülo alovilo!

ISAIAH 58:8

Tishiaye, nongu küvü ye tsükutho küvü toi ipeghi nani, eno nongu shou shikipivi ye itheno ighive nani; nongu chipiu no nongu züu shino wu nani; eno Ampeu juküvü no nongu thiu nongu khe nani.