LESHELE 77:18 - Sumi Naga CL (Re-edited) Bible (BSI)

¹⁸ Ow tsütsüküsü no fukichighi mülhü lo ae; Ow tsütsüpha kukulo no ayeghiqha yepüvüe; ayeghiqha no khokhoshi ithae.

BAIBEL (BSI)

¹⁸ Owu tsutsukusu vepho iqighikeu hu kulusawuve, eno tsutsupha kukulono ayeghiqha yepuvuke; ayeghino khokhoshi ithake.

LESHELE 77:18 Referans Kwoze

LESHELE 97:4

Paw tsütsü kukulo no ayeghiqha yepüvü; ayeghiqha no ti ithulue eno khokho shive.

Piyeküsü 11:19

Tileno kungugha lo Alhou chineki khaqhi eno tilehi Paw Puloshoqhi bohu akeu ithulu. Ikelo tsütsüküsü küvü no phaphashi, vekipighi igha, ayeghi no ilüuve no mürasü kuloghi ghuqhi thuve.

SAMUEL AKINIU 22:14

Ampeu no atsütsü lono tsütsüsü, Shishe Akughushuu no sheshue.

Piyeküsü 20:11

Itaghi I no kükalakhü metsüghoike kije lakhi eno tipau lo Khuu iqa akeno ithulu. Atsütsü eno ayeghi ye Pa küa lono hauve no ithumlave.

Piyeküsü 18:1

Tithiu I no kungumi kütau lakhi kungugha lono iqi cheghi keu ithulu, pa ye kükagha kije akemi eno pa küvü no ayeghi kuchopu yepüvüve.

MATTHEW 28:2

Tile ayeghi küghütha kije ighi, kughengu kungugha lono Ampeuw kungumi iqighi no atulupha tukulove no tipau shou iqave.

MATTHEW 27:51

Eno julo, achineki lo kokütha tozü shi nhaqhiphi achekeu ye akütsüqa lono abophi kutolo ala kini shi ixü kütüta shive. Tishino ayeghi itha thuve eno atuquqo no ipo kütüta shive.

HABAKUK 3:4

Pa küvü ye akulu toi; Pa u lono kulophe; eno Pa no Pa küka tile küzüpe qhie.

LESHELE 104:7

Nono sakiyi kelo tipaqo no pove cheni; Ow tsütsüküsü ghügha lono panongu no kuhave cheni.

LESHELE 18:7

Tile ayeghi no khokhoshi eno itha thuve; naghuto boqha ghi süküghütha eno ithauve, kughengu Pa no axuideve ke.

SAMUEL AKINIU 22:8

“Tile ayeghi no thüthüshi itha; atsütsü boqha no khokho shiuve, kughengu Pa ye amloideve ke.

XAKUTHAMI 5:4

“Ampeu, kughou Nono Seir qhive keno, kughou Nono Edom ghakhu lono chewuve keno, ayeghi no itha eno atsütsü lono tsütsüghu iqighi, iyei, khüngküsü no azü leqhie.

IPEKULU 19:18

Sinai Naghuto ye amchhi no küzüpho luve kughengu Ampeu no ami lono tipau shou ikughive ke. Tipau michhi no amiphokilo michhi toi phoiku, eno naghuto kupuju no shishe ithae.

IPEKULU 19:16

Atsala aküthüni inaqhe tilehi tsütsüküsü ngo tsütsüpha ighi eno khüngküsü kutho no naghuto lo ikughive eno afuko ghügha ighono kije küigha, ikehu aghazü lo timi akeqo kümtsü no khokho shive.

LESHELE 18:14

Pa no Pa piji kapuwu no panoqo hapupove; Pa no tsütsüpha kulo no panoqo haleve.

LESHELE 18:15

O Ampeu, Nono alomipi kelo, O nigipe lono atuthu shephe kelo, azüghi qowu akeqo ithulu, eno ayeghi boqha vezaleive.