LESHELE 78:23 - Sumi Naga CL (Re-edited) Bible (BSI)

²³ Ikemu Alhou no kunguu atsütsü azah tsü eno atsütsü hukikha khaqhive tsüe,

BAIBEL (BSI)

²³ Ikemu Alhou no kunguu atsutsu vilo pi eno tipau hukikha khaqhilopi ahza tsuke;

LESHELE 78:23 Referans Kwoze

BOTHUBO 7:11

Noah küxü mpe 600, aqhi akiniu, atsala chighiakütsüniu, tipani no akuthoku aghiu lono azüpuki kümtsü vephe ipeghi, eno atsütsü lasheqo kümtsü khaqhive.

MALAKI 3:10

Chighi saje kümtsü Iw pekükütsüki lo süghilo, tishianguno I ki lo achuqupu apenie. Tithiuno I no nongu ghenguno atsütsü lashe khaqhi tsüno nongu no lukümkha shimoke kutolo kükümgha lepiqi tsü nani mala I pejulo, aqokitikhi Mpeu no pi.

ISAIAH 5:6

I no tipau pesü asüligha shiveni; ti ye kixiphemo momu hokide moae ikemu aghüsahu ngo alupi no itsüve peni; I no khüngküsü ghi azah tsüno tile ghuqhi pemoni.

LESHELE 33:9

Kughengu Pa no atsa pi kelo shikupuve; pa no azah tsükelo ti ye akumtoshi puthughove.

KUKAMI AKINIU 7:19

Kepten huno Alhou timi khochile ke, “Alhou ampi no kungugha lono alashe mlani ke kumo aye, hi ye shilu nani keshea?” Eno pa no ishi pipüae, “Nono o nhethi no ti ithulu nani, ikemu no ye ti chulumo nani.”

KUKAMI AKINIU 7:2

Tile Kepten khuu bighi lo akükau no mungupe akeno, pa no Alhou timi vilo pi, “Alhou ampi no kungugha lo alasheqo mlani ke kumo aye, hi ye shilu nani keshea?” Ikemu pa no pi, “Nono o nhethi no ti ithulu nani, ikemu no ye ti chulumo nani.”