LESHELE 69:16 - Sumi Naga CL (Re-edited) Bible (BSI)

¹⁶ I khochile lo, O Ampeu, kughengu Ow iqemokeu kikimiye ye aloe; Ow kupukuno kimiyeqhiyi keu kiqi lono I lau igho ighilo.

BAIBEL (BSI)

¹⁶ Ikhochilelo, O AMPEU, kughengu owu iqemokeu kikimiye ye aloke; nono qhuivulai keu kiqi lono ilau tsughu ighilo!

LESHELE 69:16 Referans Kwoze

LESHELE 109:21

Ikemu O Ampeu I Lhou, O je ghenguno Nono I züqhulo mla tsüke; kughengu Ow iqemokeu kikimiye ye aloke, I xalulo!

LESHELE 25:16

I lau tsüghü ighilo eno I lau küpüqhiyi tsülo, kughengu ni ye I likhivae eno aghime shi ani.

LESHELE 63:3

Ow iqemokeu kikimiye ye aküxü nguno akiviu kehu, I kichi no O sheqhe nani.

MICAH 7:19

Pa ye itaghi ningu lau küpüqhiyi keu anani; Pa no ni xine nedave tsü nani. Nono ni xine kümtsü azüghi kutho lo vesüve tsü nani.

LESHELE 106:45

Panoqo ghenguno Pa no Paw puloshoqhi kümsüchilelu, eno Paw iqemokeu kikimiye kupukuno akeu vecheo Pa no aghime tsüni keu lono süchileve.

LESHELE 69:13

Ikemu ni ye O lau I kighini peighi ani, O Ampeu. O Alhou, ikhikulupu dokivi lono Ow iqemokeu kikimiye eno thebei xakulupu akeu lono I khochile tsülo.

LESHELE 51:1

O Alhou, Ow iqemokeu kikimiye vecheo I kimiyekütü tsülo; Ow kikimiye kupukuno shi akeu vecheo I hekibideqo nuxave tsülo.

LESHELE 26:11

Ikemu I ghengu ye, ni ye I kikhi lono cheche nani; I qhüchile tsülo, eno I lau küpüqhiyi tsülo.

ISAIAH 63:7

Ampeuw iqemokeu kikimiye I no kümsüchile nani; Ampeu shekiqhe, Ampeu no ningu tsükeu kiqi lono, eno Israel lo shishe akivi tsükeu ghenguno, ti ye Pa no Paw kimiyeqhiyi keu eno iqemokeu kikimiye kupukuno shi akeu kiqi lonoke.

LESHELE 36:7

O Alhou, Ow iqemokeu kikimiye ye kishi akughupu kela! Timi jeli no O chishibo qholo ijelue.

LESHELE 18:5

Kithigha kighi no I meluvae; akithi lichhe no I sasü küpüghü ani.