LESHELE 58:3 - Sumi Naga CL (Re-edited) Bible (BSI)

³ Atita lo aphi lono kixikilami ye küqüve cheni; apunu lono ala vepimive eno akimki tsa picheni.

BAIBEL (BSI)

³ Apolo aphi lono kixikilamiye vimo keulo auvae, panonguye punuke lono hekibide akimki tsa picheni.

LESHELE 58:3 Referans Kwoze

LESHELE 51:5

Julo, ni ye axine lono punue, eno I za no axine lono I mishike.

ISAIAH 48:8

Nongu ye khilemu chilu mphi, khilemu ithi mphi, khaghi nomu hipatsa nongu kini lo iloghi mphie. Kughengu I no ithi ake nongu ye pishikiqhimi eno nongu punu mphi lonomu nongu ye hekibidemi ipi kuche ke.

AHOLE 22:15

Itimi mlo loye alhoaye lono mbomzü shikeu acheni, ikemu sakiyi keu küsü huno tipau hapheve tsü cheni.

Ephesiami 2:3

ningu kümtsü ghuthu lakhi loye tipaqo gholo pitipüza ashi pulou shiche, aphimpi eno akükümsü no mine keu ghakiqipu shiche, eno ashi lomi toi ningu lhoaye no aloghu puni keu tianuli shi ache.

JOB 15:14

Timi ye kiue pi pa ye mithe luni kea? Momu totimi no punu kemi khuu no Alhou zülo amikucho shiluni kea?

ISAIAH 46:3

“O Jacob kibolomi, I tsa inilo, Israelmi ghükulumi kümtsü, nongu punu mphi lono I no nongu tucho hiju ighi, eno atita lono I no nongu tuchosü ighike;

LESHELE 22:10

I punu kelono I no O lau pükhübe, eno I za tita lo akelono No ye I Lhou shi ighivae.

LESHELE 55:10

Putho pucho panongu no aliwo zümili mishighüna homxa ighi, akipimi ngo aküpüna no tile ani;

MICAH 2:1

Khunono küsakügha kuchughu eno pano lüpa lono alhoksa shicheni keno ahasapue! Kughou no tsütho ipeghini keno panongu no tishi cheni, kughengu pano u lo tishilu kepu küka anike.