LESHELE 78:8 - Sumi Naga CL (Re-edited) Bible (BSI)

⁸ panongu ye pano puasüqo toi kuthovi eno hekibide tiqheli shimo nani, ni puasüqo tiqheli ye iqemokeu mlo xapusü Alhou pükhükulupu shimove.

BAIBEL (BSI)

⁸ Panongu pelo nipuasuqo toi hekibide, eno agholumokemi shipe moniyeke, nipuasuno Alhou pukhukeuye mutotoi moke, eno pa lau iqemokeu mikucho shimoke.

LESHELE 78:8 Referans Kwoze

LESHELE 78:37

Panongu mlo ye Pa lau akumto shimoe; panongu ye Paw puloshoqhi lo pükhükulu shimove.

IPEKULU 32:9

Eno Ampeu no Moses vilo pi, “I no timi hipaqo ithuluvae, julo, panongu ye kuthovi kemie.

EZEKEL 20:18

“Asayeqha lono I no panoqo tianuli vilo pi, Nongu puasüqo yezah lo cheche kevilo, panow pimheye pape kevilo, momu pano sü-atu julho vecheo nongu shikitiqe kevilo.

KUKAMI AKINIU 17:14

Ikemu panongu no ini tsümo eno pano puasüqo no Ampeu pano Lhou pülübemo ketoi, panongu no kuthovi ke.

ZAKINIU 31:27

Kughengu panongu ye kishi kuthovi eno hekibidemi keno, I no ithi ani. I no xüaphi lo thotsü nongu ye Ampeu hebide chenike I no thive kethiu ye kishita hebide nani kelae!

Apostolmi 7:51

“Nongu kuthovi keqo, amlo eno akini kilimo kemi, no puasüqo toi nongu ye alhokuthu Aghungu Kimthe mjochile cheni.

EZEKEL 20:8

Ikemu panongu no I lachile ghi hebide eno I tsa chiluni keu pulo move. Panongu khumu pano nhethi ghapiqilu chekeu aphikümqhüpu jeli pevemoe, momu Egypt süatu julhoqo phevemoe. “Tileno I no pi, Ni ye I loghu panoqo shou lepukuni eno Egypt yeghi lono I mlokighide panoqo shou pukuni.

YEKIKITHI AKINIU 30:7

Nongu ye no puasü eno no thiküzümi no Ampeu Alhou lau amikucho shimove ketoi kevilo, kughengu nongu no ithulu anike Pa no panongu pighive ke.

ZAKINIU 9:24

I no nongu ithi ke tsalani no ishi kutolo nongu ye Ampeu hebide acheni.

ZAKINIU 9:13

“Ampeu no tinguno alau I vilo pi, ‘I no timi hipaqo ithuluvae, julo panongu ye kuthovi kemie.

IPEKULU 33:5

Kughengu Ampeu no Moses vilo pike, “Israelmi vilo pilo, ‘Nongu ye kuthovi kemie; tsala atüqhüdo lakhimu I no nongu gholo iqho kepushi aye, Ni ye nongu pühave nani. Ikehu itehi achi nanuqo xaqhive lo, tishino I no nongu lau kiu shikepu keno shini.’”

IPEKULU 33:3

Akichhizü ngo akhingozü qowu akeu yeghi lo iqholo; ikemu Ni ye nongu gholo iqhomo nani, tikumo aye alaghi lono I no nongu pühave nosae, kughengu nongu ye kuthovi kemike.”

Apostolmi 11:23

Kughou pa no ighi no Alhouw küpükini ithulu keno, pa mloqive eno panongu vilo itha mono Ampeu ghokulu shilopi pa no kümtsü shikumto,

ISAIAH 30:9

Kughengu panongu ye Ampeu kükütsütsa ininishi chemo kemi, hekibidemi eno kimkimi;

LESHELE 106:7

Kughou ningu puasüqo no Egypt lo ache keno, panongu ye Ow akümzapu kümlaqo kihiju moe; panongu ye Ow iqemokeu kikimiye kupukuno shi akeu kümsülu move, ikemu azüghi, Akuhu Züghi lo cheche kelo panongu no hebideve.

LESHELE 68:6

Alhou no thilimi pelo akibo lo xülupe; Pa no akughumi sasü kinikülü lalo saipeghi, ikemu hekibidemi ye qhaike yeghi lo küghüna peke.

JOB 11:13

“Nono o mlo kutope aghi aye, no ye Alhou lau o u chhopuwo nani.

YEKIKITHI AKINIU 30:19

pa no akimthea khuaye kiqi lono mithe move namu, pa no amlo tsüno Ampeu Alhou, pa puasüqo Lhou phu aye, Ampeu no akipimi qhitsü peniu.”

YEKIKITHI AKINIU 20:33

Ikemu qhemghaike-a ye ikhimoe; timiqo ye tikutolo pano puasü Lhou lau pano mlo tsümoe.

YEKIKITHI AKINIU 19:3

Tishimu o lolo akivi hami phulue, ti ye nono Asherah julho aghakhu lono ikhive tsüno o mlo tsüqhiyi Alhou phuke.”

YEKIKITHI AKINIU 12:14

Rehoboam no alhoksa mlae, kughengu pa ye Ampeu phu keu lo pa mlo tsümoe.

ZAKINIU 4:4

Ikemu nongu khunoqo Ampeu no Lhou lau amikucho shikeno, ishi tsala kutolo xü anie.

IPEKULU 34:9

Pa no pi, “Itehi O nhethe lo I kimiyeqhiyi ithulu aghi aye, O Ampeu, kimiyeno Ampeu no ningu gholo wu tsülo, kughengu hipaqo ye kuthovi kemie, ningu hekibide eno axine qhitsülo, eno O mheghi shi ningu ikhilu tsülo.”

JOSHUA 22:15

Panongu no Gilead yeghi lo Reubenmi, Gadmi eno Manasseh shiaye tüxa lau ighi no pi,

SAMUEL ATUGHIU 8:8

Egypt lono I no panoqo saipeghi ke tsala lono ishi kutolo panongu no I qhive no inami lhouqo qe ighive ketoi panoqo ye o lau ghi tishi ani.

LESHELE 78:40

Panongu ye yenguyike-a lo ghuthu khije Pa hebide eno asayeli lo Pa mlo ghujuve tsü kela!

LESHELE 78:56

Ikeghi panongu no Shishe Akiqheu Lhou hebide eno Pa peju no Pa yezah papemoe,