LESHELE 97:10 - Sumi Naga CL (Re-edited) Bible (BSI)

¹⁰ O nongu Ampeu kimiye chekemi, alhoksa mithilo! Pa no Paw akimthemi küxü pükhalu cheni; Pa no küsaküghami u lono panoqo xalu nani.

BAIBEL (BSI)

¹⁰ AMPEU ye alhoksa mithichekemi kimiye cheni; pano pawu timiqo kuxu pukhalu cheni; kixikilami kuka launo panoqo xaphelu cheni.

LESHELE 97:10 Referans Kwoze

AHOLE 8:13

Ampeu sükümsa kiqi ye alhoksa mithini keu ke. Ni ye aqheküza, akülaki, eno alhoksa laghi ngo sabideve keu tsapi mithi cheni.

Rommi 12:9

Kikimiye ye mtsümishei shilo. Alhoksa mithilo, eno kiu no akivi keno tsüqülu lo.

LESHELE 145:20

Ampeu no Pa kimiye chekemi kümtsü püxü cheni, ikemu kixikilami ye kümtsü Pa no kütsave cheni.

LESHELE 34:14

Alhoksa lono tsüghüve no akivi mlalo; aloinokeu phulo eno ti papelo.

JEREMIYA 15:21

I no kixikilami u lono no xaphelu nani, eno ayiküsami u lono o xachilelu nani.”

AMUS 5:15

Alhoksa mithi eno akivi kimiyelo, khagho lo achipiu xakütha puthuphelo; tishi aye Ampeu, aqokitikhi Lhou no Joseph lagha lo ghükulumi kimiyeqhiyi lunani.

DANIEL 3:28

Nebuchadnezzar no pi, “Shadrach, Meshach, eno Abednego noqo Lhou sheqhelo, Pa no Paw kungumi puwu no Pa qemi, Pa pülübe chekemi xaphelue, panongu no pano Lhou likhi kumo aye kütami lhou qe eno mlla moniye akükau yezah qhive no pano phimpi ghi pephe tsüve ke.

2 Thes. 3:2

eno kixikilami ngo lhoksami launo ningu xaphelu peni. Kughengu kümtsü no aküpülü anike kumoe.

AHOLE 2:8

achipiu shiche kemi la Pa no süshope acheni eno Pa küpülümi laghi khekuto acheni.

LESHELE 31:23

Ampeu kimiye lo, nongu Paw timiqo! Pükhükulumi ye Ampeu no khe acheni ikemu aqheküza lono mla chekemi ye mishishei ghime cheni.

1 John 5:18

Ningu no ithi anike Alhou nuli shiluve kemi kümtsü no axine shiauve chemo, ikemu Alhou launo ighi keu huno pa süsho acheni, eno alhoksau ye pa bulu chemoe.

1 John 4:19

Ningu no kimiye kile chekeu ye Alhou paghino ningu kimiye kehue.

1 Peter 1:5

khunoqo ghenguno xakulupu kuto püani keno ti pepheni keu do ashekha ghuloki tomoke kutolo panoqo ye aküpülü vecheo Alhou küka no süshope anie.

James 2:5

I qhuu athiküzümiqo, inilo, Alhou no ayeghi lo kumlhomi kishelu no aküpülü lo kinimi shilupe eno Pa kimiyekemi tsüni keu shi piqhi püakeu kükaqha mheghi kiyighimi shilupe kekumo keshea?

DANIEL 6:27

Khuu no abongshuuqo küka lono Daniel xaphelu keno, Pa no xaphe eno hakho cheni; Pa no atsütsü eno ayeghi lo amchipu eno akümzapu mla chenie.”

Piyeküsü 13:8

eno Ambeti Khuu ghiqhive keno Paw aküxüpu kaku lo khunoqo je ayeghiqha boqha ghomphi lono yepuku püaghimo keno tipaqo thaqhü no tüghashi mlla nani.

James 1:12

Pujupeju kelo puqhelu kemi kümghapue, kughengu pekuju lo puthugholu kemi ye Alhou no Pa kimiye chekeqo tsünie pi püakeu aküxüpu kütsükuqho ithulu nani.

1 Kor. 8:3

Ikemu khuu no Alhou kimiye cheni keno, Alhou no pa ithi ani.

ISAIAH 45:17

Ikemu Israel ye Ampeu no shekhaha xakulu pesü xalue; nongu ye lhokta kutolo khilemu kujo mzave pemo nani.

AHOLE 3:7

O likhi nou no alokütsüu shi kevilo, Ampeu sümsalo eno alhoksa lono tsüghüve lo.

LESHELE 125:3

Kixikilami kükaküsü ye amikuchomi saje shitsü keu yeghi lo ayepe mla nani, tikumo aye amikuchomi ghi pano u xachhope akumou mlauve nosae.

LESHELE 119:163

Ni ye kichile mithi eno aphimqhü cheni, ikemu O yezah ye I no kimiye.

LESHELE 91:14

“Kughengu pa no kikimiye kumto lono I tsüqüpe ngoke, I no pa xalu nani; I no pa süsho nani, kughengu pa ye I je ithi ani.

1 Peter 1:8

Nongu ye Pa ithulu mphi kemu Pa kimiye cheni. Itehi mu nongu ye Pa ithulu amoe ikemu Pa lau pülübe cheni eno amlokiqi shi piphekümla lokivi gholo ajuküvü no shepichhipe

Rommi 7:24

Ni ye kiu toi anguküsapu timi kelae! Khuu no akithi phimpi hipau lono I xaphetsü nani kea?

Rommi 7:15

Ni ampi ghi I kümla küghütha ithikuthu chemoe. Kughengu I no kiu shinishi cheni keno ni ye ti shichemoe, ikemu I no kiu mithi cheni keno ti shiuve cheni.

DANIEL 6:22

I Lhou no kungumi puwu no abongshuuqo kichi lakhave tsü, eno panongu ye I ghüza moe, kughengu ni ye Pa zülo tukutiye küha keu shi ithulu; eno o zülo ghi, O akükau, ni ye aghüzapu kiumu shi püamoe.”

LESHELE 119:104

O zakütsü vecheo ni ye vethakulu ithulue; tighenguno kichile laghi kümtsü I no mithi ke.

LESHELE 101:3

Kiukiumu ameküküha thime pesü I nhethe lo qhimo nani. Khunono ikiqive akeno pano kümla ye I no mithi ke; tino I sünhe luve pemo nani.

LESHELE 36:4

Pa lüpa lo akelo pa ye aküküpna kuchughu cheni; pa ye alaghi kivi kumo lo pa ampi kitimepe acheni; pa ye alhoksa milive chemoe.

LESHELE 121:7

Ampeu no alhoksa jeli kümtsü lono o süsholu nani Pa no o küxü püxü tsü nani.

AMUS 5:14

Alhoksa kumono achipiu phulo, tishi aye nongu ye xülu nani: eno nongu no piche ketoi Ampeu, aqokitikhi Lhou no nongu gholo anani.