LESHELE 67:4 - Sumi Naga CL (Re-edited) Bible (BSI)

⁴ Shiye kümtsü no alovi eno alokiqi shi ale phe pelo, kughengu Nono ashiayeqo aqhemi shi xakütha tsü cheni eno ayeghi lo shiyeqo la kichetsü cheni.

BAIBEL (BSI)

⁴ Ashiayeh kutami pelo alokivishi eno alovi kelauno alephe pelo, kughengu nono achipiu xakutha pesu timiqo shou kughathake, eno ayeghilo ashiayeh kumtsu sapiyeke!

LESHELE 67:4 Referans Kwoze

LESHELE 98:9

Ampeu zülo ale phepe lo, kughengu Pa ye ayeghiqha shou küghathabe nike ighi ani. Pa no achipiu mikucho pesü ayeghiqha shou eno aghibiu lono timiqo shou küghatha nani.

LESHELE 9:8

Pa no achipiu mikucho pesü ayeghiqha küghatha cheni; Pa no müzüchoi timiqo shou küghatha cheni.

LESHELE 82:6

I no pi, “Nongu ye alhouqo, nongu kümtsü Shishe Akiqheu nuliqoke;

Rommi 2:5

Ikemu o mlo kümka eno kuthovi keu lono no ye aloghu tsala ghenguno, ti ye kughou Alhouw achipiu küghakütha pepheni keno, o sala aloghu pekike ayae.

ISAIAH 55:4

Julo, I no pa pelo ashiayeqo shou thopiu, eno sakipheu eno zatsüu shipeke.

LESHELE 96:10

Shiyeqo vilo pilo, “Ampeu no ayepe ani! Iyei, ayeghiqha ye mtotoi ani eno khilemu ithavemo nani; Pa no achipiu xakütha pesü timiqo shou küghatha nani.”

LESHELE 2:8

I vilo khulo, eno I no shiyeqo pesü o mheghi shitsüni, ayeghi shekichi pesü o mheghi shitsüni.

ZAKINIU 32:43

“O kungugha, Paw timi gholo alovilo; alhou kümtsü no Pa zülo pishiqho lo, kughengu Pa nuliqo jih peleve keu Pa no amkhü lutsü eno Pa ghümi shou amkhülue. Pa no Pa mithi kemi lochile no Paw timi yeghi shikimthe tsü.”

BOTHUBO 18:25

Tikithipu shi amikuchomi pesü küsaküghami gholono pithiveni keu ye O launo putosüve lo, tishive aye amikuchomi ye küsaküghami paphi shivae! Ti ye O launo putosüve lo! Ayeghi kümtsü shou Xaküthau ye achipiu shimoni keshea?”

Galatiami 4:27

Kughengu shi yepüani: “Alovilo, anuhau anu iqomo keu; ilhethu ighamkulo, no apunu küsü süju mphi keu! Kughengu no jumuve keu totimi huno akimi akeu nipu nguno alau atianuli ananie.”

Apostolmi 17:31

kughengu Pa no timi lakhi kishe püakeu vecheo amikucho lono ayeghiqha shou küghathabe nike atsala kihithavae; eno hi ye shinani pütsae pikeu shi Pa no timi hu akithi lono xüputhue.”

ISAIAH 54:1

“O, anga punumo keu, anuhau, ale phelo, no khuu apunu küsü süju mphi keno, alokivishi ighamku ale phelo! Kughengu anuhau totimi tianuli no külauve keu totimi tianuli nguno alau shive nani,” Ampeu no piani.

ISAIAH 60:6

Sayeshi loji kitikhi no nongu küzüluve nani, Midian ngo Ephah lo sayeshi tiqo, eno Sheba lono ighikha nani. Tipaqo lono ameshoyi ngo tsüngqüikeu ta xapu ighi nani, eno Ampeu shekiqhe, alokivi sütsa süghi nani.