LESHELE 56:5 - Sumi Naga CL (Re-edited) Bible (BSI)

⁵ Atsala kupuju panongu no I ghüza cheni; pano kükümsü kümtsü alhoksa shinike I shou acheni.

BAIBEL (BSI)

⁵ Ighumino atsala kupujulo ishipusa acheni; panonguye pulhapuju ighuza niye kuchughu cheni!

LESHELE 56:5 Referans Kwoze

Luke 11:54

eno pa no kiuala pikeu lono pa kitimeni kehu miqepe khea.

MATTHEW 22:15

Tileno Phariseemi ye wuve no pa tsa lono pa kitime niye kuchughu.

LESHELE 41:7

I mithi chekemi kümtsü küqhano I ghili kügha cheni; panongu no I ghenguno alhoksa kümsü cheni.

2 Peter 3:16

hi ye paw yesü kümtsü lo pa no pichekeu tsake. Paw yesü lo kuthoküzü tsa hami vethalu nike shokeu ani, ti ye mtha kemi eno aküpülü lo akuhu qüsümo kemi no Kuchoyesü kütau tuchighive chekeshi tipaqo ghi pesü pano ampi shiküpsapu ghenguno tuchighi cheni.

SAMUEL ATUGHIU 18:21

Saul no kümsü, “I no li pesü pa tsüveni, tishino li pelo pa lichhe shipe no Philistiami no heqhive peni.” Tighenguno, Saul no akiniu ghi David vilo pi, “Itehi no ye I makishiu shiniae.”

John 2:19

Jisü no khochile: “Achineki hipau kütsave lo, eno I no ghulo küthü lono shiqheve tsüni.”

SAMUEL ATUGHIU 18:17

Tithiu Saul no David vilo pi, “I nga akichiu Merab hile ani. I no li pesü o nipu shi penike o tsüni. I ghenguno amlo kumto shino Ampeu ghüshi shilo.” Kughengu Saul no ishi kümsü, “Pa shou I u süqhe moni, ikemu Philistiami u no pa shou ikughi peni.”

MATTHEW 26:61

eno pi, “Timi hipau no pi, ‘Niye Alhou chineki xave no atsala küthü lono shiluve nani.’”

JEREMIYA 18:18

Tile panongu no pi, “Ighilo, ningu Jeremiah shou kuchughuni, kughengu achinemi launo ayezah shiküka tavemo nani, alokütsümi launo mijekütsü eno tungkupmi launo atsa pühave monani. Ighilo, ningu amili pesü pa leni eno pa no kiukiu pinamu ini moni.”

SAMUEL ATUGHIU 18:29

pa ye itaghi alau David msave. Ikehu pa ye alhokuthu David ghümi shi acheuve.

SAMUEL ATUGHIU 20:33

Ikemu Saul no pa yive niye pa ngu chhepuwo. Eno Jonathan no pa pu ye David pithive niye kughuvae pi ithive.

SAMUEL ATUGHIU 20:7

Tsala pa no, ‘Alovae!’ ipi aye o qeu ghenguno akivi, ikemu pa no amloide aye, pa ye I ghüza niye kughuvae pi ithilo.

KUKAMI ATUGHIU 18:2

Elijah no Ahab zülo wu. Tipa ghuloki lo Samaria lo ighono püqümiye ae.

LESHELE 49:6

kushiye aküakini shou pükhü eno pofushi akeu shou qheza chekemi msani keshea?

LESHELE 118:6

Ampeu ye I küdau ani; ni ye msamoe; timi no I lau kiu shikulupu kea?