LESHELE 66:4 - Sumi Naga CL (Re-edited) Bible (BSI)

⁴ Ayeghiqha kümtsü no O mlla eno O lau shekiqhe le phe; panongu no O je shipili ke.”

BAIBEL (BSI)

⁴ Ayeghilo akemi kumtsuno omllake; panonguno osheqhe alepheke, panonguno osheqhe oje shipilike.”

LESHELE 66:4 Referans Kwoze

LESHELE 22:27

Ashiaye kümtsü no kümsülu eno Ampeu lau xaidelo, shiye jeli kümtsü no O zülono O mlla nani.

LESHELE 117:1

Shiye kümtsü no Ampeu sheqhelo! Ashiaye kümtsü no Pa sheqhelo!

Piyeküsü 15:4

Khuu no O msa moni eno O jepipi moni kea O Ampeu? Kughengu O likhi no akimthe ke. Shiye kümtsü ighi no O mlla nani, kughengu O chipiu mikucho kümla ye pephe piyevae.”

MALAKI 1:11

Kughengu khetsünhe ipeghike lono ilo moke kutolo I je ye shiyeqo dolo kije shi nani, eno a-a kümtsü lo tsüngqüi keu kümllagho eno akimthe kümllagho I je lono mlla nani. Kughengu I je ye shiyeqo dolo kije shi nani, aqokitikhi Mpeu no pi.

DANIEL 7:14

Ayekipeqha, ajuküvü, eno kükaqha pesü Pa tsüve, tishino ashiaye, shiye eno atsa jeli kümtsü no Pa huthu nani; Pa yekipeqha ye alholo achekeu, ti ye kühave monani, eno Pa kükaqha ye kütsave monani.

ISAIAH 11:9

Iw akimthe toghi lo ghüzaghügha momu kütsakungo keu shimo nani; kughengu azü no azüghi nhape akeshi Ampeu kighithi no ayeghi chhitoi nani.

LESHELE 65:5

O ni xakulu Lhou; ayeghi eno azüghi kümtsüw lajupu, Nono akighiche kümla vecheo amikucho pesü ni khochile ke;