LESHELE 62:3 - Sumi Naga CL (Re-edited) Bible (BSI)

³ Nongu ye khitohi ilaqive niye nanashi akeu ghutu sükini akeshi timi lakhi qoqhini kea?

BAIBEL (BSI)

³ Nonguye ado khitotohi timi lakhi qoqhi acheni kya? Timi tipauye ilaiqiveniye akeu liwo eno nanaivekeu ghutu kuputu lakhi toive keghi!

LESHELE 62:3 Referans Kwoze

JEREMIYA 4:14

O Jerusalem, o xalu pekepu shi o mlo lono alhoksa qhuvelo. Khitohi o lolo kixikila kükümsü pekütsü püani kea?

LESHELE 140:2

pano mlo lo kixikila kuchughu eno aghü shinike tamo mithe xukutho cheni.

LESHELE 82:2

“Ado khitohi nongu ye amikucho kumoshi küghatha eno kixikilami lau agikuju piye nani kea?

AHOLE 1:22

“Itikütüpa chekeqo! Nongu ye khitohi itikütüpa anania? Alokütsü junu chekemi ye khitohi küthakügha tsapi lo alovi eno mbomzümi ye khitohi alokütsü jumithi anani kea?

LESHELE 38:12

I küxü phuche kemi no alichhe thepe qhitsüe; I ghüza niye phuche kemi no kütsakungo tsa picheni eno atsala kupuju pishiqhi nike kümsükutho cheni.

LESHELE 21:11

Panongu no o shou alhoksa kuchughu namu pishikiqhi kuchughu aghi namu tokulu shimo nani.

IPEKULU 16:28

Ampeu no Moses vilo pi, “Nongu ye khitohi I yezah papeni keu miliveni kea?

HOSIYA 7:15

I no panongu qophe eno pano u shikumtotsü keghi I shou alhoksa kuchughu ke.

LESHELE 4:2

O timiqo, khitohi I gigihupu pesü akukujopu lo süve tsüni kea? Khitohi nongu ye adou tsaqo kimiye eno akimki phuni kea?

AHOLE 6:9

O akipichiu, no ye khitohi tile ihozü anani kea? No ye kughou no o küzü lono ithughi nani kea?

SAMUEL ATUGHIU 26:10

Ampeu xü anike Ampeu no Saul pithive nani, momu pa kithi tsala ighi nani, momu pa ye aghüshiqa lo ilo no thive nani.

IPEKULU 10:3

Ikehu Moses ngo Aaron pama no Pharaoh lau wuno pa vilo pi, “Ampeu, Hebrewmi Lhou no ishi piani, ‘No ye I zülo ado khitohi no ampi pesü aqhokigheu shini keu mili anani kea? Iw timiqo puwuvelo, tishianguno panoqo pelo I qelu pelo.

MATTHEW 17:17

Jisü no khochile, “Nongu aküpülü küküha eno chighichilai keqo, ni ye khitohi nongu sasü amasa kea? Ni ye khitohi nongu gholo anani kea? Pa sasü hila ighilo.”

LESHELE 16:8

Ni ye alhokuthu Ampeu pesü I zülo qhicheni; kughengu Pa no I u ajeu ani, ni ye ithavemo nani.

LESHELE 18:3

I no Ampeu, khuu sheqhe küzü keno Pa ku, eno ni ye I ghümi launo xaluve.

LESHELE 125:1

Khunono Ampeu pükhü cheni keno pano ye Zion Toghi toike, ti ye khilemu süküghütha mlae, ikemu alholo ache nani.

Apostolmi 24:9

Jewmi ghi hi nguku akeu kümtsü kuchou kepi küqha tsüe.