LESHELE 57:1 - Sumi Naga CL (Re-edited) Bible (BSI)

¹ I kimiyeqhiyi tsülo, O Alhou, I kimiyeqhiyi tsülo, kughengu I ngulho no No ije cheni; kütsakungo keu pasapagha no katha wuve moke kutolo O chishibo qholo I no ijeluni.

BAIBEL (BSI)

¹ Ikimiye tsulo, O Alhou, ikimiye tsulo, kughengu opelo isusholutsu peniyeke. Ochishibo kicheqholo ino ijehlu nanike, tiye shikupsa pasapagha hechelumoke kutolo.

LESHELE 57:1 Referans Kwoze

LESHELE 91:4

Pa no Pa chishibo pesü o nhaluve nani; eno no ye Pa chishibo qholono sükusho ithulu nani; Paw pükhükulu ye azüto eno süshoyi ke.

LESHELE 36:7

O Alhou, Ow iqemokeu kikimiye ye kishi akughupu kela! Timi jeli no O chishibo qholo ijelue.

LESHELE 61:4

I pelo O phiki lo alhokupuju ngo pelo! I pelo O chishibo kicheqho lo sükusho lulu pelo!

LESHELE 63:7

kughengu Nono I kuphu ighive ake O chishibo qholono I no alovi ale pheni.

LESHELE 9:10

Khunono O je ithi ani keno pano no O pükhübe cheni, kughengu, O Ampeu, No ye O phuche kemi pheve chemoe.

LESHELE 91:1

Khuu no Shishe Akiqheuw sükusho lo acheni keno pa ye Akughushuu kicheqho lo cheche nani.

Piyeküsü 21:4

Pa no panongu nhethi lono anhezü kümtsü isüvetsü nani, tile ye akithi ke kumono akumlo, aküqa, eno aghimeu ghi kühave niae, kughengu püzüu thime thaqhü ye wovae.”

RUTH 2:12

Nono kiu mlave akeno Ampeu no lochile peni, eno Israelmi Lhou Ampeu, khuu chishibo qholo nono itshü luniye ighive akeno Pa pelo asaxü kuchopu o tsü peniu!”

ISAIAH 26:20

Ighilo, Iw timiqo, nongu chebo lo ilove no ahukikha khavelo; Aloghu no hechesü wuve moke kutolo ado hami itshü aghilo.

LESHELE 56:1

O Alhou, I küpüqhiyi tsülo, kughengu timi no I qoda ani; atsala kupuju hale ighi akeu no I ghimeqhi ani;

LESHELE 91:9

Kughengu nono Ampeu, Shishe Akiqheu, khuu I küghütshü-a keno Pa pesü o kungo-a shiluve ke—

LESHELE 13:5

Ikemu ni ye Ow iqemokeu kikimiye shou pükhübe ani; I mlo ye Ow xakulu lo alovi nani.

LESHELE 2:12

Anu müma lo, tikumo aye pa no amloide kelo nongu ye pühave nani, kughengu pa loghu ye paikhavi iqü ipeghive cheni. Khunono pa launo sükusho lucheni keno akümghapue.

Piyeküsü 7:14

I no pi, “Nono ithi anie, akijeu.” Pa no I vilo pi, “Hipaqo ye küsakushu kije hechesü ipeghi luve kemie. Panongu ye Ambeti ji lono panow chijeboike phi ishikimthepe metsüghoi luvae.

ISAIAH 50:10

Nongu dolo khuu no Ampeu sümsa cheni eno Pa qeu tsa lucheni kea? Khuu no aküzü lo püla cheni eno aküvü küha keno, pa pelo Ampeu je pükhübe eno pa Lhou pükhülu pelo.

LESHELE 142:1

I sütsa süqhepe I no Ampeu lau ighamku ani; I sütsa süqhepe I no Ampeu pelo kimiye tsü penike qhüiniju ani.

John 16:20

Kuchou no I no nongu vilo piani, ayeghiqha no alovi akelo nongu ye mloqa nani. Nongu ye amloksa no chhitoi nani, ikemu nongu mloküsa ye alokivipu shive nani.

MATTHEW 24:22

Alhou no tipa tsalaqo ghitha kughukhove tsümoke aye timi khumu xümla nani. Ikemu kishekiphemi ghenguno tipa tsalaqo ghitha kughukhove tsü nani.

LESHELE 125:1

Khunono Ampeu pükhü cheni keno pano ye Zion Toghi toike, ti ye khilemu süküghütha mlae, ikemu alholo ache nani.

LESHELE 59:1

I ghümi launo I xalulo, O I Lhou; I lachile ithughi akeqo launo I süsho tsülo;

LESHELE 58:1

Nongu yepemi ye mtsüqheino achipiu pesü azah tsü chenima? Nongu ye timi nuliqo lau süchou no xatha chenima?

ISAIAH 10:25

Kughengu ado hami thiu I loghu ye tave nani, eno tithiu ye pano kütsa nike puku nani.

SAMUEL ATUGHIU 24:3

Pa no ambe lojiki vechesü atuki lo ighi, eno tile akulhoqhi niye ilove. David ngo paw timiqo ghi tipa tuki alou ae.

SAMUEL ATUGHIU 22:1

David ye tileno wuve no Adullam tuki lo itshüve. Kughou pa munoqo eno pa pu kibolomi no ti chilu keno, panongu no tilau pa lau wu.

Luke 13:34

Jerusalem, O Jerusalem, tungkupmi pithive tsü chekeu eno khunoqo tile puwuni keno atu pesü veqhive tsü chekeu phughi! Ni ye khijeta awuqu no achishibo qholo ati vakütsü keshi o nuliqo hekütsüni shiche kela, ikeghi nono pulomoe!

SAMUEL ATUGHIU 24:8

David ghi atuki lono ipeghive, eno Saul kuno pi, “I mpeu akükau!” Kughou Saul no pa thiu jupuwu keno, David no ayeghi lo pa gi daluve no agigihu tsü.

ZAKINIU 9:26

Tile I no Ampeu lau ishi inikhue, ‘O Ampeu Alhou, O mheghi timi, Nono O küka kije lono xachilelu, eno O u no Egypt lono saipeghi keqo kütsave kevilo.

SAMUEL ATUGHIU 24:4

Davidw timiqo no pa vilo pi, “Ampeu no o vilo, ‘I no o ghümi pesü o u lo sütsü nani, eno nono pulo kümsü aketoi pa lau shilu nani,’ ipi püakeu tsala ye hike.” David no mükhano ipe Saulw chijeboike phishe ghotha luvetsü.

SAMUEL ATUGHIU 26:9

Ikemu David no pi, “Pa kütsa kevilo, kughengu khuu no Ampeuw nukikishe shou au süqhe no akipimi shimoni kea?

LESHELE 75:1

Nino shikimthi keu pesü O tsüni, O Alhou; Nino shikimthi keu tsü ani, kughengu O je ye aphivilo ani. Nino Ow akümzapu kümla lheju ani.