LESHELE 45:7 - Sumi Naga CL (Re-edited) Bible (BSI)

⁷ No ye achipiu mikucho kimiye eno küsakügha mithi ke. Tighenguno Alhou, o Lhou no o küsami nguno alau alokivi thazü pesü o nukishe ke.

BAIBEL (BSI)

⁷ Noye achipiu kimiye eno alhoksapuye mithike. Tighenguno Alhou, oLhou no okisheluke eno alokivi pesu kukami kutami nguno alau oshou betsuke;

LESHELE 45:7 Referans Kwoze

IBRIMI 1:9

Nono achipiu mikucho kimiye eno küsakügha mithike ghenguno O Lhou, Alhou, no alopivitsü chekeu thazü pesü O küsami züuno O nukishelu ke.”

LESHELE 21:6

Kughengu Nono pa pesü alholo shishe akümghau shitsü; Nono ighikeu lokivi no pa pelo alovi lupe.

LESHELE 33:5

Pa ye achipiu mikucho eno kuchou xakütha kimiye cheni; Ampeuw iqemokeu kikimiye no ayeghi chhi ani.

Ephesiami 1:3

Ni Mpeu Jisü Khristo papu Alhou, khuu no kungugha kiqhe-a lono aghungu lo kükümgha kümtsü pesü Khristo küdau no ningu kümghatsü keno, sheqhe küzüe,

Apostolmi 2:28

Nono aküxüpu la I piye; Nono I sasü akeu no I lopivi tsü nani.’

John 3:34

Alhou no khuu puwu keno pa no Alhou tsa pesü pike, kughengu Alhou no Pa Ghungu kupukuno shi pa tsüe.

LESHELE 101:8

Ayeghi lo küsakügha shiche kemi kümtsü inaqhe atsütsü I no kütsave nani, Ampeuw mishighüna lono kixikila shiche kemi kümtsü hapheve nani.

John 1:16

Paw kupukülai keu lono ningu kümtsü no küpükini shou küpükini ithuluvae.

LESHELE 99:4

Akükau no pa kumto lono kuchou xakütha kimiye cheni. Nono kümtsü lau aghibiu shi; Nono kuchou xakütha süghi eno Jacob lau achipiu mikucho süghike.

Rommi 8:29

Timi khunoqo Alhou no azünatha ghi ithi akeno panongu pelo Pa Nu julho kimihi shiluve peniye Pa no panoqo kishe kütüta shive, tishianguno athiküzümi kutomo gholo Anu pelo amsüu shi peniye ke.

LESHELE 89:26

Pa no I lau ighamku pi nani, ‘No ye I pu ke, I Lhou eno I xakulu tuqu ke.’

LESHELE 89:20

I no I qeu David ithulue; thazü kimthe pesü I no pa nukishevae,

LESHELE 11:7

Kughengu Ampeu ye amikuchoe; Pa no amikucho kümla kimiye cheni; amikuchomi no Pa gi ithulu nani.

Luke 3:22

eno Aghungu Kimthe no ashi phimpi lono miqhedu kimihi shi iqighi no pa shou ngove; eno kungugha lono asütsa lakhi ighi, “No ye I Nu I qhuu, O jupe Ni ye amlokiqi shicheni.”

MATTHEW 3:15

Ikemu Jisü no pa khochile, “Itehi ye tishive aghilo, kughengu Alhou lopu shiluni keu mikucho kümtsü shikupu tsükeu ye ningu ghenguno achipi ke.” Tileno John no pulove tsü.

LESHELE 2:2

Ayeghi lo kükami no pano ampi süqhe, eno yepemi no mije küqhano Ampeu eno Paw Nukikishe lachile pi,

KUKAMI ATUGHIU 19:16

Eno Nimshi nu Jehu pelo Israelmi kükau shipenike nukishe lo, Abel-meholahmi Shaphat nu Elisha pelo o züqhulo tungkupu shipenike nukishe lo.

ACHINE 8:12

Pa no thazü pesü Aaron kütsü lo sütsü no kishekimtheve.

Piyeküsü 21:27

Ikemu mithekumo ye kiu gholau nomu tile ilolumo nani, tike kumono kitiqeve keu momu kichile kümla shive keumu ilolumo nani, ikemu khunono Ambetiw aküxüpu kaku lo aghini keno pano likhino ilolu nani.

IBRIMI 7:26

Ningu no akimthe, tichetighe küha, tukutiye küha, axinemi launo kütüta shipe atsütsü nguno kunguu süqheve keu chinetou hitoike aghikeu ye achipie.

IBRIMI 2:14

Ikehu atianuliqo no ashi eno aji xapu aketoi, pa ampi ghi panoqo kimihi shi thokha küsaje ke, tishianguno pa kithi vecheo tüghami khuu no akithi küka ache keno kütsave niye ke,

John 20:17

Jisü no li vilo pi, “I bu kevilo kughengu ni ye Apu lau iku mphie. Ikemu I thiküzümi lau wuno panoqo vilo pilo, ‘Ni ye I Pu eno nongu Papu lau, I Lhou eno nongu Lhou lau iku cheae.’”

Luke 13:27

Ikemu pa no pi nani, ‘I no piani, ni ye nongu no khilau no ighi ani keno mthae. Nongu alhoksa kümlami, kümtsü I launo cheve lo!’

MATTHEW 7:23

Tileno I no panongu lau shuphe nani, ‘Ni ye khilemu nongu mthae; nongu ayezah heküxamiqo, I launo chevelo.’

SAMUEL ATUGHIU 16:13

Ikehu Samuel no pa kibo lono thazü ikhiphe no amunoqo küa lono pa nukisheve. Tileno Ampeu Ghungu no tipa tsala lono David shou ikughive. Tishino Samuel ye Ramah lo idewove.

ISAIAH 9:6

Kughengu ni lau anu punutsü ani, anu lakhi ningu tsü anie; Yepeka kükagha ye Pa u lo anani, Pa je ye Akümzapu Mijekütsüu, Akughushu Lhou, Alholo Apu, Külakishi Yepeu kutsü nani.

ISAIAH 11:4

ikemu kuchou xakütha pesü kumlhomi tsü nani, eno akuchunimi ghenguno aghibiu lono xathatsü nani; pa kichi lo ayiküsü akeu pesü ayeghi shou hepuku nani, eno pa tuthukishe pesü kixikilami pithive nani.