LESHELE 51:12 - Sumi Naga CL (Re-edited) Bible (BSI)

¹² Ow xakulu lokivi I tsüchile lo, eno pulopinyi keu ghungu pesü I choqhe tsülo.

BAIBEL (BSI)

¹² Owu xakulu lokivi akeu itsuchilelo, ipelo oghokulu shini shi qhiyi pelo.

LESHELE 51:12 Referans Kwoze

ISAIAH 41:10

I no o sacheni ke msa kevilo; aghüthisü kevilo kughengu Ni ye o Lhou ke; I no o shikumto eno o kuphu nani, I chipiu mikucho pesü I no o süqhe nani.

LESHELE 13:5

Ikemu ni ye Ow iqemokeu kikimiye shou pükhübe ani; I mlo ye Ow xakulu lo alovi nani.

ISAIAH 61:10

Ni ye Ampeu launo shishe alovi nani; I ngulho no I Lhou sheqhe nani, kughengu külapuu no achineu toi jukivi kütsükuqho pu ketoi, eno külaliu no akughupu chikuqo ni ketoi, Pa no xakulupu phimini pesü I pipe; eno achipiu-mikucho pesü I phiküzü shitsü ke.

Jude 1:24

Itehi ye khuu no nongu pelo küpxa pemo eno tukutiye küha no Pa juküvü zülo shishe alokivishi nongu ikhiphepe tsülu nani keno,

2 Kor. 3:17

Ampeu ye Aghungu, eno khilehi Ampeu Ghungu ani keno tilehi kuqhokiphe ani.

Luke 1:47

eno I ghungu no Alhou I Xakuluu lau alovi ani,

LESHELE 35:9

Tileno I ngulho no Ampeu lau alovi nani, Paw xakulu sheqhe nani.

LESHELE 119:133

O shoqhi kiqi lono I pukhune jukuto tsülo, eno kiu kipimi pelomu I qhasü luvepe kevilo.

1 Peter 1:5

khunoqo ghenguno xakulupu kuto püani keno ti pepheni keu do ashekha ghuloki tomoke kutolo panoqo ye aküpülü vecheo Alhou küka no süshope anie.

Rommi 8:15

Kughengu nongu ye akümsapu lo ideilove peniye aqüaxekishi ghungu ithulu ke kumoe, ikemu Alhou no atianuli shi saluve keu Ghungu ithulu ke, tishikeu lono ningu no “Apuo! Apuo!” ipi ighamku cheni.

JEREMIYA 10:23

O Ampeu, timi küxü ye paw kumoe pi I no ithi ani, timi ye pa kutoshi pa nepa kichetsü mlae.

Rommi 14:4

No ye khuue pi kütami qeu shou küghathabeni kea? Pa no achipishi aghina monamu pa mpeu likhino pi nani. Eno pa ye Ampeu no kuphutsü keu lono puthugholu nani.

LESHELE 21:1

O Ampeu, akükau no O kumto lo alovi ani, eno Ow xakulu lo pa no kishi alovishe ani kela!

LESHELE 19:13

Kümsükuju xine lono O qeu sünhe chile lulo; tipaqo pelo I qhasü luvepe kevilo! Tishiaye ni ye tichetighe küha nani, eno axine kije lono akipimi küha nani.

LESHELE 17:5

I pukhu ye O laghi lo mtotoi ani; I pukhu ye nekipheve mphie.

ISAIAH 49:13

O atsütsü, alovi ale phelo, O ayeghi, ighalo; O naghutoqo, alokivi le phelo! Kughengu Ampeu no Paw timi lopiqive tsüae eno aghime lo akemi shou Pa kikimiye puku tsüke.

LESHELE 24:4

Khuu no au mithe eno amlo tsüghükhüi ani, khuu no kichile lau pa küxü pephetsü chemo eno pishikiqhi shoqhi shichemo keno pa no tishilu nani.