LESHELE 68:13 - Sumi Naga CL (Re-edited) Bible (BSI)

¹³ Apumiqo no ambeloji dolo ikiqi ihozü anamu, miqhedu chishibo ghükayi no küzüpe akeshi, eno pa mhi no ameshoyi akiviu no küzüpe aketoi ke.

BAIBEL (BSI)

¹³ Nono bheri lojilo ihozuvemu noye tsandi yino amiqhi chishibo kuzupe akeshi, eno pa mhino shunayi phuphuyi keuno kuzupe aketoi ke.

LESHELE 68:13 Referans Kwoze

LESHELE 105:37

Tithiu Pa no Israelmi saipeghi no ghükayi eno ameshoyi xapu wuvepe eno Pa shiayeqo dolo ashiaji khokhoshi kemi khumu kühae.

BOTHUBO 49:14

“Issachar ye khurha kumtoe, ambeloji dolo ipu-itsa nani.

Titus 3:3

Kughengu ghuthu lakhi lo ningu ampi ghi mbomzü, aghelumo kemi, pishikiqhimi, eno ashiaji lo kimne jeli qemi shiche, eno timi kiphikumo, anhekushu lono kütami kimthipu eno lakhi no lakhi mithi keu lono ningu do puwovae.

Luke 15:22

Ikemu apu no pa qemiqo vilo pi, ‘Mtazü aphimini akiviu süghi no pa pipelo, pa u lo anguthi sütsü lo, eno pa pukhu lo apukhuqho süpipe lo.

Luke 15:16

Tilau pa ye awoqo no chuche keu axa kolamu chunishi kütü lajuche namu khunomu kiumu pe pa tsümoe.

LESHELE 149:4

Kughengu Ampeu no Paw timi lau azüküvü acheni; Pa no xakulu pesü aqhokighemi nanu shitsü cheni.

LESHELE 81:6

“Nongu bighi lono I no amakho ikhive tsüe; ashoghi kipe lono nongu u kümthü tsüke.

LESHELE 74:19

Ow timi ivünhei kemi pesü tüghashi tsüve kevilo; Ow timi athokhami alholo kümsümave tsü kevilo.

XAKUTHAMI 5:16

Nongu ye aloji kukeu sütsa khe ghi ighowo ngove kea? Reuben lagha loye, amlo kütha mlave.

IPEKULU 1:14

aghani ngo pititu kümla, eno aluza lo akümla jeli kümtsü aghimeshi mlakeu vecheo panoqo küxü kukhukimji shitsü. Akümla kümtsü lo panoqo pelo aqüaxemi toi mlape ke.

1 Kor. 12:2

Nongu no ithi anike kughou nongu no Alhou mthano ache keno kiukiu gholau nomu nongu sasü atsa pikümla julho lau wuve cheke.

AKIKIHI 31:27

eno tipaqo pesü amqo kini shi kijelo, lakhino aghüshi lo wu kemi eno lakhino aqoaho kümtsü saje.

JOSHUA 10:16

Amorimi kükami pano pungu ye pojosü Makkedah tuki lo itshü luve.

XAKUTHAMI 5:19

“Kükami no ighi kelo panongu no sasü aghüshi; Megiddo ghoki lo Taanach lono Canaan kükami sasü aghüshi; panongu no ghükayi lutsümoe.

KUKAMI AKINIU 7:16

Tithiu timiqo no ipeghi no Syriami ghazü kümtsü lheluve. Ampeu no pike toi ashomkhu akiviu ahu küthü lo ghükayi lakhi eno ashothi ahu tsügho lo ghükayi lakhi no je.

ISAIAH 33:23

Nongu kighi ye ichonhei ani; tino ashuka tsükucho mtotoi mlano fusawu kepu phi xakholu amoe. Tishino hakhokulu thimeqo pofushi kije no kulhokughomi ghi pano saje ithulu nani.