LESHELE 96:8 - Sumi Naga CL (Re-edited) Bible (BSI)

⁸ Ampeu sheqhelo Pa je juküvü sheqhelo; akümllagho peighi lo, eno Pa chineki lo ighilo!

BAIBEL (BSI)

⁸ AMPEU akimthe jekipi je sheqhelo akumlagho peighilo eno pa chinekilo ighilo.

LESHELE 96:8 Referans Kwoze

LESHELE 100:4

Shikimthikütsü pesü Paw khagho lo ilolo, Pa chineki bokütha lo shekiqhe pesü ilolo! Shikimthi keu Pa tsülo; Pa je sheqhelo!

Rommi 12:1

Tighenguno athiküzümiqo, Alhouw kimiyekini vecheo I no nongu hakite ani, nongu phimpi pesü aküxüpu kümllagho shi Alhou lau akimthe eno ikhikulupu shi tsülo, hi no nonguw aghungulo kümlla kuchou ke.

MALAKI 1:11

Kughengu khetsünhe ipeghike lono ilo moke kutolo I je ye shiyeqo dolo kije shi nani, eno a-a kümtsü lo tsüngqüi keu kümllagho eno akimthe kümllagho I je lono mlla nani. Kughengu I je ye shiyeqo dolo kije shi nani, aqokitikhi Mpeu no pi.

LESHELE 72:10

Tarshish lo kükami eno azüghimkü lo küxümi no sükusho süqha pa tsü pelo; Sheba eno Seba lo kükami pelo agho peighi pelo!

LESHELE 45:12

Tyremi no agho pesü ighi nani, kinimi no o mlo chuniye phuighi nani.

Piyeküsü 15:4

Khuu no O msa moni eno O jepipi moni kea O Ampeu? Kughengu O likhi no akimthe ke. Shiye kümtsü ighi no O mlla nani, kughengu O chipiu mikucho kümla ye pephe piyevae.”

1 Peter 2:5

aküxüpu tuquqo toi nongu ampi pesü aghungulo chineki shiqhetsü, akimthe chine kümlapu shilupe, eno Jisü Khristo vecheo aghungulo ghakishi pesü Alhou lau ikhikulupu shi mllalu peke.

IBRIMI 13:13

Tighenguno ningu aghazü nguno khalau pa lau wuno pa jukünatha keu pepuni nolo.

FILIPIAMI 4:18

Nongu no I tsüpuwu keu eno tinguno alau ghi ithuluvae. Nongu no Epaphroditus launo agho tsüpuwu keu ithulu ke ni ye lukümkha shivae, ti ye axokütsüngü kümllagho, Alhou lau ikhikulupu eno Pa pulou ghakishi ke.

FILIPIAMI 2:17

Tsala I küxü ji huno atsaizü kümllagho toi nongu küpülü ghakishi kümllagho shou lepuku kepu shive namu, ni ye amloqi nani eno nongu gholo alovi küqha nani.

Rommi 15:16

Alhou tsakiviu kümlapu lo achinemi lakhi shi Jewkumomi lau Khristo Jisü tsapeu shi peniye ke, tishianguno panongu ghi Aghungu Kimthe vecheo shikimtheve no akümllagho toi ikhikulupu shi peniye ke.

LESHELE 111:9

Pa no Paw timiqo lau qhüchilekulu tsüke; Paw puloshoqhi ye alholo ache penike Pa no azah tsüe. Pa je ye akimthe eno akümzapu ke!

LESHELE 29:2

Pa je juküvü qhemi lono Ampeu lau sheqhelo; akimthe juküvü lono Ampeu mllalo.

LESHELE 116:19

ti ye Ampeu ki bokütha lono tishini, O Jerusalem. Ampeu sheqhelo!

EZEKEL 46:3

Nongu yeghi lo timiqo ye Sabbath eno aqhi kithe lo khagho ikulo lo Ampeu zülo pishiqhoni.