LESHELE 74:21 - Sumi Naga CL (Re-edited) Bible (BSI)

²¹ Nedaqoda pesü akeqo pelo akukujo lo idewope kevilo; athokhami eno aveküsami pelo O je sheqhe pelo.

BAIBEL (BSI)

²¹ Nedaqoda pesu akeqo shikukujo vepe kevilo; kumlhomi eno aquaghami pelo osheqhe pelo.

LESHELE 74:21 Referans Kwoze

LESHELE 12:5

“Kumlhomi pükaqhi, aveküsami no aghuju shi kehu, Ni ye itehi ithughi niae,” ipi Ampeu no pi; “Pa no khile sükusho laju cheni keno I no tile pa sawo qhini.”

LESHELE 103:6

Ampeu ye aghime lo akemi kümtsü ghenguno achipiu mikucho eno kuchou xakütha shi cheni.

LESHELE 35:10

I ghi kümtsü no pi nani, “O Ampeu, O toi khuu no kumlhomi eno aveküsami pükaqhi chekemi, pano nguno akumtomi launo panoqo xaphe cheni kea?”

LESHELE 9:18

Kughengu athokhami ye alhokuthu kümsümave monani, eno kumlhomiw lajupu ye alhokupuju pühave monani.

EZRA 3:11

Eno panongu no küpape ghi ale phe, sheqhe eno shikimthi keu pesü Ampeu tsü, “Kughengu Pa ye aloe, kughengu Paw iqemokeu kikimiye ye pülhapuju Israel lau acheni.” Kughou panongu no Ampeu kilo aboqha qhaluve kehu Ampeu sheqhe keno, timi kümtsü no asütsa kuloghi lono ighae.

JEREMIYA 33:11

alokivi kighilhe eno amlokiqi, külapuu eno külaliu lokivi sütsa, Ampeu kilo shikimthi kümllagho peighi kelo ale phekeu sütsa chilu nani: “‘Aqokitikhi MPEU lau shikimthi tsülo, kughengu Ampeu ye aloe, Paw iqemokeu kikimiye ye alholo acheni!’ Kughengu I no atüghü lo toi ayeghi kinigha tsüchile nani, ipi Ampeu no pi.

ISAIAH 45:17

Ikemu Israel ye Ampeu no shekhaha xakulu pesü xalue; nongu ye lhokta kutolo khilemu kujo mzave pemo nani.

LESHELE 109:22

Kughengu ni ye kumlhomi eno akukuphu avehupu shi akemi, I mlo ye alouno izapusü ani.