LESHELE 46:6 - Sumi Naga CL (Re-edited) Bible (BSI)

⁶ Shiyeqo no aloghu ide ani, kükaqhaqo ikiqivae; Pa no Pa sütsa sheshu, ayeghi no mlaghubeive.

BAIBEL (BSI)

⁶ Ashiayeh kutamiye thughuive, ayehkipe qhaqoye sukinileqhi; Alhou no pa sutsa ighakelo ayeghiye mukhumuno shivae.

LESHELE 46:6 Referans Kwoze

AMUS 9:5

Ampeu, aqokitikhi Lhou, Pa no ayeghi bukelo pitikümlave cheni eno tile akemi kümtsü no mloqa cheni, panoqo no Nile züghi toi ikughi eno itaghi Egypt lo Nile züghi toi iqüilove cheni;

NAHUM 1:5

Naghutoqo no Pa zü lo itha; atoghiqo no ayitsü shivae; ayeghi eno tile xüküami kümtsü khokhoshi Pa zü lo ipeghi.

MICAH 1:4

Ami lono aghügha kümlave keshi naghutoqo no Pa zülo mlaghubeive nani, kunguu no azü peleqhi akeshi akhilaqo no iko ipeghive nani.

JOYIL 2:11

Ampeu no Paw ghüshimi zülono asheshu, kughengu Paw ghüshimi ghazü ye shishe kijeke; Khuu no Pa tsa pecheni keno Pa ye aküka kumtou ke. Kughengu Ampeu tsala ye kije eno shishe aküighüpu; khuu no ti puqhelu nani kea?

LESHELE 18:13

Ampeu no kungugha lono tsütsüsü, Shishe Akiqheu no sheshu, mürasü ngo amibalu ipeghie.

AMUS 9:13

“Julo, atsala hu ye chenie,” ipi Ampeu no sheshu, “alu hokikidemi no ghile kuhumi vecheve nani eno atsaithi qole kemi no axüthi sükemi haluve nani; Naghutoqo no akungo ji kighiji eno atoghi lono ti qowu nani.

AMUS 1:2

Amos no pi: “Ampeu no Zion lono ighamku Jerusalem lono Pa sütsa süqhe; atsüni kümtsha-aqo no mloqa eno Carmel toghi no ighüyivae.”

JEREMIYA 25:30

“Tighenguno no ye atsa hipaqo pesü panongu lau tungkuptsa pi masae, panongu vilo pilo: “‘Ampeu no ato lono igha nani, Pa kimthe-a lono mqhu ani; Pa no Pa lojimi shou mghachhoi mqhu nani, eno atsaizü kütsüghümi no ighamku ake toi, ayeghi lo xüküami shou mqhu nani.

LESHELE 97:5

Ampeu zülo naghutoqo eno ayeghi kümtsü no aghügha toi ijileve.

LESHELE 68:33

Mulhou tsütsü lo cheche keu julo, Pa no asütsa, akughushu sütsa puwue.

LESHELE 68:8

Sinai lo Alhou, Israel Lhou, zülo ayeghi no itha, atsütsü no tsütsüghu ghuqhie.

YEKIKITHI AKINIU 20:1

Hipa thiu Moabmi ngo Ammonmi no Meunimi pano gholo küqha no Jehoshaphat leighi.

JOSHUA 2:24

Pama no Joshua vilo pi, “Kuchou no Ampeu no ayeghi kuchopu pesü ni tsüvae. Eno tile küami kümtsü no ningu msa auvae.”

JOSHUA 2:11

Nino ti chilu kemtsa ni mlo hauve eno nongu kümsa no timi khumu aghungu aphi ije move, kughengu nongu Mpeu Alhou no kunguu atsütsü lo ngo aqhou ayeghi lo Alhou ke.

JOSHUA 2:9

eno pama vilo pi, “I no ithivae Ampeu no hipa yeghi pe nongu tsüvae, nongu msakeu no ningu shou ikughivae eno ayeghi lo küxümi kümtsü no nongu zülo ikiqive ani.

Piyeküsü 20:11

Itaghi I no kükalakhü metsüghoike kije lakhi eno tipau lo Khuu iqa akeno ithulu. Atsütsü eno ayeghi ye Pa küa lono hauve no ithumlave.

ZAKINIU 7:21

Panongu jumsa kevilo, kughengu akijeu eno aküighüpu Lhou Ampeu no nongu gholo ani.

KUKAMI AKINIU 19:34

Kughengu I je ghenguno eno I qeu David ghenguno, I no mishighüna hipau süshope xalu nani.”

LESHELE 125:1

Khunono Ampeu pükhü cheni keno pano ye Zion Toghi toike, ti ye khilemu süküghütha mlae, ikemu alholo ache nani.

ISAIAH 31:5

Aghau no yeiqho-iqi ache keshi, aqokitikhi MPEU no Jerusalem süshope anani eno xachilelu nani; Pa no ti pükhape püxü nani.”

ISAIAH 33:20

Niw tiqhetini phughi Zion julo! Nongu no Jerusalem ithulu nani, ti ye iqüghai eno pekiqemla keu phiki ke, tipau yishu ye khilemu sülamla momu akighi mu sütha mlae.

EZEKEL 48:35

Mishighüna kubohu kimghi ye kilometer 9 anani. Eno tipa tsalani no mishighüna je ye, Ampeu ye tile ani, ipi kuve nani.”