LESHELE 69:17 - Sumi Naga CL (Re-edited) Bible (BSI)

¹⁷ O qeu launo O gi küsü kevilo; kughengu ni ye aghime küsa lo ani; mtazü I khochile lo.

BAIBEL (BSI)

¹⁷ Oqeu launo ogi kusuluve kevilo; niye shishe shilusa ani, itehino ikhochile tsulo!

LESHELE 69:17 Referans Kwoze

LESHELE 27:9

I launo O gi küsüve kevilo. O No khuu I kuphu ighive akeno aloghu lono O qeu hachile puwove tsü kevilo. O I xakulu Lhou, I haphe kevilo; I pheve tsü kevilo.

LESHELE 102:2

I ghime kitikhi tsala lo I launo O gi küsüve kevilo! O kini I lau kughopuwo tsülo I no O kuke tsala lo mtazü I khochile tsülo!

MATTHEW 27:46

Avelau ayi küthü qhau Jisü no aghügha kuloghi shi igha, “Eli, Eli, lema sabachthani?” ti ye, “I Lhou, I Lhou, No ye kushiye I pheve ani kea?”

LESHELE 70:1

O Alhou, mtazü I xalulo! O Ampeu, I kuphu kepushi mighi lo!

LESHELE 143:9

I ghümi launo I xalulo, O Ampeu! Sükusho ghenguno I no O lau poighivae.

LESHELE 66:14

ti ye I no aveküsa shi akelono I mütsü lono pikeu eno I kichi no piqhikeu ke.

LESHELE 44:24

Kushiye No ye O gi küsüpe ani kea? Kushiye No ye ni ghime eno ni qoqhikeu kümsümave ani kea?

LESHELE 40:13

O Ampeu, kimiyekütü tsüno I xalulo! O Ampeu, mtazü I kuphu tsülo!

LESHELE 13:1

O Ampeu, ado khitohi No ye I kümsümaveni kea? No ye ado khitohi I launo O gi küsüveni kea?

JOB 7:21

No ye kushiye I kutokumo eno I kipimi qhive tsümla kea? Kughengu itehi ni ye ayeghi lo züuve niae, nono I phuche namu ni ye aghi moae.

MATTHEW 26:38

Pano küthü vilo pa no pi, “Ni ye thiveni keshi ighono amlo iju ani; hile ngolo eno I gholono khekuto lo.”

LESHELE 143:7

Mtazü I khochile tsülo, O Ampeu! I ghungu ye lhovae! I launo O gi küsüve kevilo, tikumo aye ni ye aqo lo iqive kemi toive niae.

LESHELE 22:24

Kughengu Pa ye aghime lo akemi ghime jukünatha momu jupe aphimqhüve chemoe, pa lau no Pa gi küsüve chemoe, ikemu pa no ighamku khu kelo chilu tsüe.

AKUMLO 3:22

AMPEUw iqemokeu kikimiye ye khilemu tave chemoe; Paw küpükini ye khilemu kishekhave chemoe;