LESHELE 7:3 - Sumi Naga CL (Re-edited) Bible (BSI)

³ O Ampeu I Lhou, tsala I no hipau shive aghi, tsala I u lo akumou aghi aye,

BAIBEL (BSI)

³ O AMPEU iLhou, ino timi kutami lau pimi puaghi,

LESHELE 7:3 Referans Kwoze

LESHELE 59:3

Kughengu julo, panongu ye I küxü miqe ani; mkamihi kemi no I shou aküküpna xukutho ani. O Ampeu, I kipimi momu axine kiumu küha keghi,

SAMUEL ATUGHIU 24:11

Julo, I pu, ow chijeboike phishe I u lo ani. I no mtsüqhei o phishe gholuve tsüno o heqhi move keu ye I lolo akipimi momu pishikiqhi kühae pi o pelo ithi eno ithulu peniye ke. Nono I küxü luve tsüniye phucheni kemu ni ye o lau axine shi püamoe.

JOSHUA 22:22

“Akughushu Lhou Ampeu! Akughushu Lhou Ampeu! Pa no ithi ani eno Israelmi ampi no ithilo. Tsala hino hekibide momu Ampeu shou aküpülü hephove aghi aye, ningu kipimi qhitsü kevi,

LESHELE 66:18

Tsala I no amlo lo axine qhipüaghi keaye, Ampeu ye initsü moni cheke.

JOB 11:14

O u lo axine dapusü aghi aye kushuo lo pevelo, küsakügha ye o kibo lo ape kevilo.

SAMUEL ATUGHIU 24:9

Eno Saul vilo pi, “Kushiye o vilo, ‘Julo, David ye o ghüza niye phucheni,’ ipikeu tsa ini cheni kea?

SAMUEL ATUGHIU 22:13

Saul no pa vilo pi, “Kushiye no eno David ye I shou küsüqe ani kea? Nono asho ngo azütakikihi pesü pa tsüno Alhou lau pa vehu ighiju tsü kehu ishi pa ye I hebide ithughi no I miqe ngokhe ani.”

SAMUEL ATUGHIU 20:8

Tighenguno, o qeu kimiyeqhiyi tsülo, kughengu nono o qeu sasü Ampeuw puloshoqhi shivae. Ikemu tsala I no pimi aghi aye, nou no I heqhive lo, kughengu kushiye I küghape o pu tsüveni kea?”

SAMUEL ATUGHIU 22:8

Eno tighenguno nongu kümtsü no I shou küsüqe ani keshea? Kughou I nu no David sasü puloshoqhi shikeno nongu khumu I vilo pimoe. Khunomu I ghenguno amlo samo, momu ishi tsala lo toi, I nu no I qeu xukutho no I mjochile no I miqe ngokhe akeu I vilo pimoe.”

LESHELE 22:12

Amshitsü kutomo no I sühope ani; Bashan mishitsü kumto no I vehope ani;

LESHELE 22:20

Azütakikihi lono I ngulho xaphe tsülo, atsü kumto launo I küxü mekusho xaphe tsülo!