LESHELE 55:17 - Sumi Naga CL (Re-edited) Bible (BSI)

¹⁷ Avela, inaqhe eno puchomghü lo I no muchho eno aghuju shi igha, eno Pa no I sütsa chilu tsüe.

BAIBEL (BSI)

¹⁷ Ino putho pucho pa vilo muchho khua nani eno pano isutsa chilu nani.

LESHELE 55:17 Referans Kwoze

Ephesiami 6:18

Ado kümtsü lo Aghungu lono Alhou vilo khu, eno qhüiniju keu kighini shilo. Tipau kimji lono tsükhüi shino küpülümi ghenguno khuini tsülo.

1 Thes. 5:17

tamono inikhu lo,

LESHELE 141:2

I kighini ye axokütsüngü toi O zülo kihi tsülo, eno I u peqhepe inikhu akeu ye avelau kipti gho toi ikhilu tsülo!

Apostolmi 3:1

Ghulo lakhi Peter ngo John pama no avelau ayi küthü kihe kighini lo achineki lo iqhoche.

IBRIMI 5:7

Jisü no ayeghi lo ache kelo aghügha kuloghi eno anhezü kipiji pesü Alhou khuu no akithi lono pa xalu nani keno, Pa vilo khuche, eno pa lolo sükümsa akeu ghenguno ikhilu tsüche.

Apostolmi 10:9

Thoghiu panongu no Joppa toniche kelo, Peter ye akighini shinike puchou ayi chighikini qhalo aki kütsüqa lo iku.

Mark 1:35

Thanau tsükutho lau Jisü no itheno ithuve no züghüi aphi lono yenguyi ke-a lo wuve, eno tilauno inikhue.

DANIEL 6:10

Kughou Daniel no kiyepa lo jemchi süvae pi ithive keno, pa ye pa ki kunguu chebo lo alasheqo Jerusalem küdau khaqhipe qhi chekeu lo ikuve. Pa no azüu shiche ketoi, atsala lo ghuthu küthü qhoqhünhe no akighini shi eno pa Lhou zülo shikimthi tsüe.

LESHELE 119:62

O mikucho pimheye ghenguno I no zübumta lo ghi idathughi no O sheqhe cheni.

LESHELE 92:2

inaqhe no Ow iqemokeu kikimiye, eno putho lono O pükhükulu asheshu,

Apostolmi 10:30

Cornelius no pi, “Ishi bidi shive ake hipa tüqhüdo avelau ayi küthü kihelo, ni ye I ki lono akighini shiae. Tile timi lakhi metsüghoike phimini pepusü I zülo ipeghi,

Mark 6:46

Tithiu pa ye akighini shiniye naghuto lo iqhove.

LESHELE 88:13

Ikemu O Ampeu, I no O lau ighamku ani; inaqhe no I kighini pesü O zülo ighi ani.

Apostolmi 10:3

Ghulo lakhi avelau ayi küthü kihelo Alhouw kungumi lakhi no pa lau ighi no, “Cornelius” ipikeu pa no kungunhetsü lono mtsüqhei ithulu.

DANIEL 6:13

Tileno panongu no khochile no akükau zülono pi, “Daniel, khuu Judah lono haphe sawuve kemi keno, pa ye o lau, momu nono jemchi shive keu yezah lo amlo tsüqhiyi amoe, O akükau, ikemu pa ye atsala lo ghuthu küthü inikhu ani.”

Mark 6:48

Amülhü no akhopemi küdau ghachile ighi no fudaqhi akehu panongu no azüu sawu mlano chekeu pa no ithulu. Tsükutho lau ayi küthü qhalo pa no azü shou no alachesü panoqo lau ighi. Pa ye panoqo hechesü wuniye shike,

AKUMLO 3:8

I no kuphu peniye ku kemu Pa no I kighini chilu tsümoe;

JOB 19:7

I no ighamku, ‘Kütsakungo ani!’ ipi kemu I khochile moe; I no kuphu penike igha kemu kuchou xakütha shitsümoe.

LESHELE 72:12

Kughengu kughou aveküsami ngo kumlhomi eno akukuphu küha kemi no pa ku keno pa no xalue.

LESHELE 77:2

I veküsa tsala lo I no Ampeu phuwue; I no qeive mono puthotsü I u sükhope inikhue; I ngulho no alokughuno shinike mili auve.