LESHELE 78:7 - Sumi Naga CL (Re-edited) Bible (BSI)

⁷ Tileno panongu no panow pükhükibe Alhou lau qhilu nani Alhou kümla kümsüma monani, eno Pa zakütsüqo papelu nani;

BAIBEL (BSI)

⁷ Hipa ghola lono shianguno athiu tiqhelimi pelo Alhou pukhu, eno pano kiu mlavea keno kumsu mavemo puzu alhokuthu pano ahza tsukeu pelupe niyeke.

LESHELE 78:7 Referans Kwoze

ZAKINIU 5:29

O panongu no I sümsa eno I zakütsü papeni ke pülhapuju hitoi keu mlo aghike aye, panongu eno pano kughukomi ghenguno akivipu shiniche!

Piyeküsü 14:12

Hi ye küpülümi khunono Alhou zakütsü pelu no Jisü lau aküpülü acheni keno tipaqo pelo kutuokutuu peniye kukeu ke.

1 John 5:3

Kughengu Alhou kikimiye ye ningu no Pa zakütsüqo pelu keu lono ke. Eno Pa zakütsüqo ye puqhe kümlapu kumoe.

ZAKINIU 4:9

“Kutokughoi lo, eno müamzü nongu küxü jukuto lo, tikumo aye nongu nhethi no ithuluve keqo kümsümave nosa, eno no küxü tivilo nongu mlo lono hauve nosake. Tipaqo ye no tianuli eno atilimi pelo ithi pelo.

LESHELE 103:2

Ampeu sheqhelo, O I ngulho, eno Paw kükümghaqo kümsüma kevilo.

LESHELE 91:14

“Kughengu pa no kikimiye kumto lono I tsüqüpe ngoke, I no pa xalu nani; I no pa süsho nani, kughengu pa ye I je ithi ani.

LESHELE 40:4

Khuu no Ampeu pükhü cheni pishikiqhi laghi lo wuvemo, aqheküzami lau idewo moni keno pano ye akümghapue.

ZAKINIU 8:11

“Ampeu nongu Lhou zakütsü eno pimheye ngo akhuaye khikhi I no ishi tsala lo nongu tsüani keno, kümtsü pape mono Pa kümsümave nosake kutokupui lo.

ZAKINIU 8:2

Nongu pelo kuchunilu peniye, nongu mlo lo kiu ani eno nongu ye Pa zakütsüqo pelu nani kemo keno peju nike hi ampe lhobidi Ampeu nongu Lhou no nongu sasü asayeqha lo ighikeu kümsülu lo.

1 Peter 1:21

Pa vecheo nongu no Alhou Khuu akithi lono Khristo xüputhupe ajekipi Pa tsü keno, Pa lau pülübe cheni, tishianguno nongu küpülü eno lajupu ye Alhou lau apeniye ke.

1 Kor. 11:24

eno kughou Alhou shikimthi tsü keno Pa no ti süpho eno pi, “Hi ye I phimpi, nongu ghenguno tsüve keu ke. I kümsüchilelu ghi hi shichelo.”

LESHELE 146:5

Khunono Jacob Lhou launo akukuphu lucheni keno, khunow lajupu no Ampeu Alhou lau ani keno alokivipue,

LESHELE 105:5

Akichiqhipu kümla Pa no mla keqo, Paw akümzapu eno Pa no piqhikeu küghaküthaqo kümsülu lo.

LESHELE 62:5

O I ngulho, iqüghai Alhou likhi ngokhe lo, kughengu I küpkhü ye Pa lau ani.

ZAKINIU 6:12

nongu ye Ampeu khuu Egypt lo aqüaxe lono nongu saipeghi keno, Pa kümsümave nosake tsükhüi lo.

ZAKINIU 6:21

nongu nuli vilo pilo, ‘Ningu ye Egypt lo Pharaoh qüaxemi shi ache kelo Ampeu no Pa küka kumto lono ningu xaphelue.

ZAKINIU 6:25

Ampeu ni Lhou no azah tsükeu kümtsü ningu no tsaqüi Pa zülo pelu aye, ningu ghenguno tino achipiu shinani.’

LESHELE 105:45

tishianguno panongu pelo Pa zakütsüqo qhilu eno Pa yezah pape peniye ke. Ampeu sheqhelo!