LESHELE 56:13 - Sumi Naga CL (Re-edited) Bible (BSI)

¹³ Kughengu akithi lono Nono I ngulho xaphe tsüe, iyei, ikiqive kepu lono I pukhu xaphe tsüe, tishino I pelo aküxüpu küvü lo Alhou zülo alache wulu peke.

BAIBEL (BSI)

¹³ kughengu akithi lono ixaphelu eno ino iluqiveni chekeu lono puthu gholupeke. Tiye ipelo Alhou zulo xuluno kuxumi shou yepuvulu peniyeke.

LESHELE 56:13 Referans Kwoze

JOB 33:30

aqokutho lono pa saideghi no aküxüpu küvü no pa yepüvü luve peniye ke.

LESHELE 145:14

Veqhive niye akemi Ampeu no sünheqhe cheni eno khunono qhoqhü itsaqi ani keno pano xaqhe cheni.

LESHELE 49:15

Ikemu Alhou no Kithigha küka lono I ngulho xaphelu nani, kughengu Pa no ni ikhilu nani.

1 Thes. 1:10

eno Pa Nu Jisü khuu akithi lono xüputhupe aloghu ighini ye akeu lono ni xaphelu nani keno, nongu no kishi Pa ikighi khekuto cheni keno, panongu ampi no pesü pike.

LESHELE 17:5

I pukhu ye O laghi lo mtotoi ani; I pukhu ye nekipheve mphie.

ISAIAH 2:5

O Jacob laghami, ighilo, ningu Ampeu küvü lalo checheni nolo!

BOTHUBO 17:1

Kughou Abram no ampe lhotoku toku shi akeno Ampeu no Abram lau ipeghi no pa vilo pi, “Ni ye Akughushu Lhou; I zülo chechelo, eno tukutiye shikevilo,

ISAIAH 38:3

“O Ampeu, I no kishi O zülo pükhükulu eno amlo tsüqhiyi shi püzü O nhethe lo akivi shiche keno, kimiyeno kümsülu tsülo.” Eno pa ye amlo ghujushi qauve.

LESHELE 94:18

Kughou I no, “I pukhu nekipheveni cheni,” ipi kümsü keno, O Ampeu, Ow iqemokeu kikimiye no I sünhelu ke.

James 5:20

khuu no ala kumo lono axinemi sachile ighi keno, pa ye akithi lono axinemi ngulho xalu ani, eno axine kütsasa pevetsü kulupu shi anie pi ithi pelo.

IBRIMI 2:15

eno khunoqo akithi kümsa ghenguno aküxü tivi qüaxe lo tsüghape ache keno xapheve niye ke.

SAMUEL ATUGHIU 2:9

“Pa no Paw pükhükulumi khekuto nani, ikemu kixikilami ye aküzü lono hapupove nani, kughengu timi ye akumto lono tokulu shimo nani.

John 8:12

Jisü no itaghi timiqo vilo pi, “Ni ye ayeghiqha küvüe. Khunono I papeni keno aküzü lo chemo nani ikemu aküxüpu küvü anani.”

2 Kor. 1:10

Pa no akithipu kümsapu lono ningu xaphelue, eno ningu xaphelu nani. Pa no itaghi ningu xaphelu nanie pi ningu ye Pa shou niw lajupu bevae.

ACHINE 23:38

Akümllagho hipaqo ye Ampeuw Sabbath gholo nonguw ashoqhi kümllagho eno pulokini kümllagho Ampeu tsükeu gholo küqhani.