LESHELE 52:1 - Sumi Naga CL (Re-edited) Bible (BSI)

¹ O akumtou, kushiye alhoksa lono qheza cheni kea? Alhouw iqemokeu kikimiye ye atsala kupuju acheni.

BAIBEL (BSI)

¹ Noye kushiye alhoksa kumla shi keulo qheza-laki ani kya? Alhou kikimiye ye lhokta kutoloke.

LESHELE 52:1 Referans Kwoze

LESHELE 103:17

Ikemu Ampeu sükümsami lau Paw iqemokeu kikimiye ye shekhaha acheni, eno Pa chipiu mikucho ye atianuli lono atilimi kutolo acheni,

LESHELE 107:1

Shikimthi keu pesü Ampeu tsülo, kughengu Pa ye aloe, Paw iqemokeu kikimiye ye alhokupuju acheni!

LESHELE 94:4

Panongu no pano qheküza tsa piqhi; kixikilami kümtsü no qhezae.

AHOLE 6:14

chighichilai keu mlo xapu alhoksa kuchughu, tamomithe aküküpna xusü cheni;

SAMUEL ATUGHIU 21:7

Tipa tsalani Saul qemi lakhi ye tile Ampeu zülo khathape ae. Pa je ye Doeg, Edommi lakhi. Pa ye Saul mishi khemi atou ke.

ISAIAH 59:4

Khunomu atsa kükügha lo achipiu lono wu chemoe, khunomu yepemi lau amikucho lono wu chemoe, panongu ye adou tsa shou pükhüpe acheni eno akimki tsa pi cheni, panongu no mqümgha shi cheni eno tileno shikipimi iqiphe cheni.

LESHELE 7:14

Julo, kixikilami ye alhoksa mishipu cheni, pishikiqhi mishipu cheni, eno akimki punuqhi cheni.

2 Tim. 3:2

Kughengu timiqo no ishi xüuve nani: alikhi ampi kimiye kemi, pisa kimnemi, aqheküza, akuchhomami, kütami thogha, apuaza hekibide, shikimthi kükühami, mithemo keu,

AHOLE 6:18

kixikila kuchughu chekeu mlo, alhoksa lo poilo chekeu pukhu,

IPEKULU 22:9

Amshitsü, khurha, ambe, ane, hebephi, momu kiu kiumu pühave keu achipikumo lono qhipüaghi kelo, khuana no, ‘Hi ye Iw ke,’ ipi aye, amqo kini küküpna ye Alhou zülo süghini. Alhou no khuu kileveni keno pa no tipa qhemi kini pesü pa kisüghüu lochileni.

Rommi 1:30

alatsa kipimi, Alhou kimthimi, timi thaigha kichemi, aqheküza akülakimi, alhoksa kiyiqimi ke, apuaza gholumo kemi,

MICAH 7:3

Panoqo u ye tsaqüi alhoksa shiniye tipau shou bepe ani; yepemi ngo xaküthami no külügho khu, eno kijemi no pa lolo küsakügha shinishi keu picheni; ikehu panoqo no kuchughu küqha cheni.

JEREMIYA 9:8

Panongu mili ye akithipu piji toike, tino pishikiqhi tsa picheni; pano kichi loye pano kisüghümi lau külakishi tsa picheni, ikemu pano mlo loye ghüthe shipe khe cheni.

LESHELE 59:7

Panongu ye hule ani, pano kichi lono ghubolei igha ani panoqo mütsü lo azütakikihi ani— kughengu panongu no kümsü, “Khuu no ni tsa chiluni kea?”

LESHELE 54:3

Kughengu inaghami no I lachile ithughivae; ajiküxümi no I küxü phucheni; pano ye Alhou sümsa chemoe.

LESHELE 10:7

Pa kichi lo ghukusho, pishikiqhi eno qodaqhi keu no chhitoi; Pa milibo qholo pishikiqhi eno axine ani.

JEREMIYA 41:4

Gedaliah ghiqhiwo thoghiu, timi khumu mtha aphi lono,