LESHELE 95:1 - Sumi Naga CL (Re-edited) Bible (BSI)

¹ O ighilo, ningu Ampeu lau ale pheni; ni xakulu tuqu lau alokivi ghügha ighani nolo!

BAIBEL (BSI)

¹ Ighilo! ningu AMPEU sheqheni! ninguno Alhou lau alokivi launo alepheni, pano nisusholuke!

LESHELE 95:1 Referans Kwoze

1 Kor. 10:4

eno kümtsü no aghungu lo zü yeke. Kughengu panongu no pano pape chekeu ghungu Tuqu lono azü yeke, eno Atuqu tipau ye Khristo ke.

LESHELE 81:1

Ni kumto Lhou lau ighamku ale phelo; Jacob Lhou lau alokivi shi ighalo!

LESHELE 150:6

Aküxü akeu lhoxü kümtsü no Ampeu sheqhelo! Ampeu sheqhelo!

SAMUEL AKINIU 22:47

“Ampeu ye xüani, I tuqu sheqhelo, I xakulu tuqu, I Lhou je süqhelo.

IPEKULU 15:21

Eno Miriam no panoqo lau ishi ale phe: “Ampeu lau ale phelo, Pa no ajekipi shi toluke; Pa no khurshi ngo tipau sakicheu azüghi lo vesüvae.”

Piyeküsü 15:3

Panongu no Alhou qeu Moses ngo Ambeti shikipili le ishi phe, “O kümla ye kije eno akümzapue, O Ampeu Alhou Akughushuu! O laghi ye achipi eno kuchoue, O shiyeqo shou Akükau!

LESHELE 100:1

Ayeghiqha kümtsü no Ampeu lau alokivishi ighalo!

LESHELE 34:3

O! I gholono Ampeu je pikülha lo, eno ningu kümtsa Pa jepipi tsüni nolo!

YEKIKITHI ATUGHIU 16:9

Ale phepe Pa shipili sheqhelo; Paw akümzapu kümla pesü pilo!

Kolosiami 3:16

Khristo tsa pelo nongu lolo kinikülü shi apelo, alokütsü lono shika eno qophe kile, nongu mlo lono Alhou shikimthi ghi leshele, akishe le, eno aghungulo le phelo.

LESHELE 66:8

Ni Lhou sheqhelo, O ashiayeqo, Pa shekiqhe sütsa chilu pelo,

ZAKINIU 32:15

“Ikemu Jeshurun no chhikhoive kelo hebideuve; nongu no atha pubeyi, chhikhoi, eno athinibeive; tileno pa no pa lhokeu Lhou pheve, eno xakulupu Tuqu thogha ke.

Piyeküsü 19:6

Tile I no aqokitikhi sütsa toike lakhi chilu, ti ye azüghi kuloghi ghügha toi eno tsütsüküsü ghügha toi igha pi, “Hallelujah! Kughengu Ampeu ni Lhou Akughushuu huno ayepe anie.

Piyeküsü 5:9

Panongu no ale kithe hitoi phe, “Nono liküküzü kaku ikhilu no michida xükho küzüe, kughengu No ye ghiqhive, eno Nono O ji pesü ashiaye, atsa jeli, timi mqo eno shiye kümtsü xachile sawo Alhou tsü,

Ephesiami 5:19

lakhino lakhi lau leshele, Alhou kishele, aghungulo le phepe ahupite kilelo, nongu mlo kuchopu tsüno Ampeu lau alejo phelo.

MATTHEW 21:9

Jisü züu eno pa thiu aqokitikhi chekeqo no ighamku, “David Nu Sheqhelo! Khuu no Ampeu je lono cheni keno Alhou no pa kümgha tsülo! Kungugha lono Alhou sheqhelo!”

JEREMIYA 33:11

alokivi kighilhe eno amlokiqi, külapuu eno külaliu lokivi sütsa, Ampeu kilo shikimthi kümllagho peighi kelo ale phekeu sütsa chilu nani: “‘Aqokitikhi MPEU lau shikimthi tsülo, kughengu Ampeu ye aloe, Paw iqemokeu kikimiye ye alholo acheni!’ Kughengu I no atüghü lo toi ayeghi kinigha tsüchile nani, ipi Ampeu no pi.

LESHELE 118:1

O shikimthi keu Ampeu tsülo, kughengu Pa ye aloe, kughengu Paw iqemokeu kikimiye ye alholo acheni!

LESHELE 117:1

Shiye kümtsü no Ampeu sheqhelo! Ashiaye kümtsü no Pa sheqhelo!

IPEKULU 15:1

Tithiu Moses ngo Israelmi no Ampeu lau ale ishi phe, “I no Ampeu lau ale pheni, Pa no ajekipi shi toluke; Pa no khurshi ngo tipa sakicheu azüghi lo vesüvae.

LESHELE 107:21

Paw iqemokeu kikimiye eno Paw akümzapu kümla timi nuliqo lau mlakeu ghenguno panoqo pelo Ampeu shikimthi pelo!

LESHELE 107:15

Paw iqemokeu kikimiye eno Paw akümzapu kümla timi nuliqo lau mla keu ghenguno panoqo pelo Ampeu shikimthi pelo!

LESHELE 107:8

Paw iqemokeu kikimiye ghenguno, Paw akümzapu kümla timi nuliqo lau mlakeu ghenguno panoqo pelo Ampeu shikimthi pelo!

LESHELE 101:1

I no iqemokeu kikimiye eno kuchou xakütha le pheni; O Ampeu, O lau I no ale pheni.

LESHELE 89:26

Pa no I lau ighamku pi nani, ‘No ye I pu ke, I Lhou eno I xakulu tuqu ke.’

Piyeküsü 14:3

panongu ye kükalakhü, aküxüküa lhoxü bidi eno layemiqo zülo puthugho no ale kithe pheae. Ayeghi lono xachilelu kemi pano lakh lakhi qhethonhe lhobidi bidi no kumo aye khunomu ale tipau phemlae.

YEKIKITHI AKINIU 20:28

Panongu no aheo, akighi lebo eno afuko ighasü Jerusalem lo Ampeu kilo ighi.

LESHELE 18:47

Pa ye Alhou, I mkhükuluu eno ashiaye pesü I qholo qhitsü keu,