LESHELE 60:1 - Sumi Naga CL (Re-edited) Bible (BSI)

¹ O Alhou, Nono ni milivae, ni ghukhe-a kubove tsüae; No ye amlo ideve ke; ningu pesü athoputho tsülo.

BAIBEL (BSI)

¹ O Alhou, nono niqhivae eno niputukhakeu xavetsuke; Noye nilau ologhu ideveke, ikemu itehiye nilau ideighilo.

LESHELE 60:1 Referans Kwoze

SAMUEL AKINIU 8:3

David no Euphrates ghoki qhalo pa küka ikhichile luve niye wuke lono Rehob nu Hadadezer Zobah kükau ghi theqhive.

LESHELE 44:9

Ikemu Nono ningu milive eno ni pelo akukujopu shivepe eno niw ghüshimi gholo wumove.

YEKIKITHI ATUGHIU 18:3

David no Euphrates ghoki lo pa thigho shiqhe niye wuche kelono Zobah-Hamath kükau Hadadezer ghi theqhive.

SAMUEL AKINIU 5:20

David no Baal-perazim lo ighi no panoqo shou toluve. Pa no pi, “Ampeu no züqozü lakhave ketoi I zülono I ghümiqo lakhavae.” Ikehu tipa-a pesü Baal-perazim kuvetsü.

LESHELE 90:13

Ideighi lo, O Ampeu! Khitohi kea? O qemiqo shou kikimiye alo!

LESHELE 85:4

Ni thoputho tsülo, O ni xakulu Lhou, eno ni launo O mlo kighide ikhipe wuve tsülo!

KUKAMI AKINIU 14:7

Amaziah no Amti Khila lono Edommi 10,000 heqhive tsü, eno aghüshi lono Selah hakholuve no Joktheel ipi kuvetsü, ti ye ishi kutolo kuchephi.

LESHELE 89:19

Khaghi Nono kungunhetsü lono küpülümi pütsa no pi: “I no aghütou lakhi kuphuvae; I no timiqo dolo milakhi kishelu keu süqhevae.

LESHELE 89:3

Nono pivae, “I no Iw kishekiphemi sasü puloshoqhi shivae; I no I qeu David lau tushoqhivae:

LESHELE 80:3

O Alhou, ni thoputho tsülo; O gi yepüvü lupelo, tishiaye ningu ye xaluve nani!

LESHELE 79:5

Ampeu, khitohi kea? No ye alholo amloide anani kea? O nhekushu ye ami toi iqüni keshea?

LESHELE 74:1

O Alhou, No ye kushiye alholo ni hapupove ani kea? Kushiye O tsüni kümtsha-a lo ambeqo shou amloide ani kea?

LESHELE 60:10

O Alhou, No ye ningu milive ake kumo? O Alhou, No ye niw ghüshimi gholo no chemovae.

LESHELE 59:11

Panoqo pithi kevilo, tikumo aye Iw timi no kümsümave nani; O küka pesü panoqo haküghütsüve no kuluqhive lo, O Ampeu ni züto!

LESHELE 59:1

I ghümi launo I xalulo, O I Lhou; I lachile ithughi akeqo launo I süsho tsülo;

YEKIKITHI AKINIU 25:11

Ikemu Amaziah no amlo kumto lono paw timiqo sasü Amti Khila lo wuno Seirmi 10,000 heqhive.

YEKIKITHI ATUGHIU 28:9

“I nu Solomon, amlo kümtsü süno puloniqhiyi keu kükümsü xapu o pu Lhou ithilo, kughengu Ampeu no timi mlo lheju no alolo kughu eno kümsüpu akeu kümtsü ithi achenie. Nono Pa phuju aye phulu nani, ikemu nono Pa qhive aye Pa ghi alhokupuju ghenguno o qhive nani.

SAMUEL ATUGHIU 13:11

Samuel no pi, “No ye kiu shive akea?” Saul no pi, “Kughou timiqo no I launo apanaghave, nono kihitha tsükeu tsala lo ighi move, eno Philistiami no Michmash lo hekütsü luve keno,

SAMUEL ATUGHIU 4:17

Khuu asütsa kithe peighi keno pa no khochile, “Israelmi kümtsü Philistiami zülono pokhavae, eno timiqo lau thekiqhi kije ighivae. O nu Hophni ngo Phinehas pama ghi thivae, eno Alhouw Puloshoqhi Bohu ye süxa luvae.”

LESHELE 108:11

O Alhou! No ye ningu milive ake kumo keshea? No ye niw ghüshimi sasü wumovae, O Alhou.

LESHELE 79:9

O je kipipu ghenguno ni kuphulo, O ni xakulu Lhou; O je lono ni xaphe tsülo eno ni xine lono shikimthe tsülo!

SAMUEL AKINIU 10:16

Eno Hadadezer no Euphrates kukuu no Syriami saighive. Shobak no Hadadezer ghüshimi shou zatsüu shino panongu sasü Helam lo ighive.

ZEKHARIA 10:6

“I no Judah lagha shikumto nani eno I no Joseph lagha xalu nani. I no panoqo kimiyeqhiyi kehu panoqo saideghi nani, eno panongu ye I no mili püaghimo ketoi nani, kughengu Ni ye Ampeu pano Lhou eno I no panongu khochile nani.

LESHELE 89:38

Ikemu itehi ye Nono peve eno milivae; No ye Ow nukikishe lau O loghu no chhitoi ani.

LESHELE 89:7

Shishe akimthemi hoho lo gihuküzüpu Lhou, O vehope akeqo nguno alau akighiche khuu ani kea?

SAMUEL AKINIU 8:14

Pa no Edom lo ghüshimi ghazü qhiwove; Edom qha kümtsü lo pa no ghüshimi ghazü qhive, eno Edommi ye David qemi shive. David no khile wu keno Ampeu no tokulu tsüe.

LESHELE 80:1

Akini kugho puwo tsülo, O Israel kheu, Nono ambe loji saphe keshi Joseph shiaye saphe lo! No, Cherubim chishibo shou iqa ngo achekeu, aküvü yepüvü lo.